16
1 Cun, a hnuzul hna sinah cun, “Mirum pakhat nih chawva zohkhenhtu a ngeih, cu pa nih cun a chaw a vaihvuanh kha mi nih an chimh.
2 A auh i, ‘Na kong ka theihmi hi zeidah a si? Na chaw zohkhenhnak cazin rak pu tuah, chaw zohkhenhtu na si ti lai lo,’ a ti.
3 Chaw zohkhenhtu nih cun a lung chungin ‘Ka bawipa nih ka chaw zohkhenhnak in a ka phuah, zeitindah ka tuah lai? Vawlei co kho ding ka si lo, halto si cu ka ning a zak fawn.
4 Chaw zohkhenhtu in phuah ka si hnuah mi nih an inn i an ka umter khawhnak ding ka hngalh cang,’ tiah amah le amah aa ti.
5 Cucaah a hawipa sin i lei a bami paoh pakhat hnu pakhat in a auh hna i a hmasa bik sinah, ‘Ka bawipa sinah zeizat dah na bat?’ a ti.
6 Anih nih, ‘Chiti pung zakhat,’ a ti. ‘Na ca kha i lak law òhu zokzok law sawm nga tiah òial,’ a ti.
7 A dang pakhat sinah, ‘Nang tah zeizat dah na bat?’ tiah a hal. ‘Changvut rel zakhat,’ a ti. ‘Òhu law sawm riat tiah òial,’ a ti òhan.
8 A bawipa nih cun a miòhi hrokhrawl le fimning kha a chimthiam. Ceunak fa hna nakcun atu chanmi hi vawlei thil tuahnak ah cun an fim deuh.
9 Hitihin kan ti hna, vawlei chawva hin hawikom i ser hna u, zeitintiah zeihmanh a tuah khawh ti lo tikah nuncanghmunhnak ah luhter khawh nan si lai.
10 Tlawmte ah zumh a tlakmi cu tampi zongah zumh a tlak i tlawmte ah a ding lomi cu tampi zongah a ding tawn lo.
11 Cu a si caah a ding lomi chawva hmanh ah zumh awk nan tlak lo ahcun a ding taktakmi rumnak cu aho nih dah an kenter hna lai?
12 Midang thil ah zumh nan tlak lo ahcun aho nih dah nanmah ta a si hngami cu an in pek hna lai?
13 Miòhi ahohmanh nih bawi pahnih a rian kho lo, pakhat kha a dawt lai i a dang pakhat kha a huat lai, asiloah, pakhat a tlaihchan lai i a dang pakhat kha zeiah a rel lai lo. Pathian le chawva cu nan rian òi kho lai lo,” a ti.
(Mat 11:12-13; 5:31-32; Mar 10:11-12)
14 Tangka duhmi Farasi hna nih cu vialte cu an theih i an nihsawh.
15 Sihmanhsehlaw hitihin a ti hna, “Nannih cu mi hmai ah thiam aa cohmi nan si, asinain, Pathian nih nan lung chung a hngalh, zeitintiah mi nih an sunhsakmi cu Pathian hmaiah fihnung a si.
16 Johan a phanh hlan kha cu phung le profet cawnpiaknak kha hman a si, cu ri cun Pathian pennak thawngòha kha chim a si i mi kip nih tonghmanglo in an lut.
17 Sihmanhsehlaw phungbia dehkhatte hmanh lohnak cun van le vawlei hrawh hmanh a fawi deuh.
18 A nupi a ma i nu dang a òhimi paoh nih òangdangpom sualnak a tuah a si.” A va nih a makmi nu a òhimi paoh zong nih òangdangpom sualnak a tuah a si ve.
19 “Mirum pakhat a rak um i thil òhaòha aa hruk i nifatin in rawl thawthaw ei in a nung.
20 A innka hramah cun misifak pakhat, hmarung in a khatmi Lazaruh timi a um ve.
21 Mirum pa cabuai in rawl òiltlawt kha ei duh ah a ra i uico nih a hma cu an liahpiak tawn.
22 Misifakpa cu a thi i vanmi nih Abraham òang chungah an cawi. Mirumpa zong cu a thi ve i an vui,
23 Hell ah a tla i teming ngaiin a um, cunglei a hun zoh i lam hlatpi ah khin Abraham kha a òang ah Lazaruh a pom kha a hei hmuh.
24 A hung au i, ‘Ka pa Abraham, rak ka zaangfah law Lazaruh kha a kut parte kha ti ah vun hnimter law ka lei a daihnak hnga rak ka thlak seh, kei cu hi meialh ah hin ka tem tuk ko,’ a ti.
25 Sihmanhsehlaw Abraham nih, ‘Ka fa, na nun chungah thil òha kip na tawltham i Lazaruh nih cun a òhalo kip a ton, atu cu hika ah hin hnemh a si i nang cu na tem.
26 Cu pinah kan karlakah hin hor thukpi a um, cucu kanmah lei ah siseh, nanmah lei in kanmah lei ah siseh ahohmanh an kal khawh lonak ding caah a si,’ a ti.
27 Anih nih ‘A si ahcun, ka pa, kan nawl ko, ka pa inn ah hei thlah law
28 unau panga ka ngei rih hna i hi temhinnak i an rat ve nakhnga lo ralrin va pe hna seh,’ a ti.
29 Sihmanhsehlaw Abraham nih, ‘Moses le profet an ngeih ko hna, cu hna bia cu ngai ko hna seh,’ a ti.
30 A thawh òhan i, ‘A si lo, ka pa Abraham, thihnak in a thoòhanmi pakhat a vung kal ahcun an nun an òhinh ko hnga,’ a ti.
31 ‘Moses le profet bia zong an ngaih duh lo ahcun thihnak in a tho òhanmi hmanh nih an lung an pemh hlei hna lai lo,’ tiah a leh òhan,” tiah a ti.