17
Hoshea Pennak
Judah siangpahrang Ahaz a bawi kum hleihnihnak ah Elah fapa Hoshea nih Israel ram kha Samaria in pen hram a thawk i kum kua a uk. Cun amah nih Bawipa mithmuh ah òhat lonak kha a tuah, asinain, amah hlan i a rak ummi Israel siangpahrang hna bantuk khan cun a si lo. Amah cu Assiria siangpahrang Shalmaneser nih a doh; cun Hoshea kha a tangum ah a cang i ngunkhuai a pek. Sihmanhsehlaw Assiria siangpahrang nih Hoshea chungah khan rawinak lungthin a hmuh; zeitintiah Izipt siangpahrang So sinah khan lamkal a rak thlah hna i Assiria siangpahrang cu kum khat hnu kum khat ngunkhuai a pek tawnmi kha pe loin a um; cucaah Assiria siangpahrang nih thong ah a thlak i thong chungah cun a òem.
Cun Assiria siangpahrang nih cun ram vialte cu a tuk i Samaria ah a ra i kum thum chung a dum. Hoshea a bawi kum kuanak ah Assiria siangpahrang nih Samaria khua kha a lak i Israel mi kha Assiria ah a kalpi hna, Halah ram le Gozan ram Habor tiva le Media mi hna khua ah a chiah hna.
Mah hihi hi bang hin a si, zeicahtiah Israel mi nih, Izipt ram chungin le Izipt siangpahrang Faro kut tangin a chuahpitu hna Bawipa an Pathian cungah khan an sual i pathian dang kha an òih hna i Bawipa nih Israel mi hna hmai in a dawimi hna miphun hna phunglam le Israel siangpahrang hna nih an lakchommi phunglam hna kha an zulh hna. Cun Israel mi nih khan a thli tein a dik lomi thil kha Bawipa an Pathian cungah an tuah. An khua kip ah khan, ralvennak innsang thawk in kulhmi khua tiang, khuahrumbo kha an i ser; 10 lungphun hna le Asherim kha tlang sang kip cung le thingkung hring tang kip ah an i ser hna i Ref 17.10: 1Sia 14.23 11 an hmai in Bawipa nih a rak hlohmi miphun hna nih an rak tuah bangkhan khuahrumbo kip ah cun zihmui an khangh. Cun annih nih thil òhalo kha an tuah hna i Bawipa kha a thin an phawh, 12 cun Bawipa nih, “Mah hihi nan tuah lai lo,” tiin a timi hna siasal kha an biak hna. 13 Sihmanhsehlaw Bawipa nih Israel le Judah cu profet kip le hmutu kip in ralrinnak a pek òhiamòhiam hna i, “A òha lomi nan lam hi mertak hna u law, nan pupa hna sinah ka rak pekmi phungbia vialte ning khan le ka sal profet hna sinin nan sinah kan pek hna ning hin, ka phungbia le ka nawlbia cu zul hna u,” tiah a ti. 14 Sihmanhsehlaw annih nih ngaih an duh lo, Bawipa an Pathian a rak zum lomi an pupa hna an lung a hah bantuk khan an lung a hak ve. 15 Annih nih a nawlbia hna le an pupa hna he a rak tuahmi a biakamnak le ralrinnak a pekmi hna cu zeihmanh ah an rel lo. A deu a simi thil, siasal kha an zulh hna i annih zong a deu ah an i cang, cun Bawipa nih anmah tuah bantukin nan tuah ve lai lo, tiin nawl a pekmi hna an pawngkam i a ummi miphun hna kha an zulh hna. 16 Annih nih Bawipa an Pathian nawlbia vialte kha an hlawt i thletmi siasal cawfa pahnih kha an i ser i, Asherah kha an i ser fawn; van i a ummi thil vialte khi an biak hna i Baal kha a rian an òuan. Ref 17.16: 1Sia 12.28 17 Cun annih nih an fapale le an fanule hna cu thawinak caah an khangh hna i litin mangih le eih kha an hman, Bawipa mithmuh i thil òhalo tuah awkah khan an i zuar i a thin kha an phawh. Ref 17.17: Deu 28.10 18 Cucaah Bawipa cu Israel cungah a thin a hung ngaingai i a mithmuh phak lonak ah a dawi hna; Judah phun dah ti lo cu ahohmanh an tang lo.
19 Judah mi hna zong nih Bawipa an Pathian nawlbia kha an zul lo, Israel mi nih an chuahpimi phunglam tu kha an zulh deuh. 20 Cun Israel tefa vialte cu Bawipa nih a hlawt hna i a hrem hna, a mithmuh phak lo ah a hlonh hna hlantiang, hrawktu hna kut chungah khan a chanh hna.
