7
Solomon Nih Inn Dang A Sak Hna
1 Solomon nih amah inn cu kum hleithum chung a rianh i a inn cu a dihlak in a lim dih.
2 Lebanon Tupi Inn timi kha a sak; a sau cu dong 100 a si, a vang cu dong 50 a si, a san cu dong 30 a si; cu inn cu sidar thing tung, tlar thum cung i chuanmi sidar thing kaan hna cungah khan sak a si.
3 Cun mah cucu, tlar khat ah tung 15 cio in, tung 45 cung i a ummi dal hna cungah cun sidar thing in khuh a si.
4 Cun tlar thum in thlalangawng an um i, pakhat zawn ah pakhat cio in dot thum in an um.
5 Innka vialte le thlalangawng vialte cu tungvangpalh an si dih i thlalangawng cu tlar thum in an um i pakhat le pakhat kha an i zawn cio.
6 Cun Tungpi Khaan timi khaan kha a ser; a sau cu dong 50, a vang cu dong 30 a si; cun a hmaiah cun òumbut a ser, tungpi hna le an hmai i saptonh kha a ser fawn hna.
7 Cun Bawi Òhutdan Khaan timi kha a ser, biaceihnak caah a si i Biaceihnak Khaan ti zong a si ve; mah cucu zelòuang in inntling tiang sidar thing in sak a si.
8 Cun a umnak ding ca i amah inn, cu khaan hnulei i a ummi cu, cu bantuk òhiamòhiam in sakmi a si. Cun hi khaan bantuk hin a òhit mi Faro fanu caah khan inn pakhat a sak. Ref 7.8: 1Sia 3.1
9 Hi vialte cu a man a harmi lung in ser an si; lung cu tahning tein remhmi, a lenglei he a chunglei he hluah in ahmi, a hram in a par tiang; cun Bawipa inntual in tual ngan tiang an si.
10 Cun a hram lung cu lung man tam an si, lung ngan pipi, dong 8 hna, dong 10 hna an si.
11 Cun cunglei ah cun lung man fak, tahning tein remhmi le sidar thing an si.
12 Tual ngan cu remhmi lung chonh thum le sidar thing thluan thap khat in kulh a si, Bawipa inn chung i chungchin tual le cu inn innleng bantuk khan.
Dar In Òamhnak
(2Cha 3.15-17)
13 Cun Siangpahrang Solomon nih Tair in Hiram kha a hei cah i an ratpi.
14 Amah cu Naftali phun chung i nuhmei pakhat i a fapa a si i a pa cu Tair mi a si, amah cu dar lei i zungthiam a si; amah cu dar leiah cun fimnak le hngalhthiamnak le zungthiamnak in a khatmi a si. Siangpahrang Solomon sinah khan a ra i a rian vialte kha a òuanpiak.
15 Dar tungpi pahnih a thlet hna. Tungpi pakhat cu a san dong hleiriat a si i a sum cu dong hleihnih a si, a chung a kua i a chah cu zapar a si; tungpi pahnihnak cu cu bantuk òhiamòhiam a si.
16 Tungpi dong i chiah awkah dar in thletmi luchin pahnih a ser hna; luchin pakhat cu a sanlei dong 5 a si, luchin dang pakhat cu a sanlei dong 5 a si ve.
17 Cun sur bantukin òial cikcek tein sermi le thir cikcin bantukin ngerh cincianmi pahnih, tungpi dong i a ummi luchin caah cun a ser hna; luchin pakhat caah sur khat a dang luchin pakhat caah sur khat ve.
18 Cu bantuk òhiamòhiam in, tungpi cung i a ummi luchin khuhtu sur pakhat cungah khan, a velchum in taleti tlang hnih in a ser hna; a dang luchin ca zongah khan cu bantukin a tuah ve.
19 Innleng i a ummi tungpi hna an dong a khuhtu luchin cu dong 4 an si i lili pangpar mui in ser an si.
20 Luchin cu tungpi pahnih hna dong ah khan le sur bantukin sermi pawng i a pummi a fonghlei cungah khan an um; taleti cu 200 an si, tlang hnih in a velchum in an um; cun tungpi dang pakhat zong kha cu bantuk òhiamòhiam a si.
21 Tungpi cu biaknak inn innleng ah khan a bunh hna; thlanglei kamah khan tungpi cu a bunh i a min ah Jakhin a sak; cun chaklei kamah tungpi kha a bunh i a min ah Boaz a sak.
22 Cun tungpi dong cu lili pangpar mui in a òelh hna. Cuticun tungpi rian cu a lim hna.
Dar Hmaihum
(2Cha 4.2-5)
23 Cun hmaihum pakhat a ser, a bial i khattelei tlang in khattelei tlang cu dong 10 a si, a san cu dong 5 a si i a velchum in tah tikah dong 30 a si.
24 Cun a tlang toiah cun umruang an um, a dong 30 ning khan, cun a hmaihum kha an vel; umruang cu tlang hnih an si i an thlet tikah khan an rak thlet chih hna.
25 Cun mah cucu cawtum hleihnih cungah a dir, pathum cu chaklei an zoh, pathum cu nitlaklei an zoh, pathum cu thlanglei an zoh, pathum cu nichuahlei an zoh; hmaihum cu an cungah khin a si i an hnulei an i chit cio.
