15
(Mat 18:12-14)
1 Voi khat cu ngunkhuai khawltu le misual tampi nih a bia ngaih duh ah an hun fuh.
2 Farasi mi le phung cawnpiaktu hna cu an zai i, “Hi pa hi misual a komh hna i an sinah rawl zong a ei,” tiah an ti.
3 Cucaah hi bianabia hi a chimh hna:
4 “Nan lak i pakhatkhat nih tuu zakhat hei ngei seh law, cu lakah cun pakhat va tlau seh law, ramlak ah sawm kua le pakua kha kaltak in a hmuh hlan lo a kawl lomi ahodah a um hnga?
5 A hmuh tikah lunglawm ngaiin a liang ah aa khinh.
6 Inn i a rak tlun tikah a hawile a innpa hna kha a auh hna i, ‘Ra ka lawmhpi ve tuah u, ka tuu a tlaumi kha ka hmuh dahkaw,’ a ti hna.
7 Cu bantuk cun nunòhinh a herh lomi sawm kua le pakua nakcun a nun a òhinhmi misual pakhat cungah van ah lawmhnak a um deuh.”
8 “Cun minu pakhat nih ngun phar hra a ngeih i phar khat hei thlau seh law meiinn vang riangmang in a hmuh hlan lo òha tein hmunphiak in ahodah kawl loin a um hnga?
9 A hmuh òhan tikah a hawile a innpa hna a auh hna lai i, ‘Ka tangka tlaumi kha ka hmu òhan, rak ka lawmhpi u,’ a ti hna lai.
10 Cu bantuk cun misual pakhat a nun a òhinhmi cungah Pathian vanmi hna hmai ah lawmhnak a um,” a ti.
11 A chim òhan i, “Mi pakhat a rak um i fapa pahnih a ngeih hna,
12 a ngakchia deuh pa nih a pa sinah, ‘Ka pa, ka co hngami thilri cu rak ka pe,’ a ti. Cucaah a ngeihchiah cu a phawt hna.
13 A rauh hlanah ngakchia deuh pa nih cun a ngeihmi vialte cu a lak i lam hlatpi ah a kal i cuka ah a chaw cu a duhduh in a va sawksam.
14 Zeizong vialte a hman dih tikah cu ram ah cun mangòam a tlung i chambau ngaiin a um.
15 Cuka ram mipa pakhat sinah a va um i cu pa nih cun vok cawngh awkin lo ah a kalter.
16 Cun vok rawl hmanh cu ei a duh ngai ko nain ahohmanh nih zeihmanh an pe lo.
17 Cun a lung a hung pem i, ‘Man phalh in ka pa nih a chiahmi miòhi zeizat nih dah ei awk an ngeih i a hleivuang an ngeih rih, asinain kei cu rawlòam in ka thi cang lai!
18 kaa thawh lai i ka pa sinah ka kal lai i hitihin ka ti lai. Ka pa, vanmi hmai le na sinah ka sual ko.
19 Na fa ti awk hmanh ka tlak lo, man phalh in na chiahmi miòhi pakhat khan tal in ka chia ve ko, ka ti lai,’ a ti.
20 Aa thawh i a pa sinah cun a kal. Lam hlatpi i a rat lio kha a pa nih a hei hmuh i a zaang a fak ko, a zuanhnawh i a kuh i a hnamh.
21 A fapa nih cun: ‘Ka pa, vanmi hmai le na sinah ka sual ko, na fapa ti tlaak hmanh ka si ti lo,’ a ti.
22 Sihmanhsehlaw a pa nih cun a miòhi hna kha, ‘Angki fual òha bik kha hun la zokzok u law hruk u, kut donghrolh hrolhter u law kedan zong danh u;
23 cenhmi cawfa kha tlai u law va that u, lunglawmhnak in ei u si law i nuam u sih.
24 Hi ka fapa hi a thi i a nung òhan, a tlau i ka hmuh òhan cang,’ a ti. Cuticun nuamhhnaihnak tuah hram an thawk.
25 A fapa upa cu lo ah a rak kal, a hung tlung i inn phanh deng ah khin tumkhawn le lam thawng a theih.
26 Miòhi pakhat a auh i cucu zeidah a si kha a hal.
27 ‘Na nau kha a ra kir i dam tein a hmuh òhan caah na pa nih cenhmi cawfa a thahpiak,’ a ti.
28 A thin a hung i inn ah cun a lut duh lo. A pa cu a va chuak i a fa cu a va lem.
29 A pa cu hitihin a ti, “Zohhmanh, kum hi vialte kan rianh i na bia ngai loin ka um bal lo. Ka hawile he kan i nuamhnak dingah meheh fate hmanh na ka pe bal lo.
30 Sihmanhsehlaw hi na fapa, na ngeihchiah vialte hlawhhlangnu he a va hlohralmi hi a rat tikah cenhmi cawfa na thahpiak,” a ti.
31 A pa nih cun, “Ka fa, nang cu ka sinah na um zungzal i ka ngeihmi vialte hi na ta a si.
32 Na nau cu a thi, atu a nung òhan, a tlau i ka hmuh òhan caah kan i lawmh hi kan i lawmh awk hrimhrim a si ko,” tiah a ti.