9
Bawipa Solomon Sinah A Lang Òhan
(2Cha 7.11-22)
1 Solomon nih Bawipa inn le siangpahrang inn le Solomon nih sak a duhmi vialte kha a sak dih tikah,
2 Gibeon ah a sinah a rak langh bangkhan, Bawipa cu a voi hnihnak Solomon sinah khan a lang òhan. Ref 9.2: 1Sia 3.5; 2Cha 1.7
3 Cun Bawipa nih a thawh i, “Ka hmai i na thlacamnak le na ka nawlnak vialte cu ka theih cang; hi na sakmi inn hi ka thianter cang i zungzal ca in a chungah ka min ka chiah cang; ka mit le ka lung cu khika ah an um camcin lai.
4 Cun nangmah kongah, na pa David nih a rak kal bantuk khan, ka hmaiah lung hlumte le dinnak in na kal i nawl kan pekmi vialte ningin na tuah i ka nawlbia le ka phunglam kha na zulh hna ahcun,
5 khi tikah na pa David sinah, ‘Israel mi bawi òhutdan cung òhu dingmi na òhing lai lo,’ tiin bia ka rak kam cang bang khan Israel mi hna cungah zungzal ca in na siangpahrang bawi òhutdan cu ka fehter lai. Ref 9.5: 1Sia 2.4
6 Sihmanhsehlaw nangmah siseh, na fale si hna seh, keimah zulhnak khan nan pial i nan hmaiah ka chiahmi ka nawlbia le ka phungbia kha nan zulh hna lo i nan kal i pathian dang kha an rian nan òuan hna i nan biak hna ahcun,
7 khi tikah Israel mi cu ram ka rak pekmi hna chung khan ka hloh hna lai i ka min ca i ka thiantermi inn hi ka mit hmuh phak lo ah ka hlonh lai; cun Israel cu phungthluk bia le nihchuak capo bia ah mi vialte lakah a cang lai.
8 Cun hi inn hi a rawkmi thilpon ah a cang lai; a pawng i a kalmi paoh an khuaruah a har lai i an hnar an phit lai i annih nih cun, ‘Zeicahdah mahtihin Bawipa nih hi ram cung le hi inn cungah hin a tuah hnga?’ tiah an ti lai. Ref 9.8: 2Sia 25.9; 2Cha 36.19
9 Cun annih nih an thawh hna lai i, ‘Zeicahdah a si ti ahcun, annih an pupa hna Izipt ram in a chuahpitu Bawipa an Pathian kha an hlawt i pathian dang kha an i tlaih hna i an biak hna i an rian an òuan hna caah hi òhat lonak vialte hi Bawipa nih an cungah a tlunter,’ tiah an ti lai,” tiah a ti.
Solomon Nih A Tuahmi Thil Dangdang
(2Cha 8.1-18)
10 Solomon nih Bawipa inn le siangpahrang inn a sak chung kha kum kul a rau.
11 Tair siangpahrang Hiram nih khan sidar thing, saipres thing le sui a duh zat in Solomon kha a pek. Cun Siangpahrang Solomon nih Galilee ram chung khua pakul kha a pek.
12 Sihmanhsehlaw Solomon nih a pekmi khua hna kha zoh awkah Hiram nih Tair in a rat tikah, a lung an tong lo.
13 Cucaah amah nih cun, “Ka unaupa, na ka pekmi khua hna hi zei bantuk khua hen an si ee?” tiah a ti. Cucaah nihin tiangin annih cun Kabul tiah ti an ti.
14 Hiram nih khan siangpahrang cu sui talen 120 a rak pek.
15 Cun Siangpahrang Solomon nih Bawipa inn le amah inn le Millo kha le Jerusalem kulhnak vampang le Hazor le Megiddo le Gezer
16 (Izipt siangpahrang Faro nih khan Gezer khua kha a hung tlaih i mei in a khangh i cu khua chung i a ummi Kanaan mi kha a thah hna i a fanu, Solomon nupi kha, hlawn ah a rak pek;
17 i Solomon nih Gezer khua kha a sak òhan), cun thlanglei Beth-horon,
18 Baalath, le Judah ram chung ramlak i a ummi Tamar khua,
19 cun Solomon nih a ngeihmi thil khonnak khua vialte le a rangleng hna ca khua hna le a rangcung ralkap khua hna le Jerusalem, Lebanon le a penmi ram dihlak ah Solomon nih sak a duhmi paoh saknak caah hnekmi rianòuantu bu a sernak kong cu mah hihi a si.
20 Amor mi le Hit mi le Periz mi le Hiv mi le Jebus mi chungin a tangmi vialte, Israel mi a si lomi hna §
21 Israel mi nih an hrawh dih khawh lomi hna, an hnu i an tefa a rung tangmi hna kha § mah hna hi Solomon nih hnekmi rianòuantu sal bu ah a ser hna i cu bang cun nihin tiang hin an si.
22 Sihmanhsehlaw Israel mi cu Solomon nih sal ah a ser hna lo; annih cu ralkap, bawi, ralbawi, ralkapbu haotu, a rangleng bawi hna le rangcung ralkap an si.
23 Rianòuantu a zohtu hna, Solomon rian cung i bawi bikbik hna cu, hi 550 hi an si.
24 Sihmanhsehlaw Faro fanu cu David khua khan Solomon nih a sakpiakmi amah inn ah khan a hung kal; cu hnuah Millo kha a sak.
25 Kum khat ah voi thum Solomon nih, Bawipa ca i a sermi biakòheng cungah khan, khangh thawinak hna le daihnak thawinak hna kha a pekchanh tawn hna i Bawipa hmaiah zihmui kha a khangh tawn. Cuticun inn cu a lim. Ref 9.25: Exo 23.17, 34.23; Deu 16.16
26 Siangpahrang Solomon nih, Edom ram chung, Rili Sen kam khua Eloth pawng i a ummi Ezion-geber khua ah khan sangphawlawng phu khat a ser.
27 Cun cu sangphawlawng rual sinah cun Hiram nih a sinum, rili kong a hngal ngaimi tilawng rianòuantu hna kha Solomon sinum hna he cun hmunkhat ah a thlah hna;
28 cun Ofir ah an va kal i cuka cun sui an rak phorh; an rak phorhmi cu talen 420 a si; annih nih Siangpahrang Solomon sinah khan an rak phorh.