2
(Mat 1:18-25)
Cu caan ah cun Sizar siangpahrang Awkastas nih vawlei cung mi vialte minthlak dingin nawl a pek. Hihi Kuirinias nih Siria ram a uk lioah a hmasa bik milurelnak a si. Cucaah mi vialte cu mah le khua cio ah minthlak dingin an tlung. Josef zong Galilee ram Nazareth khua in Judea ram David khua Bethlehem timi ah a kal ve; zeitintiah amah hi David chungkhat le hrinsor a si. Minthlak awk i a kal ah cun a fa paw he a nupi hammi Mary he an si. Cuka i an um lioah cun a nau ngeih caan a hung tling. A fater pa a hrin. Puan in a tuam i khualbuk ah riahnak an tin ve lo caah caw rawl einak kuang ah a thlim.
Vanmi Hna Le Tuukhal Hna
Cuka ram ah cun tuukhal hna an tuu an khal i zan ah an riak. Bawipa vanmi a rung lang i an velchum vialte cu Bawipa sunparnak nih a cerh i an òih tuk hringhran. 10 Vanmi nih cun a thawh hna i, “Òih hlah u, mi vialte caah lunglawmhnak nganpi thawngòha ka rak in phorh hna. 11 Nihin ah David khua ah nanmah ca i Khamhtu Khrih a simi Bawipa cu a chuak cang. 12 Nan ca i chingchiahnak ding cu naute kha puan in an tuam i caw rawl einak kuang ah an thlim kha nan hmuh lai,” a ti. 13 Hlauhsaphak ah vanmi le van ralkap bupi an rung lang i Pathian an thangòhat i,
14 “A sang bik van ah khin Pathian cu thangòhat si ko seh.
Vawlei cung a dawtmi hna sinah remnak leng ko seh,” an ti.
15 Vanmi hna van i an kir tikah tuukhal hna nih cun, “Bethlehem ah cun va kal u si law Bawipa nih a kan chimhmi thil a cangmi cu va zoh u sih,” tiah pakhat le pakhat an i ti. 16 Hnawhnam ngai in an kal i Mary, Josef le caw rawl einak kuang i a it komi naute cu an va hmuh hna. 17 An hmuh cun naute kong ah vanmi nih an chimhmi hna kha an chim. 18 Tuukhal hna chimmi cu a theimi paoh an khuaruah a har, 19 Sihmanhsehlaw Mary nih cucu aa cinken i a lung chungin khua a ruat lengmang. 20 Vanmi nih an chimh hna bantukin zeizong vialte an va hmuh an va theih caah tuukhal hna cu Pathian thangòhat le sunparnak pek buin an kir òhan.
Jesuh Min An Sak
21 Cun, ni riat a hung tlin i cuarpar an tan ni ah khan a nu nih a pawi hlan in vanmi nih an chimmi min Jesuh kha a min ah a sak.
22 Moses phung bantukin i thianh caan a phanh cun Bawipa sin i chanh awkah Jerusalem ah an kalpi. 23 (Bawipa phung ah, “Fater pa paoh cu Bawipa covo a si,” ti a si.) 24 Bawipa phung bantukin òhuro khuah khat, asiloah, laileng chuan pahnih an pek awk a si.
25 Jerusalem ah cun mi pakhat a min Simeon timi a rak um. Amah cu miding le aa pumpe ngaimi le Israel hnemhnak a hngakmi a si i Thiang Thlarau nih a umpimi a si. 26 Bawipa chiti thuhmi Khrih a hmuh hlanah cun a thih lo ding kha Thiang Thlarau nih a rak chimh cang. 27 Thlarau hruainak in Simeon cu biakinn ah a ra lut; naute Jesuh cu phung nih tuah awk a timi tuahpiak dingin a nu le a pa nih an hun luhpi. 28 Simeon nih a pom i Pathian cu hitihin a thangòhat:
29 “Maw Bawipa, na bia bantukin
Atu cu na miòhi hi dai tein na ka liamter ko;
30 zeitintiah na khamhnak cu ka mit in ka hmuh cang.
31 Cucu mi vialte hmuh awkin na rak timh;
32 Jentail mi hna sinah na ceunak langhter awk le
Na mi Israel hna sunparnak caah a si,” a ti.
33 A kong chimmi ah cun naute nu le pa cu an khuaruah a har.
34 Simeon nih thluachuah a pek hna i Mary sinah:
“Ngai hmanh, Israel mi lakah mi tampi tluknak le
thawhòhannak caah hi naute hi ruahchih a si.
Hmelchunhnak an al len komi cu a si.
35 (Nang zong vainam chunh bantukin na lung a fak te lai,)
Mi tampi lung chung ruahnak langhtertu a si lai,” a ti.
36 Profet pakhat Anna timi a um ve i Asher phun Fanual fanu a si, a tar ngai cang i a va he kum sarih an um hnu in, 37 kum sawnriat le kum li a si tiang a hmei. Biakinn a kal tak bal lo i rawl ulh le thlacam in a chunchun a zanzan Pathian a bia. 38 Cu caan te ah cun a ra ve i Pathian cu a thangòhat i Jerusalem luatnak a hngakmi vialte hna sinah naute kong kha a chimh hna.
39 Bawipa phung bantukin thil an ti dih hnu cun Galilee ram an khua Nazareth ah an va tlung òhan. 40 Ngakchia cu a òhawng i a hung òhang deuh lengmang, fimnak in a khat i Pathian vel cu a cungah a hmun.
41 A nu le a pa cu lanhtak puai hmang dingin kum fatin Jerusalem ah an kal tawn. 42 Kum hleihnih a si ah a phung bantukin an hung kal. 43 Puai a dih cun khua ah an tlung, ngakchiapa Jesuh tu cu a nu le a pa hngalh loin Jerusalem ah a rung tang. 44 An hawile sinah khan a um ko rua tiah ni khat an kal. An rualchan le an hngalhtheihmi hna lakah an kawl. 45 An hmuh lo caah Jerusalem tiang an kir i an kawl. 46 Ni thum hnu ah biakinn chungah cawnpiaktu hna lak i a òhut ko kha an va hmuh; an bia a ngai i bia zong a rak hal len ve ko hna. 47 A fimning le a bialeh thiamning a theimi vialte cu an khuaruah a har. 48 An hmuh tikah a nu le a pa zong an khuaruah a har ve. A nu nih, “Ka fapa, zeitindah cuticun na kan tuah? Na pa he pei lungrethei ngaiin kan in kawl cu,” a ti. 49 Anih nih cun, “Zeicahdah nan ka kawl? Ka Pa inn i a um ding ka si hi nan hngal lo maw?” a ti hna. 50 A chimmi cu a sullam an hngalhpiak lo. 51 An sinah a vung ve i Nazareth an phan; an nawlngai tein a um, a nu nih cu kong vialte cu a lung chung te ah aa chiah.
52 Cun, Jesuh cu fimthiamnak le pumrua in a òhang i Pathian le minung hmaiah duh a nung.