11
Athaliah Cu Bawi Aa Cuh
(2Cha 22.10§23.21)
Ahaziah nu Athaliah nih a fapa a thih kha a hngalh tikah, a tho i siangpahrang innchungkhar vialte kha a thah hna. Sihmanhsehlaw siangpahrang Joram fanu Jehosheba, Ahaziah far nih khan Ahaziah fapa Joash cu a lak i thah awk i ruahmi siangpahrang fapa hna lak khan a thli tein a kalpi i amah le a cawngtunu cu ihnak dal chungah a chiah hna. Cuticun Athaliah sin khan a thuh i cucaah anih cu an that lo; cun anih cu amah sinah khan, Athaliah nih ram a uk chung kum ruk chung cu Bawipa inn chungah khan aa thup.
Sihmanhsehlaw a kum sarihnak ah tlangbawi Jehoiada nih khan Karet mi haotu le ralvengtu hna haotu hna kha a cah hna i amah sinah Bawipa inn ah khan a ratter hna; cun annih he biakamnak a ser i Bawipa inn chungah cun chiat a serter hna i annih cu siangpahrang fapa kha a hmuhsak hna. Cun nawl a pek hna i, “Mah hihi nan tuah awk cu a si lai; nannih lak i cheu thum cheu khat, Sabbath ni ah rian a lawng i siangpahrang inn a cawngtu nih khan, siangpahrang inn cu nan cawngh lai, a dang cheu thum cheu khat cu Sur kutka ah nan um lai i a dang cheu thum cheu khat cu ralvengtu hna hnulei i kutka ah khan nan um lai; cun nannih phu hnih, Sabbath ni ah rian a ngei i Bawipa inn a cawngtu nih khan, siangpahrang cu nan kulh lai, nan hriamnam kha nan i put cio lai; cun a kulhtu ralkap a hun naihmi hna paoh cu thah an si lai. Siangpahrang cu a chuah le a luh ah nan zulh lengmang lai,” tiah a ti.
Tlangbawi Jehoiada nih nawl a pek hna ningte khan ralkapbu haotu hna nih cun an tuah; Sabbath ah rian a òuan ding an mi hna he, a òuan lo ding an mi hna he khan tlangbawi Jehoiada sinah khan an ratpi hna. 10 Cun tlangbawi nih khan Siangpahrang David ta a rak si i Bawipa inn chungah a ummi fei hna le phaw hna kha ralkapbu haotu hna cu a pek hna; 11 cun ralvengtu hna nih cun an hriamnam kha an i put cio i, inn thlanglei kam thawk in chaklei kam tiang, biakòheng le inn a velchum in cun an dir i an ven. 12 Cun siangpahrang fapa kha a hun chuahpi i bawi luchin a chinh i hngalhternak bia kha a pek; cun annih nih siangpahrang ah an ser i chiti an thuh; an kut kha an bengh i, “Siangpahrang cu saupi nung ko seh!” an ti.
13 Athaliah nih ralvengtu hna thawng le mi thawng kha a theih tikah, Bawipa inn chungah khan, mi sinah khan a vung lut; 14 cun a hei zoh tikah, a phung ningin siangpahrang cu tungpi hram i a dir i siangpahrang pawng i ralkapbu haotu hna le muko tumtu hna an um i cu rammi vialte an lung aa lawmh i muko an tum kha a hmuh. Cun Athaliah nih cun a puan kha a thleh hna i, “Rawinak a si! rawinak a si!” tiah a au. Ref 11.14: 2Sia 23.3
15 Cun tlangbawi Jehoiada nih ralkapbu cung i chiahmi ralkapbu haotu hna kha, “Amah kha zapi lak khan hun chuah u, cun amah a zulmi paoh cu vainam in that hna u,” tiah nawl a pek hna. Zeitintiah tlangbawi nih cun, “ Bawipa inn chungah cun thah si hlah seh,” tiah a ti. 16 Cucaah amah cu an tlaih; siangpahrang inn ah cun an kalpi i Rang Kutka ah khan an thah.
Jehoiada I Remh Òhannak
(2Cha 23.16-21)
17 Cun Jehoiada nih Bawipa le siangpahrang le mi zapi karlak ah cun, annih cu Bawipa mi an si nakhnga biakamnak a ser i siangpahrang le mizapi karlak zongah khan a ser fawn. 18 Cun rammi vialte cu Baal inn ah khan an va kal i an òheh i a biakòheng hna le a siasal hna cu an den cikcek hna i biakòheng hna hmaiah cun Baal tlangbawi Mattan kha an thah.
Cun tlangbawi nih khan Bawipa inn vengtu kha a chiah hna. 19 Cun ralkapbu haotu hna le Karet mi hna le, ralvengtu hna le, rammi vialte kha a kalpi hna i siangpahrang cu Bawipa inn khan an runpi i ralvengtu hna kutka in siangpahrang inn ah an kalpi. Cun siangpahrang hna bawi òhutdan cungah khan a òhu. 20 Cucaah rammi vialte cu an lung a lawm; cun Athaliah cu vainam in siangpahrang inn i an thah hnuah khan, khua cu a dai.
21 Joash cu pennak hram aa thawk tikah kum sarih a si.