4
Solomon Tlangchuak Hna
1 Siangpahrang Solomon cu Israel mi vialte cungah siangpahrang a si i
2 mah hna hi a bawi ngan cu an si:
Zadok fapa Azariah cu tlangbawi ah a si;
3 Shisha fapa hna Elihoref le Ahijah kha caòialtu an si;
Ahilud fapa Jehoshafat kha cazin òialtu a si;
4 Jehoiada fapa Benaiah kha ralkapbu haotu a si;
Zadok le Abiathar kha tlangbawi an si;
5 Nathan fapa Azariah kha peng uktu bawi hna cung bawi a si;
Nathan fapa Zabud cu tlangbawi le siangpahrang kawi a si;
6 Ahishar cu siangpahrang inn zohkhenhtu a si, Abda fapa Adoniram cu hnekmi rian zohtu a si.
7 Solomon nih Israel mi vialte cungah bawi pahleihnih a ngei hna, annih nih siangpahrang le a innchungkhar kha rawl khua an khanpiak hna; kum khat chungah pakhat nih thla khat ca cio rawl khua a khan awk a si.
8 Mah hihi an min cu an si:
Efraim tlangram ah Ben-hur;
9 Makaz, Shaalbim, Beth-shemesh le Elom-beth-hanan khua hna ah Bendeker;
10 Arubboth ah Benhesed, (Soko le Hefer ram vialte cu amah ta an si);
11 Nafath-dor vialte ah Ben-abinadab (Solomon fanu Tafath kha a nupi a si);
12 Jezreel thlang Zarethan pawng i a ummi Beth-shean vialte le, cun Beth-shean in Abelmeholah tiang, cun Jokmeam khattelei ral tiang, cun Taanak le Megiddo ah Alihud fapa Baana;
13 Ramoth-gilead ah Bengeber (amah nih Manasseh fapa Jair i a khua hna, Gilead i a ummi hna kha a ngeih hna i cun Bashan i a ummi Argob peng khua ngan 60 vampang le dar kothrolh a ngeimi hna a ngeih hna);
14 Iddo fapa Ahinadab kha Mahanaim ah;
15 Ahimaaz kha Naftali ah (Solomon fanu Basemath kha nupi ah a òhit);
16 Asher le Bealoth ah Hushai fapa Baana;
17 Issakhar ah Paruah fapa Jehoshafat;
18 Benjamin ah Ela fapa Shimei,
19 Amor mi siangpahrang Sihon le Bashan siangpahrang Og hna an ram Gilead ram ah Um fapa Geber. Cun Judah ram ah bawi khat a um.
Solomon Ukmi Ram A Òhangcho
20 Judah le Israel mi hna cu rilikam i thetse zat khin an tam; an ei an ding i an i lawm.
21 Solomon nih Zufrates in Filistin mi hna ram le Izipt ramri tiang ram vialte cu a uk dih hna; a nun chung vialte Solomon sinah cun ngunkhuai an thawh i a rian an òuan. Ref 4.21: Gen 15.18; 2Cha 9.26
22 Solomon ni khat ca rawl cu changvut dip rel 30 le changvut rel 60,
23 a thaumi cawtum pahra, ram hnonak caw pakul, tuu 100 an si, sakhi, sazuk, nengpi le cenhmi ar chim loin.
24 Zeitintiah amah nih Zufrates tiva in nitlaklei ram vialte Tifsah in Gaza tiang, Zufrates tiva nitlaklei siangpahrang vialte kha a uk hna i a velchum dihlak in daihnak a um.
25 Cun Solomon a nun chung vialte cu Judah mi hna le Israel mi hna kha Dan in Beersheba tiang, anmah le an mitsur ruang tang le an theipi kung tang cio ah him tein khua an sa.
26 Solomon nih a rangleng hna hnuktu rangtum hna caah rang inn 40-000 le rangcung ralkap 12-000 a ngeih hna. Ref 4.26: 1Sia 10.26; 2Cha 1.14; 9.25
27 Cun kha bawi hna nih khan, anmah le an thla te cio ah khan Siangpahrang Solomon le Siangpahrang Solomon cabuai i a rami vialte caah khan, rawl khua an khan i zeihmanh an bauter lo.
28 Cun anmah le an rian ning cio ah, rangtum hna le tlik mumi rang hna caah a herhnak hmun paoh ah khan barli le ramro zong an rak put hna.
29 Cun Pathian nih Solomon cu fimnak le hngalhthiamnak tah cawk loin le lungkauhnak rilikam thetse zat in a pek.
30 Cucaah Solomon fimnak nih nichuahlei mi vialte fimnak le Izipt fimnak vialte kha a lonh dih hna.
31 Zeitintiah amah cu midang vialte nakin a fim deuh, Ezrah mi Ethan le Mahol fapa hna Heman, Kalkol le Darda nakin a fim deuh; cun a min cu a pawngkam ram dihlak ah a thang. Ref 4.31: Slm 89 (A tlangpi)
32 Cun phungthlukbia zong 3-000 a chim i a hla cu fung 1-005 an si. Ref 4.32: Phut 1.1, 10.1, 25.1; Sol 1.1
33 Thing kong, Lebanon i a ummi sidar thing in i thawk in vampang chungin a hung kheumi hissop tiang a chim tawn; cun saram le vate le a lawnmi thilnung hna le nga hna kong zong kha a chim fawn hna.
34 Cun miphun kip chungin le vawlei cung siangpahrang vialte hna sinin a fimnak a theimi paoh nih Solomon fimnak theih awkah cun an ra.