11
(Mat 6:9-13; 7:7-11)
Voi khat cu hmun pakhat ah thla a cam, a thlacam a ngol ah khan a hnuzul lak i pakhat nih, “Bawipa, Johan nih a zultu hna thlacam a cawnpiak hna bantuk khan kan cawnpiak ve,” tiah a ti. Jesuh nih “Thla nan cam tikah;
‘Ka Pa!
Na min thiang cu upat si ko seh;
Na pennak cu rung tlung ko seh.
Nifa ei awk rawl kan pe ko.
Kannih zong nih kan cung i a sualmi kan ngaihthiam hna bang,
Kan sualnak kan ngaithiam ko.
Hneksaknak ah kan hruai hlah,’
nan ti lai,” a ti hna.
Teima Tein Thlacam U
A thawh hna i, “Abiana ah nan lak i pakhat khat nih hin hawi hei ngei seh law, zanòim ah a inn ah va kal in, ‘Ka kawi, changreu hlum thum in rak ka cawi tuah, khualtlawnnak in ka hawi a ra i hunh awk zeihmanh ka ngei lo,’ va ti seh law inn chung i a ummi nih, ‘Hna rak ka hnawh hlah, innka ka hrenh cang i ka fale he kan it cang, thawh i pek ka zuam ti lo,’ ti seh law; biangaite kan chimh hna, a hawi a si caah tho in pe hmanh hlah seh law, a hal chih peng ko ahcun a tho lai i a herhmi paoh kha a pek ko hnga. Cucaah kan chimh hna, hal u law pek nan si lai, kawl u law nan hmuh lai, king u law hunpiak nan si lai. 10 A hal paoh cu pek an si, a kawl paoh zong nih an hmuh, a king paoh zong hunpiak an si. 11 Nan lakah a pa kha a fa nih nga hau seh law ahodah nga can ah rul a pe hnga? 12 Asiloah arti a hauh ahcun tlangkingkuar a pe hnga maw? 13 Nannih misual mi hmanh nih nan fale kha a òhami thil pek awk nan hngalh hna ahcun van i nan Pa nih cun zeitluk in dah Thiang Thlarau a halmi cu a pek deuh hna lai?” a ti hna.
(Mat 12:22-30; Mar 3:20-27)
14 Holh a thiam lomi khuachia pakhat a chuahter i khuachia a hung chuah cun a holh kho lomi pa kha a holh khawh tikah mi zapi cu an khuaruah a har dih. 15 Sihmanhsehlaw an lak i cheukhat hna nih, “Khuachia bawi Beelzebul thawngin pei khuachia a chuah ko cu,” an ti. 16 Acheu hna nih cun amah hneksak duh ah van in hmelchunhnak tuah an fial. 17 An lungput kha a hngalh i an sinah, “Ram zeihmanh anmah le anmah an i ralchanh ahcun an òio tawn; innchungkhar zong an i ertau ahcun an i òhenòhek dih tawn. 18 Satan zong amah le amah aa doh ahcun zeitindah a pennak cu a hmunh khawh lai? Zeitintiah Beelzebul thawngin khuachia a òhawl nan ka ti. 19 Beelzebul thawngin khuachia cu hei òhawl ning law, nan fale hna nih khan tah zei thawngin dah khuachia cu an òhawl kun? Anmah lila hi nan biaceihtu an si te lai. 20 Sihmanhsehlaw Pathian kut in khuachia ka òhawl a si ahcun Pathian pennak cu nan sinah a phan cang tinak a si. 21 Zaangòhawngpa nih hriam he a inn a ven ahcun a thilri vialte cu a him tawn ko. 22 Sihmanhsehlaw amah nak òhawng deuh nih a fanh i a tei tikah aa bochanmi hriamnam vialte kha a chuh dih lai i a thilri vialte zong a lak lai i a phawtzamh dih lai. 23 Keimah lei ah a òang lomi paoh cu a ka dotu a si i a ka pumhkhawmhpi lomi paoh cu òhenòhektu a si.
(Mat 12:43-45)
24 Thlarau thur cu mipa chung khan a chuak i ti um lonak ah khan dinhhmun a kawl i a vak lengmang nain a hmu lo i, ‘Ka chuahtakmi ka inn ah khan ka kir òhan lai,’ a ti. 25 A va phanh tikah thiang hirhiar tein a rak um kha a va hmuh. 26 A va kal òhan i amah nakin a sual deuhmi thlarau dang pasarih a vaa ruaih hna, an hung lut i umhmun an khuar. A hnuah cun an luhnak mipa cu hmasa a umtuning nakkhan a zual deuh,” a ti hna.
27 Hi bia a chim dih ah khan zapi lakin nu pakhat a hung au ruangmang i, “An pawi i hnukthlum an dinhtu cu mithluachuak a si,” a ti. 28 Anih nih cun “A si ko, sihmanhsehlaw Pathian bia a thei i a zulmi hna cu mithluachuak an si deuh,” tiah a leh.
