25
1 A bawi a kum kuanak, thla hranak thla, a ni hra ni ah, Babilon siangpahrang Nebukhadnezzar nih cun a ralkap vialte he Jerusalem cu a rathnawh i an dum; cun raldohnak chuntlung kha a velchum in an ser. Ref 25.1: Jer 21.1-10, 34.1-5; Eze 24.2
2 Cuticun Siangpahrang Zedekiah a bawi kum hleikhatnak tiang khua cu an kulh.
3 Thla linak thla a ni kua ni ah, khuapi chungah cun mangòam cu a fak tuk cang i rammi caah rawl a um ti lo.
4 Khi tikah khua kulhnak kha an pemh i Khaldi mi cu khua velchum ah khan an um ko nain siangpahrang le a ralkap vialte cu zan ah siangpahrang dum pawng i a ummi vampang pahnih karlak i kutka khan an zam. Cun Arabah leiah khan an kal. Ref 25.4: Eze 33.21
5 Sihmanhsehlaw Khaldi mi ralkap hna nih khan siangpahrang cu an dawi i Jeriko nelrawn ah khan an phak i a ralkap vialte cu a sinin an i òhek dih.
6 Cun siangpahrang cu an tlaih i Riblah khua ah Babilon siangpahrang sinah khan an ratpi i a cungah khan bia a rak khiah.
7 Zedekiah fapale cu a hmaika hrimhrim ah khan an thah hna i Zedekiah cu a mit an khoih i hreng an khenh i Babilon ah an kalpi. Ref 25.7: Eze 12.13
Judah Sal Ah A Tang
(2Cha 36.17-21; Jer 39.8-10, 52.12-30)
8 Thla nganak thla, a ni sarihnak ni ah, cucu Babilon siangpahrang Nebukhadnezzar a bawi kum 19nak a si § Babilon siangpahrang sinum, a pum ralvengtu haotu Nebuzaradan kha Jerusalem ah a ra.
9 Cun Bawipa inn le siangpahrang inn le Jerusalem khua chung inn vialte kha a khangh dih hna; inn ngan paohpaoh kha cu a khangh dih hna. Ref 25.9: 1Sia 9.8
10 Cun ralveng haotu sinah a ummi Khaldi ralkap vialte nih khan Jerusalem velchum i a ummi kulhnak vampang cu an chimh.
11 Cun mi a tang rihmi khua chungah nganhtami hna le Babilon siangpahrang sin i a rak zammi hna kha le zapi a tang rihmi vialte hna kha ralvengtu haotu Nebuzaradan nih sal ah a hruai dih hna.
12 Sihmanhsehlaw ralvengtu haotu nih khan ram chungmi lak i sifak bik hna kha mitsur ruang a run cawnghramtu le lo a run thlotu ah a nganhta hna.
13 Cun Bawipa inn chungah a ummi dar tung pipi hna le Bawipa inn chungah a ummi hmaihumpi le a hunnak hna kha Khaldi mi hna nih cun an den cikcek hna i a dar cu Babilon ah an kalpi. Ref 25.13: 1Sia 7.15-26; 2Cha 3.15-7
14 Cun um hna le cawhlek hna le mei hmihnak hna le zihmui kheng hna le, dar umkheng vialte hna, biakinn chung rianòuannak i hmanmi vialte kha an lak hna, Ref 25.14: 1Sia 7.45; 2Cha 4.16
15 meizahnak le khengkuar hna zong kha an lak hna. Ralvengtu haotu nih khan sui a simi thil paoh cu a sui kha a lak i ngun a simi thil paoh cu a ngun kha a lak.
16 Solomon nih Bawipa inn caah a rak sermi tungpi pahnih hna le hmaihum pakhat le a hunnak hna, hi umkheng dar hna hi cu a khing thlai cawk an si lo.
17 Tungpi pakhat cu a san leiah dong hleiriat a si i a cungah dar in sermi luchin pakhat a um; cu luchin a sanlei cu dong thum a si; dar in sermi taleti sur kha, cu luchin cungah cun a velchum in a um. Cun tungpi pahnihnak zong cu cu bantuk a si ve, sur zong kha a ngei ve.
18 Cun ralvengtu haotu nih khan tlangbawi upa bik Seraiah le a hun changtu Zefaniah le innleng cawngtu pathum hna kha a lak hna;
19 cun khuapi chung khan ralkap a haotu hna bawi pakhat le khua chung i a ummi siangpahrang tlangpi bu chungmi panga le rammi a pumtu hna ralbawi i a caòialtu le khua chung i a ummi rammi 60 kha a lak hna.
20 Cun Nebuzaradan, ralvengtu haotu nih khan a kalpi hna i Riblah khua ah Babilon siangpahrang sinah khan a phakpi hna.
21 Cun Babilon siangpahrang nih khan a tuk hna i Hamath ram Riblah khua ah khan a thah hna. Cuticun Judah cu amah ram chungin saltannak chungah kalpi a si.
A Tangmi Izipt Ah An Zam
22 Judah ram chung i a tangmi hna, Babilon siangpahrang Nebukhadnezzar nih a nganhtami hna cungah khan Shafan fapa Ahikam i fapa Gedaliah cu uktu ah a ser.
23 Cun ramlak i a ummi ralkapbu haotu pawl le an mi hna nih Babilon siangpahrang nih Gedaliah cu uktu ah a ser, ti an theih tikah, Mizpah ah Gedaliah sinah cun an mi hna he khan an ra, cu hna cu Nethaniah fapa Ishmael le Kareah fapa Hohanan le Netofah mi Tanhumeth fapa Seraiah le Maakah mi fapa Jaazaniah an si.
24 Cun Gedaliah nih annih le an mi hna sinah chiat a ser i, “Khaldi mi bawi hna ruangah hin nan thinphang hlah u; ram chungah hin um ko u law Babilon siangpahrang hi rian ko u law nan caah a òha ko lai,” tiah a ti.
25 Sihmanhsehlaw thla sarihnak thla ah khan Elishama fapa Nethaniah i fapa Ishmael, siangpahrang chungkhar chungmi a simi kha, mi pahra he an ra i an tuk hna i Gedaliah le Mizpah ah a sin i a ummi Judah mi le Khaldi mi hna kha an thah hna.
26 Khi tikah mi vialte cu a hme he a ngan he, ralkapbu haotu hna he khan an tho i Khaldi mi kha an òih hna caah Izipt ah an kal. Ref 25.26: Jer 43.5-7
Jehoiachin Kha Babilon Khua Ah An Luatter I Upatnak An Pek
(Jer 52.31-34)
27 Judah siangpahrang Jehoiachin sal i a tan kum 37nak, thla hleihnihnak thla a ni 27nak ni ah, Babilon siangpahrang Evil-merodak nih, Judah siangpahrang cu a zaangfah caah thong chungin a chuah, cu kum cu siangpahrang a can kum a si;
28 amah cu nem tein a chawnh i Babilon khua i amah sinah a ummi siangpahrang hna an òhutnak cung deuh ah khan òhutnak a pek.
29 Cucaah Jehoiachin nih khan a thongtla puan cu aa phoih. Cun a chan chung vialte siangpahrang cabuai ah cun rawl a ei lengmang ve;
30 cun aa cawmnak cu siangpahrang nih khan, nifate in a nun chung paohpaoh, a rin zungzal.