26 A chahlei cu kut zabok a si; a tlang cu hraitlang bantukin ser a si i lili pangpar bantuk a si; batha bath khat cu pawng 80 tluk a si. 2-000 a tlum.
27 Cun dar in sermi a hunnak pahra zong a ser fawn hna; a hunnak hna cu dong 4 cio an sau, dong 4 cio an kau i dong 3 cio an sang.
28 Mah hihi hunnak an ser hna ning cu a si; tlang an ngei i cu tlang hna cu tung karah an um;
29 cun tung karlak i a ummi tlang hna ah cun chiandeih hna le cawtum hna le cherubim an cuang; cun a tung hna zongah cun, chiandeih hna le cawtum hna cung le toiah khan, òamh cikcekmi kual tete an um.
30 Cu hleiah hunnak hna nih khan dar cangpa kual pali le dar hlung kha an ngei cio. Cun a kil pali ah khan dohtu baan an um cio: hmaihum toiah cun, dohtu baan hna cu an pang cio ah khan òamhmi kual tete kha an thlet chih hna.
31 Dohnak baan karlak i a ka cu dong khat a kau i a ka cu a hram bantukin a pum i dong khat le a cheu a tla i a ka tlang ah cun kuakcik in an tuk fawn, cun a tlang hna cu an pum lo, tung vang palh an si.
32 Cun cangpa kual pali hna cu a tlang toiah cun an um hna i cangpa kual hlung hna cu hunnak he khan an i tlai dih, cun cangpa kual cu dong khat le a cheu cio an sang.
33 Cangpa kual an serning hna cu rangleng ke kual an serning bantuk a si ko: cangpa kual hlung hna, cangpa kual tlang hna, cangpa kual karhtu fung tete hna le a lai bo hna cu an dihlak in a thlet in thletmi an si.
34 Hunnak kil pali ah cun dohtu baan pali an um i dohtu baan hna cu hunnak he cun an i tlai dih.
35 Hunnak dong ah cun a pummi a ka a um i dong cheu a sang; a tung hna le a tlang hna cu hunnak cungah khan an dir i a tlang hna he cun an i tlai dih.
36 Cun a milmi a tung hna le a tlang hna cungah khan cherubim le chiandeih hna le tumkung hna an suai hna, a lawnnak hmun ning cio khan; cun a velchum in kual tete in a kulh dih hna.
37 Hi bantukin hunnak pahra kha a ser hna: an dihlak te hin thlet khatmi, tah khatmi le muisam khat an si.
38 Cun i òawlnak dar um pahra a ser hna; i òawlnak um pakhat nih bath 40 cio an tlum, i òawlnak um pakhat cu dong 4 cio an si i hunnak pahra hna nih khan pakhat cio in an co hna. Ref 7.38: Exo 30.17-21
39 Cun hunnak hna cu, panga, inn a thlanglei kamah, cun panga, inn a chaklei kamah a hun hna; cun hmaihum cu inn a nichuah thlanglei kil ah khan a hun.
(2Cha 4.11—5.1)
40 Hiram nih um hna le cawhlek hna le khengkuar hna zong kha a ser hna. Cuticun Hiram nih Bawipa inn ca i Siangpahrang Solomon a tuahpiakmi rian vialte kha a lim dih:
41 tungpi pahnih, tungpi dong i a ummi luchin kheng pahnih le tungpi dong i a ummi luchin pahnih hna kheng khuhnak ca i sur bantukin sermi pahnih;
42 cun tungpi cung i a ummi luchin kheng pahnih hna a khuhtu ding ca i sur pahnih hna caah khan taleti 400, sur pakhat caah rual hnih cio;
43 hunnak pahra le hunnak cung i i òawlnak um pahra;
44 hmaihum pakhat le hmaihum tang i cawtum hleihnih.
45 Cun um hna le cawhlek hna le khengkuar hna, hi umkheng Bawipa inn chung i a ummi vialte, Hiram nih Siangpahrang Solomon a serpiakmi hi dar tleu in sermi an si.
46 Jordan nelrawn, Sukkoth le Zarethan karlak i tlak hmun ah khan siangpahrang nih a thlet hna.
47 Cun cu umkheng vialte cu an tam tuk caah Solomon nih thlai loin a chiah ko hna; dar cu a khing zeizat dah a si hnga ti hngalh khawh ding a si lo.
48 Cuticun Solomon nih Bawipa inn chung i a ummi umkheng vialte cu a ser hna: sui biakòheng, Hun camcinmi changreu ca i sui cabuai, Ref 7.48: Exo 25.23-30, 30.1-3
49 sui thiang in sermi meivannak tung, chungchin hmunthiang hmai i chaklei kamah panga, thlanglei kamah panga a ummi hna kha; pangpar hna, meiinn hna, cengceh hna, sui in sermi hna kha; Ref 7.49: Exo 25.31-40
50 hrai hna, meihmihnak hna, kheng kuar hna, zihmui ca kheng tete hna, meiluahnak hna, sui thiang in sermi hna kha; cun innchung chungchin thiang bik hmun innka ca i sui kapza hna le biakinn òuangpi innka hna i sui kapza hna.
51 Cuticun Siangpahrang Solomon nih Bawipa inn ca i a òuanmi rian vialte cu a lim. Cun a pa David nih a rak pekchanhmi thil: ngun, sui le umkheng hna kha a luhpi hna i Bawipa inn rokuang chungah khan a ken hna. Ref 7.51: 2Sam 8.11; 1Cha 18.11