(Mat 12:38-42; Mar 8:12)
29 Cun mi zapi cu an rak i pumh chin lengmang tikah Jesuh nih, “Atu chan hi chan chia a si, hmelchunhnak an kawl, sihmanhsehlaw Jonah hmelchunhnak dah ti lo cu hmelchunhnak dang zeihmanh hmuhsak an si lai lo. 30 Jonah cu Nineveh khuami hna caah hmelchunhnak a rak si bantuk khan Mi Fapa zong hi atu chanmi hna caah hmelchunhnak a si ve lai. 31 Chimlei siangpahrangnu kha a dir lai i sual a phawt te hna lai. Solomon fimnak ngaih duh ah vanhramdeng in a ra; a tu hi Solomon nakin a ngan deuhmi cu hika ah hin a um hih!” a ti hna. 32 “Nineveh mi hna cu atu chanmi hna he hin biaceih Ni ah cun an dir òi lai i sual an phawt te lai, zeitintiah Jonah phungchimnak thawngin an nun an òhinh, Jonah nak ngan deuh hika ah hin a um hih!” a ti hna.
(Mat 5:15; 6:22-23)
33 “Meiinn vanmi cu ahohmanh nih a kenfiak ah an chia bal lo i rel zong an khuh bal fawn lo, a ra lutmi nih kha khua an hmuh khawh nakhnga mei vannak ah an chiah tawn. 34 Na mit cu na pum meiinn a si; na mit a fim ahcun na pum dihlak in a ceu lai, sihmanhsehlaw na mit a mawt ahcun na pumpi in a mui lai. 35 Cucaah i ralring ko u, nan chung i a ummi ceunak cu a mui sual lai. 36 Acheu bang hmanh mui lomi na pumpi a ceu ahcun meiinn ceu nih an ceuh hna bantuk khan na pumpuluk in a ceu lai,” a ti.
(Mat 23:1-38; Mar 12:36-40; Luk 20 45-47)
37 Bia a chim len ko lioah cun Farasi pakhat nih rawl ei a ra sawm caah a va kal i rawl cu a va dum. 38 Zanriah ei hlanah a kut aa òawl hmasa lo caah Farasi mi cu a khuaruah a har. 39 Bawipa nih a thawh i, “Nannih Farasi mi hna nih hrai le kheng kha a lenglei nan òawl nain nan chung tu cu hakkaunak le òhat lonak in a khat. 40 Nan va hrut dah! Lenglei sertu nih khan chunglei zong a ser ve lo maw? 41 Hrai le kheng chung i a ummi cu misifak pe hna u law cu nan caah zeipaoh a thiang ko hnga.
42 “Sihmanhsehlaw Farasi mi hna bialo diam nan si! Khamhmuai tehna, puòinan tehna, anthor tehna le a dang paoh cheuhra cheukhat nan pe nain biading le Pathian dawtnak cu nan thlahthlam. Cucu nan tuah hrimhrim awk a si, a dang zong hrelh hlei awk a si lo. 43 Nannih Farasi mi hna, bialo diam nan si! Sinakok ah hmaisuang òhutnak le dawrthluan i upat pek nan ngenh. 44 Bialo nan si! A lang lomi thlan, a um hngal loin a cung i mi an kal tawnnak bantuk nan si,” a ti.
45 Phungthiam pakhat nih, “Cawnpiaktu, hiti na ti tikah hin kannih zong na kan mawhchiat a si,” tiah a leh. 46 Jesuh nih a leh i, “Nanmah phungthiam hna zong bialo nan si ko, phorh khawh hnga lomi thilrit kha mi cungah nan khinh i nannih tu nih cun nan kut par hmanh in nan tawng duh lo. 47 Bialo diam nan si! Nan pupa hna nih an nawnmi profet hna thlan kha nan serpiak hna. 48 Cu a si caah nan pupa thil timi cu nan hnatlakpi hna, nan theih hngalhpi hna tinak a si. Annih nih an thah hna i nannih nih an thlan lung nan phun. 49 Cucaah Pathian fimthiamnak zong nih, ‘Profet le lamkaltu ka thlah hna lai i acheu an thah hna lai i acheu an hrem hna lai,’ a rak ti; 50 Cucaah vawlei hramthawk in profet an thahmi vialte hna thisen kha an cungah a tlung lai, 51 cucu Abel thahnak thawk in biakòheng le hmun thiang karlakah Zekhariah thah tiang kha a si. A si, biangai tein ka chim, atu chan mi hna cungah hin a tlung lai. 52 Phungthiam hna, bialo diam nan si! Hngalhnak tawh cu nan laak kanh hna, nanmah hmanh nan lut òung lo, luh duhmi zong nan kham fawn hna,” a ti hna.
53 Cuka cun a chuak i phung cawnpiaktu le Farasi mi hna nih cun ngiar hram an thawk i bia tampi chimter an timh; 54 a chim laimi khan tlaih awkin an bawh.