8
Shunam Minu Lo Kha An Khirh Òhan
1 Cun Elisha nih a fapa a rak nunter òhanmi minu sinah khan, “Tho law, na innchungkhar dihlak he kal u law, na pem khawhnak paoh ah va pem; zeicahtiah Bawipa nih mangòam kha a kawh cang i hi ram cungah hin kum sarih chung a tla lai,” tiah a ti. Ref 8.1: 2Sia 4.8-37
2 Cucaah minu cu a tho i Pathian mi nih a chimmi bia ning khan a tuah; a innchungkhar he an i thawh i Filistin mi hna ram ah an pem i kum sarih an um.
3 Cun kum sarih a donghnak i minu cu Filistin mi hna ram in a ra kir òhan tikah, a inn le a lo ca i nawlnak pek awkah khan siangpahrang sinah a va chuak.
4 Siangpahrang cu Pathian mi sinum Gehazi he khan bia an rak i ruah i, “Elisha nih thil lianngan a tuahmi vialte ka chim tuah,” ti i a rak ti lio kha a si.
5 Cun anih nih, zeitindah Elisha nih a thimi a nunter òhannak kong kha a chimh lioah khan, zohhmanh, a fapa a nunter òhanmi nu nih khan a inn le a lo kong ah siangpahrang cu a nawl. Cun Gehazi nih a thawh i, “Maw siangpahrang, ka bawipa, minu kha mah hihi a si i a fapa Elisha nih a nunter òhanmi kha mah hihi a si,” tiah a ti.
6 Cun siangpahrang nih minu cu a hal tikah amah nih cun a rak chimh. Cucaah amah caah cun siangpahrang nih bawi pakhat kha a fial i, “Amah ta a simi vialte kha, hi ram a kaltak ni thawk in atu tiang a lo in a chuakmi vialte he, amah cu pe òhan dih u,” tiah a ti.
Hazael Cu Siria Siangpahrang A Cang
7 Elisha cu Damaskas khua ah a kal. Siria siangpahrang Benhadad cu a zaw i, “Pathian mi cu hika ah a ra,” tiah an chimh tikah,
8 siangpahrang nih cun Hazael kha, “Laksawng i put law Pathian mi don awkah khan va kal tuah, cun, ‘Hi zawtnak hin, ka dam òhan lai maw?’ tiin Pathian rak ka halpiak tuah seh,” tiah a ti.
9 Cucaah Hazael cu amah don awkah khan a kal i laksawng, Damaskas thilri a phunphun, kalauk 40 phor aa phorh. Cun a phak i a hmai i a dir tikah khan, “Na fapa Benhadad, Siria siangpahrang nih keimah cu nangmah sinah a ka thlah i, ‘Hi zawtnak hin ka dam òhan lai maw?’ a ti,” tiah a ti.
10 Cun Elisha nih a thawh i, “Va kal law, amah cu, ‘Na dam òhan hrimhrim lai,’ tiah va ti; sihmanhsehlaw Bawipa nih a ka hmuhsak cang i a thi hrimhrim lai,” tiah a ti.
11 Cun dengteo in a ning a zah tiang òhep loin a zoh. Cun Pathian mi cu a òap.
12 Cun Hazael nih a thawh i, “Zeicahdah ka bawipa na òah?” tiah a ti. Anih nih, “Zeicahtiah òhat lonak Israel mi cungah na tuah ding kha ka hngalh; an ralhau kha mei in na duah hna lai i an tlangval hna cu vainam in na thah hna lai i an ngakchia hna cu na den cikcek hna lai i fa a pawimi an nule hna cu na thler dih hna lai,” tiah a ti.
13 Cun Hazael nih, “Uico tluk ceo a simi na sal hi zeidah ka si i cu thil lianngan ka tuah hnga cu?” tiah a ti. Elisha nih, “Nangmah cu Siria siangpahrang na si lai kha Bawipa nih a ka hmuhsak cang,” tiah a leh. Ref 8.13: 1Sia 19.15
14 Cun Elisha sin khan a kir i a bawipa sinah khan a ra i, “Elisha nih zeidah na sinah a chim?” tiah a rak hal. Cun anih nih, “Na dam òhan hrimhrim lai, tiah a ka chimh,” tiah a leh.
15 Sihmanhsehlaw a thaizing ah aa khuhmi puan kha a lak i ti ah a hnim i a hmai a khuh i a thi. Cun Hazael cu amah hmun ah khan siangpahrang ah a cang.
Judah Siangpahrang Jehoram Pennak
(2Cha 21.1-20)
16 Israel siangpahrang Ahab fapa Joram a bawi kum nganak ah khan Judah siangpahrang Jehoshafat fapa Jehoram cu pen hram aa thawk.
17 Siangpahrang a can ah kum 32 a si i Jerusalem ah kum riat a bawi.
18 Ahab innchungkhar nih an tuah bantuk khan, Israel siangpahrang hna lam kha a zul ve, zeitintiah a nupi cu Ahab fanu kha a si. Cun Bawipa mithmuh i thil òhalo kha a tuah.
19 Sihmanhsehlaw Judah cu Bawipa nih, a sal David ruangah khan, hrawh a duh lo; amah le a tefa hna cu zungzal in meiinn pek awkah bia a rak kam cang hna. Ref 8.19: 1Sia 11.36
20 Amah chan chungah cun Edom nih Judah uknak kha an doh i anmah siangpahrangte an i chiah ve. Ref 8.20: Gen 27.40
21 Khi tikah Joram cu Zair ah a rangleng vialte he an kal, zan ah a tho i amah a kulhtu Edom mi vialte kha amah le a rangleng haotu bawi hna nih cun an tuk hna; sihmanhsehlaw a ralkap cu inn ah an zam.
22 Cucaah Judah uknak kha Edom nih nihin tiangin a doh. Cun Libnah zong cu caan ah cun a rak tho ve.
23 Joram tuahsernak a tang rihmi le a tuahmi vialte cu, Judah siangpahrang hna Chanrelnak Cauk chungah an i òial lo mei?
24 Cuticun Joram cu a pupa hna sinah a it i a pupa hna sinah David khua chungah an vui; cun a fapa Ahaziah kha amah hmun ah khan a hung bawi.
Ahaziah Pennak
(2Cha 22.1-6)
25 Israel siangpahrang Ahab fapa Joram a bawi kum hleihnihnak ah, Judah siangpahrang Jehoram fapa Ahaziah cu pen hram aa thawk.
26 Pen hram aa thawk ah Ahaziah cu kum kul le kum hnih a si i Jerusalem khua in kum khat a uk. A nu min cu Athaliah a si; amah cu Israel siangpahrang Omri tu a si.
27 Amah zong cu Ahab innchungkhar lam kha a zul ve i amah cu Ahab inn chungkhar tu a si caah Ahab innchungkhar nih an tuah bang khan Bawipa mithmuh i thil òhalo kha a tuah.
28 Siria siangpahrang Hazael kha Ramoth-gilead i doh awkah Ahab fapa Joram he an kal i khika ah Siria mi nih Joram cu an hliam.
29 Cun Siria siangpahrang Hazael he an i tuk tikah Siria mi nih Ramah khua ah an hliamnak a hma kha damter awkah, Siangpahrang Joram cu Jezreel ah a kir. Cun amah cu a zawt caah cun, Judah siangpahrang Jehoram i a fapa Ahaziah nih khan Jezreel i a ummi Joram, Ahab fapa cu va zoh awkah a vung kal.