20
(Mat 21:23-27; Mar 11:27-33)
Ni khat ah Jesuh cu biakinn ah mi a cawnpiak hna i thawngòha a chim lioah tlangbawi hna le phung cawnpiaktu upa hna cu khua upa hna he a sinah an hung kal i, “Zei nawlngeihnak in dah hi thil hi na tuah? Ahodah hi nawlngeihnak hi an pe? rak kan chim,” tiah an hal. “Kei zong nih bia kan hal ve hna lai, rak ka let tuah u, Johan baptisma pekmi kha van in maw a rat, minung sinin dah?” a ti hna. Anmah le anmah an i ceih i, “ ‘Vancung in kan ti ahcun ziah nan zumh kun lo,’ a ti lai. ‘Minung sinin kan ti ahcun zapi nih hin lung in an kan cheh lai, zeicahtiah Johan cu profet a si kha an zumh,” an ti. “Khoika in a si kan hngal lo,” tiah an leh. Cun Jesuh nih “Kei zong nih zei nawlngeihnak in dah hi thil hna hi ka tuah ti cu kan chim ve hna lai lo,” a ti.
(Mat 21:33-46; Mar 12:1-12)
Mi zapi cu hi bianabia hi a chimh hna, “Mi pakhat nih mitsur dum a ser i mi a hlanh hna i caan saupi rau in ramdang ah a kal. 10 A caan a cut tikah a hmuh hngami va lak dingin a miòhi pakhat kha dum hlangtu sinah cun a hei thlah, asinain dum hlangtu nih cun an rak velh i kutro in an kirter. 11 Miòhi dang pakhat a hei thlah òhan, cu zong cu an velh òhiamòhiam i ningzak ngaiin an rak tuah i kutro in an kirter òhan. 12 A voi thumnak a thlah òhiamòhiam rih, cu pa cu hma an rak hmuah i dum lengah an chuah. 13 Mitsur dum ngeitu nih cun, ‘Zeitindah ka tuah lai? Ka fapa dawtmi hi ka thlah ko tuah lai, anih tal hi cu a hmai an rak zah deuh lai,’ a ti. 14 Dum hlangtu hna nih an rak hmuh tikah, ‘Hi pa hi rocotu ding a si, that u sih law a ro hi kanmah nih co lehlam u sih,’ an ti. 15 Mitsur dum chungin an chuah i an thah. Mitsur dum ngeitu pa nih cun zeitindah a tuah lai? 16 A ra lai i dum hlangtu cu a hloh dih hna lai i a dum cu midang a pek hna lai,” a ti. A bia a theimi hna nih cun, cuti ngai cun si sawh hlah seh!, an ti. 17 A zoh hna i hitihin a ti hna, “Hiti aa òialmi hi zeitindah a si kun?
‘Inn satu nih an duh lomi lung theng te kha
Santlai bik tukki lung ah a cang,’
timi kha 18 Cu lung cung i a tlumi paoh cu an kek dih lai i a nenhmi hna paoh cu an man dih lai,” a ti hna.
(Mat 22:15-20; Mar 12:13-17)
19 Phung cawnpiaktu hna le tlangbawi upa hna nih khan cu caan te ah cun tlaih colh an timh, zeitintiah cu bianabia cu anmah a chim hnawhchan hna kha an i hngalh, sihmanhsehlaw mi zapi kha an òih hna. 20 Cu hnu cun an bawh peng i nawlngeitu le biaceihtu mangki sin a phanh khawh nakhnga a biachim sualmi ngiathlaitu, lungthiang le miding aa lawhtermi an thlah hna. 21 An i thawh i, “Cawnpiaktu, a dinning tein na chim i na cawnpiak hna; ahohmanh na dang lo, Pathian bia ning tein na cawnpiak ti kan hngalh. 22 Sizar sin i ngunkhuai pek hi a phung a si maw si lo?” an ti. 23 Sihmanhsehlaw Jesuh nih an lung zerning kha a hmuh i, “Tangka phar khat in ka hmuhsak tuah u. 24 Aho min le aho mui dah a cuang?” a ti. Annih nih, “Sizar,” an ti. 25 Anih nih, “Cuti a si ahcun Sizar thil cu Sizar pe u law Pathian thil cu Pathian va pe u,” a ti. 26 Zapi hmai ah a biachimmi tlaih awk an bawhmi cun zeihmanh an ti kho lo, a lehning hna cu an khuaruah a har i an daidep ko.
(Mat 22:23-33; Mar 12:18-27)
27 Sadusi mi cheu khat a sinah an ra, cu hna cu thawhòhannak a um lo a timi an si. 28 “Cawnpiaktu, Moses nih, ‘Fa hring loin mi pakhat a thih ahcun a unau pa nih a rohmi nupi cu a co lai i tefa a thlahpiak lai,’ a kan ti. 29 A si ahcun unau pasarih an um i upa bik nih nupi a òhit, sihmanhsehlaw fa ngei loin a thi. 30 A nupi cu a nau kha a roh. 31 Cu bantuk cun a pahnihnak le a pathumnak in pasarihnak tiang fa thlau loin an i roh. 32 A vale hnu cun cu nu zong cu a thi ve, 33 cuti a si ah cun thawhòhannak ah cu minu cu aho nupi dah a si hnga, an pasarih in nupi ah an i serh òung?” tiah an hal. 34 Jesuh nih hitihin a leh hna, “Hi vawlei mi hna hi cu an i òhi an i um tawn, 35 sihmanhsehlaw a ra laimi chan co awk a tlakmi hna le thihnak in a tho òhanmi hna cu an i òhi an i um ti lai lo. 36 Zeitintiah an thi kho ti lo, thawhòhannak fale an si caah vanmi he an i tluk i Pathian fa an si, 37 Moses zong nih a thimi thawhòhannak kong cu a langhter ko. Burbuk kong ah khan Bawipa cu ‘Abraham Pathian, Isak Pathian, Jakob Pathian,’ tiah a auh. 38 Cucaah a thimi Pathian a si lo, a nungmi Pathian a si, zeitintiah anih caah cun an nung dih ko,” a ti. 39 Phung cawnpiaktu cheukhat nih, “Cawnpiaktu, a chim na thiam ngai,” an ti. 40 Zei bia hmanh an hal ngam ti lo.
(Mat 22:41-46; Mar 12:35-37)
41 A thawh hna i, “Zeitindah Khrih cu David fapa, an ti khawh? 42 Zeicahtiah amah David hrimhrim nih Salm cauk ah khan
‘Bawipa nih ka Bawipa sinah
Ka orhlei kam ah rak òhu law,
43 Na ral hna cu na ke tangah ka chiah hna lai,’
a rak ti. 44 David nih Bawipa a ti ahcun zeitindah a fapa cu a si kun?” a ti hna.
(Mat 23:1-7; Mar 12:38-40)
45 Zapi theih te ah a hnuzul hna cu, 46 “Phung cawnpiaktu hna hi i ralring u, angki fualpi he len an duh, dawrthluan ah upat pek an sunsak i sinakok ah hmaisuang bik òhutnak le rawldanghnak ah òhutdan sang an ngia. 47 Nuhmei an eihmuar hna i sau pipi in thla an i camter, mah hna hi cu fak khun in hrem an si te lai,” a ti hna.