21
(Mar 12:41-44)
1 A hei zoh i mirum hna nih thawhlawm kuang ah thawhlawm an thlak i,
2 nuhmei sifaknu zong nih phaisa sen pahnih a sanh ve kha a hmuh.
3 A thawh hna i, “Biangaite kan chimh hna. Hi nuhmei sifaknu nih hin a dang vialte nakin tam deuh a thlak.
4 zeitintiah a dang vialte nih khan cun an ngeihhlei an thlak, sihmanhsehlaw hi nu nih hin cun a sifah buin a nunnak ca i a ngeihchunte cu a thlak,” a ti hna.
(Mat 24:1-2; Mar 13:1-2)
5 Micheu hna nih biakinn kong an ceih, zeitluk in dah a òhat ti le lungvar òhaòha in an òamhnak kong le Pathian sinah an pekchanhmi kong an chim caah Jesuh nih,
6 “Hi thil nan hmuhmi hna ah hin lung aa rualmi hi chimh lomi pakhat hmanh a um lo caan a phan te lai,” a ti.
(Mat 24:3-14; Mar 13:3-13)
7 “Cawnpiaktu, cu thil hna cu zeitik ah dah a si lai? Cu thil a phanh lai ah zei hmelchunhnak dah a um lai?” an ti.
8 A thawh hna i, “Ahohmanh nih an in hlen hna nakhnga lo i ralring u, zeitintiah ka min in an ra lai i, ‘Keimah hi Amah cu ka si!’ ti le ‘A caan a phan dengmang cang!’ an ti lai. Va zum hna hlah u.
9 Raltuknak le ral thawngpang nan theih lai, asinain va òih hlah u, cu bantuk cu a um hmasa hrimhrim awk a si, sihmanhsehlaw caan donghnak cu a si colh rih lai lo,” a ti.
10 A thawh òhan hna i, “Ram khat le ram khat an i tu lai i, cozah dang le cozah dang an i do lai.
11 Li fak piin aa hnin lai i hmun kip ah mangòam a tlung lai i rai phun kip a tlung lai. Van in òihnung pipi le hmelchunhnak ngan pipi an lang lai.
12 Sihmanhsehlaw cu thil hna a phanh hlanah cun an in tlaih hna lai, sinakok ah an in chuahpi hna lai. Thong ah an in thlak hna lai i an in hrem hna lai. Keimah ruangah siangpahrang le mangki hmai ah an in chuahpi hna lai.
13 Cu caan cu ka bia theitu nan si langhternak caan a si te lai.
14 A hlankan in bialehnak ding i ruah cia a hau lai lo ti kha hngal hmasa ko u.
15 Nan ral hna nih an in tluk hna lo ding le al khawh lo ding fimthiamnak le hmurka kan pek hna lai.
16 Nan nu le nan pale, nan unau rualchan le nan hawikom hna hmanh nih an in rawi hna lai i a cheu hawi cu an in thah hna lai.
17 Keimah min ruangah mi kip nih an in huat hna lai,
18 sihmanhsehlaw nan samfa fa khat hmanh a lo lai lo.
19 Nan in khawh ruangah nan nunnak a him lai.”
(Mat 24:15-28; Mar 13:14-23)
20 “Ralkap nih Jerusalem an kulh dih nan hmuh cun a rawhnak caan a nai cang ti hngal ko u.
21 Cu tikah cun Judea ram i a ummi cu tlangram ah zam u law khuapi chungah a ummi hna cu chuak hna hlah seh law ramlak i a ummi hna khua chungah lut hna hlah seh;
22 zeitintiah cucu Cathiang ah rak òial cangmi lehrulhnak caan kha a tlinnak a si.
23 Pumlawnglo le hnuktlai lio nu hna caah cun a har ko lai; vawlei ah awlokchonnak a tlung lai i mi cungah thinhunnak a tlung lai.
24 Nam in sam an si lai i ram kip ah sal in kalpi an si lai; Jentail mi hna caan a tlin hlan cu Jerusalem hi Jentail hna nih an ke in an lamh chih lai.”
(Mat 24:29-31; Mar 15:24-27)
25 “Cun ni le thla le arfi hna ah khin hmelchunhnak an lang lai i vawlei zongah tilipi hrum ai an theih tikah
26 miphun kip cu zei ti um awk hngal loin an hnabei a dong lai. Van lianhngannak aa hnin lai i vawlei ah thil òihnung a tlung laimi an ruah tikah a ther in an ther lai.
27 Cu caan ah cun Mi Fapa cu òhawnnak le sunparnak lianngan he vanrang lakin a run kha an hmuh lai.
28 Cu bantuk thil um hram aa thawk cun nan lu hler u law van lei zoh u, zeitintiah nan tlanhnak ni cu a phan dengmang cang.”
(Mat 24:32-35; Mar 13:28-31)
29 Cun bianabia pakhat a chimh hna; “Theipi kung le thingkung dang vialte zong khi zohhmanh hna u,
30 an hnah a corh cangka òhal caan a nai cang lai ti nan hngalh.
31 Cu bantukin cu thil vialte hna cu nan hmuh tikah Pathian pennak cu a nai cang ti nan hngalh.
32 Biangaite kan chimh hna, cu thil vialte a tlin hlanah cun hi chan hi a liam lai lo.
33 Van le vawlei an rawk lai nain ka bia cu a rawk lai lo.
(Mat 24:36-44; Mar 13:32-37)
34 “Cu a si caah nuamhhnaihnak le zudin saei in rithainak le nifa khuasak tintuk lungretheihnak in i ralring ko u.
35 Cu ni nih cun rap foih in an foih sual hna lai; zeitintiah vawlei cung i a ummi vialte cungah cucu a tlung lai.
36 Mi Fapa hmaiah nan dir khawh nakhnga le hi thil vialte in nan luat khawh nakhnga zeitik paoh ah ralring tein um u law thlacam ko u,” a ti hna.
37 Chun ah cun biakinn chungah a cawnpiak hna i zan ah cun Oliv tlang timi ah a va riak tawn.
38 Zingka tein mi vialte nih a bia ngaih duh ah biakinn cu an fuh tawn.