14
1 Sabbath ni voi khat cu Farasi mi uktu pakhat inn ah rawl ei awkin a kal i an rak ngiat ziar.
2 Zohhmanh, cuka ah cun a phing mipa a hmai ah a rak um ko.
3 Jesuh nih phungthiam hna le Farasi hna cu, “Sabbath ni ah mi damter hi a phung a si maw si lo?” tiah a hal hna.
4 Cipkhap an ti lo. Anih nih cun mizaw cu a hun tlaih, a damter i a kalter.
5 Hitihin a ti hna, “Nanmah lakah hin nan laa maw nan caw maw tikhor chungah tla seh law, sabbath ni a si zongah ahodah chuah zau loin a um hnga?” a ti.
6 Cu zong cu an let kho fawn lo.
7 Sawmmi hna cu òhutnak òha an i thim kha a ngiat ziar hna hnuah bianabia pakhat a chimh hna.
8 “Nupi òhit rawldanghnak i an in sawm hna tikah upa òhutnak ah va òhu hlah u, zeitintiah nangmah nakin upat tlak deuhmi kha sawmmi ah aa tel ahcun an sawmtu hna nih khan,
9 ‘Hi pa hi na òhutnak kha kian,’ a ti tikah ningzak buin òhutnak niam deuh ah na òum lai.
10 Asinain sawm na si tikah òhutnak niam bik ah òhu hmasa law an sawmtu nih, ‘Ka kawi, a sang deuh ah khin va òhu’ an ti ahcun na sin i rawl a dum vemi hna hmaiah upat na hlawh lai.
11 Zeitintiah mah le mah aa hlorhmi cu mi nauta an si lai i mah le mah aa nautatmi paoh cu hlorh an si lai,” a ti.
12 Amah a sawmtu sin zongah cun “Chun maw, zanriah maw, rawlhrawm na sawm hna tikah na hawikom, na unau, na rualchan le na innpa mirum hna kha va sawm hna hlah, zeitintiah an in sawm ve lai i an in cham sual lai.
13 Rawldanghnak na tuah tikah misifak, mitlamtling lo, kebei le mitcaw hna va sawm deuh hna.
14 Cham venak an ngei ve ti lo caah thluachuahnak na hmu lai. Miding hna thawhòhannak ah cun cham na si te lai,” a ti hna.
(Mat 22:1-10)
15 A sin i rawl a dum vemi pakhat nih cu bia cu a theih tikah “Pathian pennak chung i rawl a dum ding pa cu thluachuakmi a va si dah!” a ti.
16 Sihmanhsehlaw Jesuh nih hitihin a leh, “Mi zeimaw pakhat nih zanriah danghnak nganpi pakhat a tuah i mi tampi a sawm hna.
17 Rawl dum caan a zat tikah a sawmmi hna cu kawh awkah a miòhi a thlah i, ‘Ra cang u, zeizong vialte timh dih a si cang,’ an va ti.
18 Sihmanhsehlaw an dihlak te cun an i sawtphet cio. A hmasa bik pa nih ‘Lo ka cawk i ka va zoh ta a herh, zaangfahnak in ka ngaithiam ko,’ a ti.
19 Cun a dang pakhat nih, ‘Cawtum tuah nga ka cawk i hmai hoi awkah kal kaa tim, zaangfahnak in ka ngaithiam ko,’ a ti.
20 A dang pakhat nih, ‘Nupi ka òhit kate a si i ka ra kho lai lo,’ a ti.
21 Cucaah miòhi cu a ra kir i a Bawipa cu a chimh. Inntekpa cu a thin a hung i a miòhi cu, ‘Zokzok in kal law zatlang lam le inn karlak lam zongah mipam sifak, mitlamtling lo, mitcaw le kebei va ko dih hna,’ a ti.
22 ‘Bawipa na chimmi cu tuah a si ko cang, asinain òhutnak a um ko rih,’ tiah a miòhi nih cun a ti.
23 A Bawipa nih a miòhi cu, ‘Tlanglam le lo lam ah va kal law ka inn khat lakin rat awkin va hne hna u.
24 Zeitintiah ka sawmmi ahohmanh nih ka rawldanghmi cu an tep lai lo, tiah kan chimh hna,” a ti.
(Mat 10:37-38)
25 Mirun tampi a sinah an kal, aa her i an sinah
26 “Ahopaoh ka sinah a rami cu a pa siseh, a nu siseh, a nupi siseh, a fale si hna seh, a unau siseh, a farle si hna seh, amah le amah siseh, aa huat lo ahcun a ka zultu a si kho lo.
27 A vailam put in a ka zul lomi paoh cu ka zultu a si kho lo.
28 Nanmah lakah ahodah inn sak aa timh tikah òhu riangmang in, a man tuak in a dih tiang a zo lai maw zo lo ti hmasa loin a um lai?
29 A hram derh òung i a lim khawh lo ahcun a hmumi paoh nih
30 ‘Hi pa nih hin a ot ve òung i a lim kho fawn lo,’ tiah an nihsawh ko lai.
31 Cun siangpahrang ahodah siangpahrang dang doh aa timh tikah òhu riangmang in ralkap thong kul nih rak chim an timhmi cu thong hra he lawngin ka do ngam hnga maw,? tiah tuak hmasa loin a um lai.
32 A doh ngam òung lo ahcun lamhlapi an um lioah remnak chim awkah lamkal a thlah hnga.
33 Cu bantukin nanmah hna zong hi ngeih vialte a kaltak lomi cu a ka zultu nan si kho lai lo.
(Mat 5:13; Mar 9:50)
34 Cite cu a òha, sihmanhsehlaw cite nih a al a ziamh ahcun zeitindah alter khawh a si ti lai?
35 Vawlei òhatternak ah a tlak lo i ekpon i paih awk zongah san a tlai lo i an hlonh sawhsawh ko lai. Theihnak hna a ngeimi nih cun thei ko hna seh,” a ti hna.