18
Thla an cam zungzal awk le an hnabei a dongh lo awkah bianabia in a cawnpiak hna. Hitihin a ti, “Khuazeimaw khua pakhat ah hin biaceihtu pakhat a um. Pathian zong a òih lo i mi zong zei ah a rel hna lo. Cuka ah cun nuhmeinu pakhat a um i a sinah cun a ra lengmang, ‘Ka ral hna sin hin rak ka humzual ko,’ a hung ti. Caan tlawmpal chung cu a al tawn, sihmanhsehlaw a hnuah cun, ‘Pathian zong ka òih lo i minung zong zei ah ka rel hna lo. Sihmanhsehlaw mah nu nih hin hna a ka hnawh, ka humzual ko lai, cu lo ahcun a ra lengmang lai i a minor a thla tuk lai,’ ” a ti. Cun Bawipa nih, “Midinglo biaceihtu hmanh nih a chimmi cu thei ko u. A mi thimmi hna, a chun a zan in a sinah a au lengmangmi hna cu Pathian nih cun humzual loin a um hna hnga maw? Biangaite kan chimh hna, khulrang tein a òanpi hna lai. Sihmanhsehlaw Mi Fapa a rat tikah cun hi vawlei ah hin zumhnak a hmu hnga maw?” a ti hna.
Mah le mah aa bochan i a ding ngai ah aa ruat i midang zeiah a rel lomi hna caah hi bianabia zong hi a chim. 10 “Mi pahnih cu thlacam awkin biakinn ah an kal, pakhat cu Farasi mi a si i a dang pakhat cu ngunkhuai khawltu a si. 11 Farasi mi cu a dir i amah kong ah hitihin thla a cam. ‘Pathian midang bantuk, mi hlenhmang, phung buarhmang, òangdang pom hmang le ngunkhuai khawltu bantuk ka si lo caah na min kan thangòhat. 12 Zarh khat ah voi hnih lengmang rawl ka ul i ka ngeihmi chungin cheuhra cheukhat ka pek,’ a ti. 13 Ngunkhuai khawltupa tu cu lam hlapi ah khin a dir i van lei hmanh a zoh ngam lo. ‘Maw Pathian, kei misualpa hi rak ka zaangfah ko,” tiah a òang aa cum. 14 Biangaite kan chimh hna, a hmasa pa nakkhan a hmanung pa deuh cu thiamcoh in inn ah a òin. Mah le mah aa hlorhmi cu niamter an si lai i mah le mah aa niamtermi cu hlorh an si lai,” a ti.
(Mat 19:13-15; Mar 10:13-16)
15 Jesuh tawnghter duh ah bawhte tete tiangin an ratpi hna i a hnuzul hna nih an rak donh hna. 16 Sihmanhsehlaw Jesuh nih a sinah a auh hna i, “Ngakchia tete kha ka sinah ratpi hna u, dawn hna hlah u, Pathian pennak cu kha bantuk hna ta kha a si. 17 Biangaite kan chimh hna, ngakchiate bantukin Pathian pennak a cohlang lomi cu Pathian pennak chungah cun an lut lai lo,” a ti hna.
(Mat 19:16-30; Mar 10:17-31)
18 Uktu pakhat nih aa thawh i, “Miòha Bawipa, nuncanghmunhnak co awkah zeidah ka tuah lai?” tiah a hal. 19 Jesuh nih a leh i, “Ziah miòha na ka ti? Pathian dah ti lo cu ahohmanh miòha an um lo. 20 Nawlbia na hngalh: ‘Òangdang pom sualnak tuah hlah, mi va that hlah, 21 fir hlah, a hman loin biatheitu va si hlah, na nu le na pa va upat hna,” a ti. Anih nih cun: “Cucu ka no lio tein ka zulh dih cang,” tiah a leh. 22 Cucu Jesuh nih a theih tikah, “Thil pakhat te na bau rih. Na ngeihmi vialte kha zuar dih law misifak va phaw hna law vancung ah hlawn na ngei lai; cun, ra law rak ka zul,” a ti. 23 Cu bia a theih tikah a ngaih a chia, zeitintiah mirum ngai a rak si. 24 Jesuh nih a hei zoh i hitihin a ti. “Mirum mi hna caah cun Pathian pennak luh cu zeitluk in dah a har! 25 Zeitintiah mirum mi vancung luh nakcun kalauk òhimka i luh hmanh a fawi deuh,” a ti. 26 Bia a rak ngaimi hna nih cun, “Cuti a si ah ahodah khamh a si kho kun lai?” an ti. 27 “Mi tuah khawh lomi hi Pathian nih cun a tuah khawh ko,” a ti hna. 28 Peter nih a thawh i, “Inn lo kaltak in pei kan in zulh hi,” a ti. 29 Jesuh nih, “Biangaite kan chimh hna, Pathian pennak caah inn siseh, nupi siseh, unau siseh, nu le pa si hna seh, fale si hna seh a kaltakmi hna cu 30 atu caan hrimhrim le a ra laimi caan ah nuncanghmunhnak zong a let tampi in ahodah hmu loin a um hnga,” a ti hna.
(Mat 20:17-19; Mar 10:32-34)
31 Hleihnih hna cu a dangte ah a kalpi hna i, “Zohhmanh u, Jerusalem ah kan kal lai i profet hna nih Mi Fapa kong an rak chimmi vialte kha tlinter a si cang lai. 32 Jentail mi hna kut ah chanh a si lai, an nihsawh lai i ningzak ngaiin an tuah lai, cil an chak lai, 33 an velh lai i an thah lai i ni thumnak ah a tho òhan lai,” a ti. 34 Cu bia cu an sin i thuh a si caah a sullam an hngal lo i a ruah awk zong an hngal lo.
(Mat 20:29-34; Mar 10:46-52)
35 Jeriko khua a phanh dengmang ah khan mitcaw pakhat lam kamah awkhlawh in a rak òhu ko. 36 Zapi kal thawng a theih cun, “Zeidah a si?” tiah a hal hna. 37 “Nazareth Jesuh a lan lio,” tiah an chimh. 38 Cu tikah, “David Fapa Jesuh, rak ka zaangfah ko,” tiah a au. 39 Hmai i a kal hmasami hna nih cun an sik i daih an fial. Asinain a au chinchin, “David Fapa, ka zaangfah ko,” a ti. 40 Jesuh cu a dir i a sinah ratpi awk a fial hna, a pawng a hung phanh ah cun, 41 “Zei ka tuahpiak seh ti dah na ka duh?” a ti. “Bawipa, khua hmuh ka duh,” a ti. 42 Jesuh nih, “Khua hmu cang, na zumhnak nih an damter,” a ti. 43 Hmakhatte ah khua cu a hmu i Pathian thangòhat in a zulh ve. Cucu an hmuh tikah mi vialte nih Pathian an thangòhat.