21 Israel kha David innchungkhar sinin a thleh tikah Nebat fapa Jeroboam cu siangpahrang ah an ser. Cun Jeroboam nih Israel cu Bawipa zulhnak khan a pialpi i a nganmi sualnak kha a tuahter hna. 22 Israel mi cu Jeroboam nih a rak tuahmi sualnak vialte kha an tuah ve i an pialtak hna lo; 23  Bawipa nih a sal profet vialte hna in a chim bantuk khan Israel cu a mithmuh phak lonak ah a òhial hlantiang, annih nih mah cucu an kaltak hna lo. Cucaah Israel mi cu anmah ram in Assiria ram ah nihin tiang sal ah an tang.
Samaria Chungah Mi Umter Òhannak
24 Cun Assiria siangpahrang nih Babilon, Kuth, Avva, Hamath le Sefarvaim khua in mi kha a ratpi hna i Israel mi can ah khan Samaria ram khua chungah a chiah hna; cun Samaria ram kha an co i a khua hna chungah khan an um. 25 Cun an umter ah cun Bawipa kha an òih lo; cucaah Bawipa nih chiandeih a thlahhnawh hna i tlawmpal an seh hna. 26 Cucaah Assiria siangpahrang cu an chimh i, “Nangmah nih na kalpi hna i Samaria ram khua chung i na va chiahmi miphun hna nih cu ram pathian phunglam kha an hngal lo; cucaah chiandeih a thlahhnawh hna i zohhmanh an seh len ko hna, zeicahtiah annih nih cu ram pathian phunglam kha an hngal lo,” tiah an ti. 27 Cun Assiria siangpahrang nih khan, “Khika in nan ratpimi tlangbawi hna lakin pakhat cu khika ah khan kua òhan u; cun va kal seh law khika ah va um seh law cu ram pathian phunglam cu va cawnpiak hna seh,” tiah nawl a pek. 28 Cucaah Samaria ram in an kalpimi tlangbawi hna lakin pakhat cu a ra i Bethel khua ah khan a um i zeitindah Bawipa an òih awk a si kha a cawnpiak hna.
29 Sihmanhsehlaw miphun kip nih anmahle an pathian cio kha an i ser hna i Samaria mi nih an rak sermi khuahrum bo i hmunthiang hna ah khan an chiah hna, miphun kip nih an mahle an umnak khua cio ah khan an chiah hna. 30 Babilon mi nih Sukkoth-benoth an ser, Kuth mi nih Nergal an ser, Hamath mi nih Ashima an ser i 31 Avva mi nih Nibhaz le Tartak an ser; cun Sefarvaim mi nih Sefarvaim pathian hna Adrammelek le Anammelek biaknak ah an fale kha mei ah an khangh hna. 32  Bawipa zong kha an òih òhiamòhiam, cucaah anmah lakin khuahrum bo tlangbawi ah khan an i ser i khuahrum bo hmunthiang hna ah cun rai an thawipiak hna. 33 Cuticun Bawipa cu an òih ko, sihmanhsehlaw an chuahpi hnanak miphun hna nih an tuahning khan, an pathian hna rian kha an òuan fawn. 34 Nihin ni tiang hin hlan i an rak tuahning khan an tuah ko.
Annih nih Bawipa kha an bia lo i Bawipa nih Israel tiah min a sakmi Jakob i a tefa hna sinah nawl a pekmi nawlbia si hna seh, phunglam si hna seh, phungbia siseh, phung siseh, an zul lo. Ref 17.34: Gen 32.28; 35.10 35  Bawipa nih annih he biakamnak a ser i nawl a pek hna i, “Nannih nih pathian dang kha nan òih hna in an hmaiah nan kun in an rian nan òuan in raithawinak nan pechan hna lai lo; Ref 17.35: Exo 20.5; Deu 5.9 36 sihmanhsehlaw Izipt ram chungin a nganmi òhawnnak le samhmi ban he an chuahpitu hna Bawipa kha cu nan òih lai; amah hmaiah nan kun lai i raithawinak nan pekchanh lai. Ref 17.36: Deu 6.13 37 Cun an òialpiakmi hna nawlbia hna le phunglam hna le phungbia hna le phung hna cu zulh awkah nan i ralring zungzal lai. Nannih nih pathian dang cu nan òih hna lai lo, 38 cun nanmah he ka sermi biakamnak kha nan philh lai lo. Nannih nih pathian dang kha nan òih hna lai lo, 39 sihmanhsehlaw nan Pathian cu nan òih lai i nan ral vialte hna kut chungin an chuahter hna lai,” tiah a ti. 40 Sihmanhsehlaw annih nih an ngai duh lo i hmasa an tuah tawn ning òheo khan an tuah ko.
41 Cuticun hi miphun hna nih hin Bawipa cu an òih i serchommi an siasal hna cu an biak òhiamòhiam fawn hna; an fale le an fale fa hna zong nih an tuah § an pupa hna nih an tuah bantukin nihin ni tiangin an tuah ko.