4
Nuhmeinu Chiti
Profet fapa hna lak i pakhatpa nupi nih Elisha cu a auh i, “Na salpa ka vapa cu a thi cang; cun nang nih na salpa cu Bawipa a òihmi a rak si kha na hngalh, sihmanhsehlaw lei kan batmipa kha, ka fale pahnih hna cu sal si awk i lak awkah a ra cang,” tiah a ti. Cun Elisha nih amah cu, “Zeidah kan tuahpiak lai? Ka chim tuah; zeidah innchung ah nan ngeih?” tiah a ti. Cun anih nih, “Na salnu nih hin, inn chungah chiti um khat dah ti lo cu zeihmanh ka ngei lo,” tiah a ti. Khi tikah anih nih, “Leng ah va chuak law na innpa vialte an um va hlang hna, um lawng, a tlawmtuai si loin. Cun lut law, nangmah le na fapale kha innka i khar khumh u law hi um vialte kha chiti rawn hna u; cun pakhat a khah tikah a dang ah chia lengmang u,” tiah a ti. Cucaah amah sin cun a kal i amah le a fapale cu innka an i khar khumh i annih nih um cu an rak put hna i anih nih a rak rawn lengmang hna. Um kha an khah dih tikah, a fapa pakhat kha, “Um dang rak pu rih tuah,” tiah a ti i anih nih, “A dang a um ti lo,” tiah a leh. Khi tikah chiti luan cu a dong. A ra i Pathian mi kha a chimh i anih nih, “Va kal law, chiti kha va zuar law na leiba kha va cham, cun a tang rihmi khan nangmah le na fapa hna cu khua va sa u,” tiah a rak ti.
Elisha le Shunam Minu Kong
Ni khat cu Elisha cu Shunam ah a va kal i khika ah a rummi nu pakhat a rak um i cu nu nih cun rawl ei a rak fial. Cucaah khika lei i a kal fate rawl ei awkah cuka ah cun a lut pah tawn. Cun minu nih a va cu a thawh i, “Zohhmanh, a kan palpah tawntupa hi Pathian mi thiang a si ti kha ka hngalh. 10 Inncung ah vampang a ngeimi dal pakhatte serpiak u sih law, khika ah ihkhun le cabuai le òhutdan le meiinn chiahpiak u sih; kannih a kan palpah chel paoh ah khika ah a luh khawh nakhnga,” tiah a ti.
11 Ni khat cu khika kha a phan i inndal chungah cun a lut i 12 khika ah aa din. Cun a sinum Gehazi kha a thawh i, “Hi Shunam nu hi va au tuah,’ tiah a ti. A va auh tikah a hmaika ah a ra dir. 13 Cun amah nih anih cu a thawh i, “Amah kha, ‘Zohhmanh, hi tlukin na kan tuammuai, zeidah kan in tuahpiak ve lai? Siangpahrang sinah siseh, ralkapbu haotu sinah siseh, bia chimpiak na duhmi a um maw? tiah hei ti,” tiah a ti. Anih nih, “Keimah ka miphun sinah pei ka um ko cu,” tiah a leh. 14 Cun anih nih a thawh i, “A si ahcun amah cu zeidah kan tuahpiak kun hnga?” tiah a ti. Cun Gehazi nih, “Vei mu, amah hi fapa a ngei lo i a va cu a tar fawn cang,” tiah a ti. 15 Anih nih, “Hei au tuah,” tiah a ti. Cun a hei auh tikah innka ah khan a ra dir. 16 Cun anih nih, “Atu tikah hin, a caan a phak tikah, fapa na pom lai,” tiah a ti. Cun anih nih, “Maw Pathian mi, bawipa, na salnu hi ka hleng hlah hen,” tiah a ti. Ref 4.16: Gen 18.14 17 Sihmanhsehlaw minu cu fa a pawi i a kumvoi òhal, cu tik caan ah khan, Elisha nih amah cu a chimh bangkhan, fapa a hrin.
18 Ngakchia cu a òhang i ni khat cu a pa sinah rawlòuantu hna lakah khan a kal. 19 Cun a pa cu a thawh i, “Maw ka lu, ka lu!” tiah a ti. A pa nih a sinumpa kha, “A nu sinah hei cawi tuah,” tiah a ti. 20 Cun a cawi i a nu sinah a hei kalpi tikah, ngakchia cu a nu phei cungah chun tiang a òhu i cun a thi. 21 Cun a hung kal i Pathian mipa ihkhun ah khan a ihter i innka a khar khumh i amah cu a chuak. 22 A va kha a auh i, “Pathian mi sinah khan khulrang tein ka va kal i ka ra kir òhan nakhnga sinum pakhat le laa pakhat in rak ka kua,” tiah a ti. 23 Cun anih nih, “Zeicahdah amah sinah cun nihin ah na kal lai? Thla thar zong a si lo i Sabbath zong a si òung lo,” tiah a ti. Anih nih, “A òha ko lai,” tiah a ti. 24 Khi tikah laa kha a danh i a sinum cu, “Saòil kha hnawh law, keimah nih kan chimh lo ahcun, a kal ning kha ka fumhpiak hrim hlah,” tiah a ti. 25 Cuticun aa thawh i Karmel Tlang ah Pathian mi sin kha a phan.
