24
Amah chan ah cun Babilon siangpahrang Nebukhadnezzar kha a hung i Jehoiakim cu kum thum chung a sal ah a cang; sihmanhsehlaw aa let i a doh. Ref 24.1: Jer 25.1-38; Dan 1.1-2 Cun Bawipa nih a sal profet hna in a rak chimmi bia ning khan, Bawipa nih Khaldi mibu hna le Siria mibu hna le Moab mibu hna le Ammon mibu hna kha a thlahhnawh hna i Judah hrawh awkah khan a thlah hna. 3-4 Manasseh nih a tuahmi vialte ruangah le a sual lomi thisen a chuahmi ruangah, Bawipa nawl in hi thil cu Judah mi cungah, annih kha a mithmuh phak lo i òhial awkah, a tlung hrimhrim ko; zeitintiah Jerusalem khua kha a sual lomi thi in a khahter i Bawipa nih a ngaithiam duh lo. Jehoiakim tuahsernak a tang rihmi hna le a tuahmi vialte cu, Judah siangpahrang hna Chanrelnak Cauk chungah an i òial lo mei? Cuticun Jehoiakim cu a pupa hna sinah a it i a fapa Jehoiachin kha amah hmun ah khan a hung bawi. Izipt siangpahrang cu a ram chungin a chuak ti lo, zeicahtiah Babilon siangpahrang nih Izipt siangpahrang ta a simi vialte Izipt tivate thawk in Zufrates tiva tiang, a lak dih.
Jehoiachin le Bawi Hna Kha Babilon Ah An Kalpi Hna
(2Cha 36.9-10)
Jehoiachin cu siangpahrang a can tikah kum 18 a si i Jerusalem in thla thum a bawi. A nu min cu Nehushta a si, amah cu Jerusalem khuami Elnathan fanu a si. A pa nih a rak tuahning te khan amah nih Bawipa mithmuh i thil òhalo kha a tuah ve.
10 Khi caan ah khan Babilon siangpahrang Nebukhadnezzar sal hna cu an hung i Jerusalem khua kha an dum. 11 Cun a sal hna nih an kulh lioah khan, Babilon siangpahrang Nebukhadnezzar cu Jerusalem khua ah khan a hung; 12 cun Judah siangpahrang Jehoiachin cu, a nu he, a sinum hna he, a bawi hna he, a siangpahrang inn bawi hna he khan Babilon siangpahrang sinah cun a vaa pe. A bawi kum 8nak kum ah khan Babilon siangpahrang nih cun sal ah a tlaih i Ref 24.12: Jer 22.24-30; 24.1-10; 29.1-2 13  Bawipa nih a rak chimchung bang khan, Bawipa inn chung ro thil vialte le siangpahrang inn chung ro thil vialte kha a lak hna i Israel siangpahrang Solomon nih a rak sermi sui umkheng, Bawipa biakinn i a ummi vialte kha a khuai dih cikcek hna. 14 Jerusalem mi vialte le bawi vialte le ralòha le miòhawng vialte, tlaihmi 10-000, cun zungthiam le soser vialte cu a kalpi dih hna; ram chung i sifak bikmi hna dah ti lo cu ahohmanh an tang lo. 15 Cun Jehoiachin cu Babilon ah a kalpi; siangpahrang i a nu, siangpahrang i a nupi hna, a bawi hna le ram chung santlai bikmi hna cu Jerusalem in Babilon ah sal ah a hruai hna. Ref 24.15: Eze 17.12 16 Cun Babilon siangpahrang nih cun ralòhami vialte, 7-000, cun zungthiam le soser, 1-000, an dihlak in a òhawng i ral atu kho dingmi kha Babilon ah sal ah a kalpi hna. 17 Cun Babilon siangpahrang nih cun Jehoiachin i a pacheu Mattaniah kha amah hmun ah khan siangpahrang ah a chiah i a min cu Zedekiah ah a thlen. Ref 24.17: Jer 37.1; Eze 17.13
Zedekiah Pennak
(2Cha 36.11-16; Jer 52.1-3)
18 Zedekiah cu bawi hram aa thawk ah kum 21 a si i Jerusalem in kum 11 a bawi. A nu min cu Hamutal a si, amah cu Libnah khuami Jeremiah fanu a si. Ref 24.18: Jer 27.1-22; 28.1-17 19 Jehoiakim nih a tuah ningte khan Bawipa mithmuh i òhat lonak kha a tuah. 20 Hi thil Jerusalem le Judah i a tlun cu Bawipa a thin a hun tuk caah khan a si, a donghnak ah cun a sinin a hlonh ko hna. Ref 24.20: Eze 17.15
Jerusalem Rawknak
(Jer 39.1-7; 57.3-11)
Cun Zedekiah nih Babilon siangpahrang a doh.