10
Cu hnuah cun Bawipa nih a dang sawm sarih a thim hna i amah a kalnak ding khua kip le hmun kip ah a khuahkhuah in a thlak hmasa hna. A thawh hna i, “Rawl òuan awk a tampi ko, asinain, a òuantu an tlawm, cucaah a rawl òuan ah òuantu tam deuh thlah awkah rawl òuantu bawi sinah thlacam u. Va kal u; cenghngia lakah tuufa thlah in kan thlah hna. Tangka bawm le zal le kedan i phorh hlah u; lampi ah ahohmanh va chawnbia hna hlah u. Nan tluninn paoh ah, “Hi inn ah hin daihnak tlung ko seh,” va ti lengmang u. Cu inn ah cun daihnak fa an um ahcun nan chimmi daihnak cu a hmun lai, an um lo ahcun nan sinah a kir òhan lai. Cu inn ah cun va cam ko u law an in pekmi hna va ei ding ko u; zeitintiah a òuantu cu òuan man hmuh awk aa tlak. Nan tluninn va òhial hlah u. Nan luhnak khua nih an in cohlan hna ahcun an in hunhmi hna paoh kha va ei u. Khua chung i a zawmi paoh damter hna u law ‘Pathian pennak cu nan pawng a phan cang va ti hna u. 10 Nan luhnak khua nih an in cohlan hna lo ahcun an zatlang lam ah va chuak u law 11 Nan khua leidip kan ke i a behmi hmanh hi kan in khawn hnawh hna, sihmanhsehlaw Pathian pennak cu nan sinah a phanh dengmang cang hi rak hngal ko u,’ va ti hna u. 12 Biangaite kan chimh hna, cu ni ah cun hi khua hna temhinnak nakcun Sodom khua temhinnak kha a zia deuh lai.
13 Khorazin, bialo diam na si. Bethsaida, nang zong bialo diam na si. Nan sin i rian pipa rak tuahmi vialte kha Tair le Sidon ah rak tuah si seh law buri khuh le vutcam phulh in hlanpi ah an nun an òhinh cang hnga. 14 Cucaah biaceihnak ah nan temhinmi nakin Tair le Sidom temhinmi cu a zia deuh lai. 15 Nang zong, Kapernaum, van ah maw a hlerh in naa hlerh. Mithi khua ah namchuk na si te lai.
16 Na bia a ngaimi paoh nih ka bia an ngaih; an hnongmi paoh nih kei zong an ka hnon ve, a ka hnongmi paoh nih a ka thlahtu zong an hnon a si,” a ti.
17 Sawm sarih hna cu thanuam ngaiin an ra kir i, “Bawipa, na min ruangah khuachia hmanh kan nawl ngai in an um,” an ti. 18 A leh hna i, “Van in nimtlau bang Satan a tlak ka hmuh. 19 Ngaihmanh u, rul le tlangkingkuar le nan ral hna òhawnnak kha lamhchih khawhnak nawl kan pek hna i zeihmanh nih an ti kho hna lai lo. 20 Sihmanhsehlaw khuachia kha nan duh paoh in nan tei khawh hna caah vaa lawm hlah u, van ah nan min òial a si cang caah vaa lawm deuh u,” a ti hna.
(Mat 11:25-27; 13:16-17)
21 Cu caan te ah cun Jesuh cu Thiang Thlarau in aa lawm i, “Maw ka Pa, lei le van Bawi, mifim le mithiam hna sinah hi thil hi na thuh i bawhte hna sinah na phuan caah na min kan thangòhat. A si, ka Pa, cucu nangmah nih a òha na ti ning a si. 22 Zeizong vialte kha ka Pa nih ka sinah a ka chanh; Fapa cu ahodah a si kha Pa dah ti lo nih cun a hngal lo. Pa cu aho a si kha Fapa le Pa nih an sin i phuan awkah a thimmi hna dah ti lo nih cun an hngal lo,” tiah a ti. 23 Cun a hnuzul hna lei ah aa mer i anmah lawng theih in, “Nan hmuhmi a hmu ve mi cu mithluachuak an si. 24 Profet le siangpahrang tampi hna nih nan hmuhmi hi hmuh an duh ko nain an hmu lo; nan theihmi zong theih an duh ko nain an thei lo, tiah kan ti hna,” a ti hna.
25 Zohhmanh u khih, phung thiampa a hung dir i amah hneksak duh ah, “Bawipa, nuncanghmunhnak hmuh awkah zeidah ka tuah lai?” a ti. 26 “Phung bia ah zeitindah aa òial, zeitindah naa lak?” a ti. 27 Anih nih cun a thawh i, “Bawipa na Pathian cu na lungthin dihlak le na nunnak dihlak le na thazang dihlak le na ruahnak dihlak in na dawt lai i na innpa kha nangmah naa dawt bantukin na dawt hna lai,’ tiah aa òial,” a ti. 28 Jesuh nih, “Na lehmi ning te cu ahmaan, cucu tuah law na nung lai,” a ti.
29 Thiam cuh ngaiin mipa nih, “Aho khi dah ka innpa cu a si,” tiah Jesuh cu a ti. 30 Jesuh nih hitihin a leh. “Mi pakhat cu Jerusalem in Jeriko ah a kal, a kal lioah khan rokhmang nih an rok, a hnipuan vialte an phoih, an velh i thihrulh in an kaltak. 31 Cu lam ah cun tlangbawi pakhat a vung kal ngelcel, a hei hmuh tikah khattelei in a hrial. 32 Cu bantuk cun Levi pakhat zong a vung phan ve, a hei phanh i a hmuh cun a hrial ve òhiamòhiam. 33 Sihmanhsehlaw Samaria mi pakhat cu a khualtlawnnak in a vung phan ve i a hmuh tikah a zaang a fak; 34 a hei fuh i a hma cu chiti le mitsurzu a thuhpiak, a tuam i a laa cungah a chuan. Khualbuk ah a kalpi i a thlop. 35 A thaizing ah cun denari phar hnih aa chuah i khualbuk hngaktu a pek, ‘Hi pa hi òha tein rak zohkhenh law ka ra kir òhan tikah a hlei in na liampalmi paoh cu kan cham te lai,’ a ti. 36 Hi mi pathum hna lakah hin aho hi dah innpa cu a si, tiah na ruah?” a ti. 37 Phung cawnpiaktu nih cun, “A zaangfahtu pa kha,” a ti. Jesuh nih cun a thawh i, “Va kal law cuticun va tuah,” a ti.
38 An khualtlawnnak ah cun khua pakhat an va phan i Martha timi nu nih a inn ah a tlunter hna. 39 Unau pakhat Mary timi a ngei i cu nih cun Bawipa kehram tein a òhuthnawh i a bia a ngaih. 40 Martha tu cu ei awk tawlrel ah aa phazo ti lo, a sinah a ra i, “Bawipa, ka naunu nih chuankhin keimah lawng a ka rinh hi na sia a rem ko maw? rak ka bawmhter hen,” a ti. 41 Bawipa nih a thawh i, “Martha, Martha, thil tam tuk ah na lungre a thei i na hna naa hnawhter, a herhmi cu pakhat lawng a um. 42 Mary nih a òha deuhmi aa thim cang i chuh a si ti lai lo,” a ti.