Pathian mi nih a rat kha a rak hmuh tikah a sinum Gehazi cu a thawh i, “Zohhmanh, khika i Shunam minu khi; 26 amah don awkah va tli ta duak law amah cu, Na dam maw? Na va a dam maw? Na fa a dam maw? va ti tuah,” tiah a ti. Cun anih nih, “Ka dam ko,” tiah a rak leh. 27 Cun tlang cungah Pathian mi sin kha a phak tikah, a ke kha aa tlaih. Cun amah cu nam hlo awkah Gehazi cu a ra. Sihmanhsehlaw Pathian mi nih cun, “Um ko seh, zeitintiah amah cu a lungre a thei ngaingai; hi kong cu Bawipa nih ka sinin a thuh rih i a ka chim rih lo,” tiah a ti. 28 Cun anih nih, “Ka bawipa hi fapa ka rak in hal maw? Ka hleng hlah, tiah ka rak in ti lo mei?” tiah a ti. 29 Cun Gehazi cu a thawh i, “Na biar i rengh law ka òhiangòhunh kha i put law va kal tuah. Ahohmanh na ton hna ahcun va biachawn hna hlah; cun ahohmanh nih an in chawnh ahcun va let hna hlah; cun ka òhiangòhunh cu ngakchia hmai cungah khan na va chiah lai,” tiah a ti. 30 Khi tikah ngakchia a nu nih khan, “ Bawipa a nun bangin le nangmah hrimhrim na nun bangin, kan kaltak lai lo,” tiah a ti. Cucaah a tho i a zulh. 31 Gehazi cu a rak kal chung i òhiangòhunh cu ngakchia hmai cungah khan a chiah, sihmanhsehlaw nunnak thawng siseh, nunnak hmelchunhnak siseh, zeihmanh a um lo. Cucaah amah kha ton awkah a kir òhan i amah cu, “Ngakchia cu aa hlau lo,” tiah a chimh.
32 Elisha cu inn chungah a rung luh tikah, ngakchia cu a thi cia in a ihkhun i a rak ih ko kha a hmuh. 33 Cucaah a lut i an pahnih in innka aa khar khumh i Bawipa sinah thla a cam. 34 Cun a hung kal i ngakchia cungah cun a bawk i a kaa cu a kaa ah a chiah i a mit cu a mit ah a chiah hna i a kut cu a kut ah a chiah hna; cun cu bantuk i ngakchia cung i a bawh cun, ngakchia taksa cu a hung lum.Ref 4.34-35: 1Sia 17.21 35 Khi tikah a tho òhan i inn chungah cun aa chawk i a hung kal i a cungah cun a bawk òhan; ngakchia cu voi sarih a hung hathiao i ngakchia nih cun a mit a hun au. 36 Khi tikah Gehazi kha a auh i, “Shunam minu kha hei ko tuah,” tiah a ti. Cucaah a hei kawh. Cun a rung luh tikah, “Na fapa cu i lak tuah,” tiah a rak ti. 37 Cun a ra i a kehram ah a bawk i a lu a khun i a fapa kha aa lak i a chuak.
Elisha Nih Khuaruahhar A Ser
38 Cun Elisha cu Gilgal ah, cuka ram i mangòam a tlun lioah khan a ra. Cun profet fapa hna kha a hmai i an òhut lioah khan a sinum cu, “Um nganpi kha khing law profet fapa hna caah hin tihang chuang tuah,” tiah a ti. 39 Annih lak i pakhat cu ramlak ah tihang kawl ah a kal i ramlak i a khomi zun pakhat hi a va hmuh i cu zun cun a puan khat in um tlai cu a lawh i a ra i a can hna i tihang um chungah cun, zei an si ti hngalh loin, a paih hna. 40 Cun ei awkah mi cu an suah hna. Sihmanhsehlaw tihang cu an ei lioah khan an ai i, “Maw Pathian mi, hi um chungah hin thihnak a um!” an ti. Cun annih nih an ei kho ti lo. 41 Anih nih, “Changvut rak pu tuah u,” tiah a ti. Cun um chungah cun a paih i, “An ei awkah mi hna caah hin suak tuah u,” tiah a ti. Cun um chungah cun òih awk zeihmanh a um ti lo.
42 Baal-shalisha in mipa pakhat a ra i Pathian mi cu thlai thar, barli changreu tlang kul le rawl thar a sawngkhoi in a rak put. Cun Elisha nih, “Mi kha pe hna, ei hna seh,” tiah a ti. 43 Sihmanhsehlaw a sinum nih a thawh i, “Zeitindah, mah hihi, mi 100 cu ka hunh hna lai?” tiah a ti. Cucaah anih nih, “Annih cu pe hna, ei hna seh, zeitintiah Bawipa nih hi bangin, ‘An ei lai i tlawmpal cu an nganh lai,’ a ti,” tiah a nolh òhan. 44 Cucaah annih cu a hunh hna. Cun annih nih an ei Bawipa bia ning khan, tlawmpal an nganh taktak.