2
Elisha Nih Elijah A Chaan
1 Cun Bawipa nih Elijah cu phuchim in van ah a cawi hnik tikah khan Elijah le Elisha cu Gilgal in an i thawh.
2 Cun Elijah nih Elisha cu a thawh i, “Hika ah hin rak um tuah, tiah kan nawl; zeitintiah Bawipa nih Bethel tiang kal a ka fial,” tiah a ti.
Sihmanhsehlaw Elisha nih, “ Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah Bethel ah an vung kal.
3 Cun profet fapa hna, Bethel i a ummi kha Elisha sinah cun an ra chuak i, “ Bawipa nih nihin ah hin na bawipa cu na sinin a lak lai kha na hngal maw?” tiah an ti.
Cun anih nih, “Asi, ka hngalh; dai tein um ko u,” tiah a ti.
4 Elijah nih cun a thawh i, “Elisha, hika ah hin rak um tuah, tiah kan nawl; Bawipa nih Jeriko tiang kal a ka fial,” tiah a ti. Sihmanhsehlaw anih nih, “ Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah Jeriko an phan.
5 Cun profet fapa hna Jeriko i a ummi kha Elisha pawngah cun an ra i, “ Bawipa nih nihin ah hin na bawipa cu na sinin a lak lai kha na hngal maw?” tiah an ti. Cun anih nih,
“Asi, ka hngalh; dai tein um ko u,” tiah a leh hna.
6 Khi tikah Elijah nih cun a thawh i, “Hika ah hin rak um tuah, tiah kan nawl; zeitintiah Bawipa nih Jordan tiang kal a ka fial,” tiah a ti. Sihmanhsehlaw anih nih, “ Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah an pahnih in an va kal.
7 Profet fapa hna chung khan 50 an kal ve i Jordan tiva pawng i an pahnih in an dir lioah khan lamhla nawn in an dir.
8 Cun Elijah nih a puan kha aa lak i a zual i ti kha a tuk i an pahnih in lei ro cungin an va kai hlan tiang, ti cu khattelei kam le khattelei kamah an i òhen.
9 An tan dih tikah Elijah nih Elisha cu, “Nangmah sinin lak ka si hlanah hin zeidah kan tuahpiak lai, ka hal tuah,” tiah a ti.
Cun Elisha nih, “Na thlarau hi a let hnih in ka coter tuah, tiah kan nawl,” a ti. Ref 2.9: Deu 21.17
10 Cun anih nih, “Thil har ngai na ka hal; asinain, nangmah sinin lak ka si lio kha na ka hmuh ahcun, mah cucu na ta a si ko lai; sihmanhsehlaw na ka hmuh lo ahcun, cu bang cun a si lai lo,” tiah a ti.
11 Cun an kal lengmang i bia an i ruah lio lengmang ah cun, zohhmanh, mei rangleng pakhat le mei rang hna nih annih pahnih cu an òhen hna. Cun Elijah cu phuchim in vancung ah a kai.
12 Cun Elisha nih khan mah cucu a hmuh i, “Ka pa, ka pa! Israel mi rangleng hna le rang cung ralkap hna khing,” tiah a au. Cun cu hnu cu amah kha a hmu ti lo.
Khi tikah amah a puan kha aa tlaih hna i cheu hnih ah a cheu hna. Ref 2.12: 2Sia 13.14
13 Cun Elijah sinin a rung tlami puan kha aa lak i a kir i Jordan tiva kamah khan a dir.
14 Cun a rung tlami Elijah puan kha aa lak i ti kha a tuk i, “ Bawipa, Elijah i Pathian cu khuazei ah dah a um?” tiah a ti. Cun ti kha a tuk tikah, ti cu a sumlei le a hnalei ah an i òhen i Elisha cu va ral ah a kai.
15 Profet fapa hna, Jeriko khua i a ummi nih khan, annih an ralchan ah amah cu an hmuh tikah, “Elijah thlarau cu Elisha cungah aa fu,” tiah an ti. Cun amah don awkah khan an ra i amah hmaiah vawlei lei hoih in an kun.
16 Cun annih nih amah cu, “Zohhmanh, na sal hna kan sinah hin miòhawng pa 50 an um; va kal hna seh law na bawipa kha va kawl hna seh tiah kan in nawl; amah cu Pathian thlarau nih a cawi i tlang pakhatkhat cungah maw, asiloah, nel pakhatkhat cungah dik a thlak a si ko hnga dahkaw,” tiah an ti.
Cun anih nih, “Nan thlah hna hnga lo,” tiah a ti.
17 Sihmanhsehlaw annih nih amah cu a ning a zah tiang an nawl tikah, anih nih, “Thlah hna u,” a ti. Cucaah mi 50 an thlah hna; cun ni thum chung amah cu an kawl, sihmanhsehlaw an hmu lo.
18 Cun Jeriko i a cam lioah khan a sinah an ra òhan i annih cu, “ ‘Kal hlah u,’ tiah kan ti hna lo mei kha?” tiah a ti hna.
19 Cu khuami nih cun Elisha cu, “Zohhmanh, hi khua a umnak hmun hi a nuam ko, ka bawipa nih a hmuh bang hin; sihmanhsehlaw a ti a òha lo i a ram cu rawl a vui lo,” tiah an ti.
20 Anih nih, “Khengkuar a tharmi pakhat in rak ka pe u law a chungah cite rawn u,” tiah a ti. Cucaah amah sinah cun an rak put.
21 Cun ti chuahnak hramah khan a va kal i cite kha a va paih i, “Hi bangin Bawipa nih, hi ti hi ka thianter cang; hi hnuah cun thihnak siseh, naurawknak siseh, hi ti in a chuak ti lai lo, a ti,” tiah a ti.
22 Cucaah cu ti cu nihin tiangin, Elisha nih a chimmi bia ningin, a thiang.
23 Cuka cun Bethel ah a hung kal; a hung kalpah ah khin, ngakchia tlawmpal kha, cu khua chung khan an ra chuak i amah cu an nihsawh i, “Lu kolh pa, hung kal tuah! Lu kolh pa, hung kal tuah,” tiah an hauh.
24 Cun aa mer i a hmuh hna tikah Bawipa min in chiat a serh hna. Cun ramlak in vom a pi pahnih an ra chuak i pa ngakchia cu 42 an seh hna.
25 Khika cun Karmel Tlang ah a va kal i cuka cun Samaria ah a kir.