20
Ahab Nih Siria Mi A Tei Hna
1 Siria siangpahrang Benhadad nih a ralkap vialte kha a pumh hna; siangpahrang 32 kha a sinah an òang, rang le rangleng hna he; cun a hung kal i Samaria kha a kulh i a doh.
2 Cun khua chungah cun Israel siangpahrang Ahab sinah khan lamkal a vun thlah hna i, “Hi bangin Benhadad nih:
3 ‘Na ngun le na sui cu keimah ta an si; na nupi aa dawh bik hna le na fale hna zong keimah ta an si,’ a ti, tiah va chim u,” tiah a ti hna.
4 Cun Israel siangpahrang nih cun a leh i, “Na chim bangin, ka bawipa, maw siangpahrang, keimah le ka ngeihmi vialte cu nangmah ta kan si ko,” tiah a ti.
5 Lamkal hna kha an ra òhan i, “Hi bangin Benhadad nih: ‘Na sinah mi ka rak thlah hna i, “Na ngun le na sui cu ka pe hna, na nupi hna le na fale hna zong,” ka ti;
6 sihmanhsehlaw thaizing atu tikah hin na sinah ka sinum ka rak thlah hna lai i na inn le na sinum hna inn hna kha an kawl hna lai i an duhmi paoh an i lak lai i an i kalpi lai,’ a ti,” tiah an ti.
7 Cu tikah, Israel siangpahrang nih ram chung upa vialte kha a auh hna i, “I chingchiah hmanh u, hi pa i harnak tuah awk a kawl ning hi; ka sinah mi a rak thlah hna i ka nupile le ka fale le ka ngun le ka sui kha a ka hal i ka rak al lo,” tiah a ti.
8 Cun upa vialte le mi vialte nih an thawh i, “Zei ah rak rel hlah, na hna zong rak tla hlah,” tiah an ti.
9 Cucaah Benhadad lamkal hna cu a thawh hna i, “Ka bawipa, siangpahrang cu, ‘Na sal na ka hal hmasami vialte kha cu ka tuah lai, sihmanhsehlaw mah hi cu ka tuah kho lo,’ a ti, tiah va chim u,” tiah a ti hna. Cun lamkal hna cu an kal i bia cu an hei phorh.
10 Benhadad nih a sinah cun a hei thlah hna i, “Cu bangin pathian hna nih ka cungah tuah hna seh law tam deuh zongin tuah hna seh, Samaria khua leidip cu a ka zultu hna caah pei khat cio in a zaat ding a si ahcun,” tiah a ti.
11 Cun Israel siangpahrang nih a leh i, “A ralthuam in aa thuammi nih aa phoihmi bantukin tluangkhawn awk a si lo,’ tiah va chim u,” tiah a ti.
12 Benhadad nih hi bia cu, siangpahrang hna he thlam chung i zu an din lioah khan a theih tikah, a mi hna cu, “Nan umnak hmun tlai u,” tiah a ti hna. Cun annih nih khua cu doh awkah an umnak hmun kha an i tlaih cio.
13 Cun zohhmanh profet pakhat Israel siangpahrang Ahab pawngah cun a ra i, “Hi bangin Bawipa nih, ‘Hi mibu nganpi hi na hmuh cang hna a si lo mei? Zohhmanh, nihin ah annih cu nangmah kan pek lai; cun nang nih keimah cu Bawipa ka si kha na hngalh lai,’ a ti,” tiah a ti.
14 Cun Ahab nih, “Ahodah a hman lai?” tiah a ti. Anih nih, “ Bawipa nih hi bangin, ‘Peng cheumi uktu bawi hna i an sinum hna hi ka hman hna lai,’ a ti,” tiah a ti. Cun anih nih a thawh i, “Ahodah i tuknak cu a thawk lai?” a ti. Cun anih nih, “Nangmah,” tiah a leh.
15 Cun peng cheumi uktu bawi hna sinum kha a pumh hna i annih cu 232 an si; cun annih hnulei ah cun Israel mi vialte cu a pumh hna i 7-000 an si.
16 Cun Benhadad le a bawmtu siangpahrang 32 hna cu ri koin thlam chungah zu an din lio chun ah khin, annih cu an va kal.
17 Peng cheumi uktu bawi hna sinum hna cu an kal hmasa. Cun Benhadad nih va zoh chungtu mi kha a thlah hna i annih nih amah cu, “Samaria khua in mi an ra chuak,” tiah an chimh.
18 Annih nih, “Daihnak ca an ra chuah a si ahcun, a nung in tlai hna u, i tuk awk i an ra chuah a si zongah, a nung in tlai hna u,” tiah a ti.
19 Cucaah peng cheumi uktu bawi hna ralkap hna cu, an chuak i Israel ralkap nih an zulh hna.
20 Cun annih nih anmah le an dohmi cio kha an thah hna; Siria mi cu an zam i Israel mi nih an dawi hna, sihmanhsehlaw Siria siangpahrang Benhadad cu rang cungin rangcung ralkap hna he an luat.
21 Cun Israel siangpahrang cu a chuak i rang le rangleng hna kha a tlaih hna i Siria mi cu tampi a thah hna.
22 Cu tikah profet kha Israel siangpahrang pawngah khan a ra i amah sinah cun, “Ra tuah, i hrim tuah, cun na tuah hnga ding hi òha tein ruat tuah; zeitintiah òhal a hung chuah òhan tikah Siria siangpahrang nih doh awkah an rathnawh lai,” tiah a ti.
23 Cun Siria siangpahrang cu a sinum hna nih an thawh i, “Annih an pathian cu tlang pathian an si, cucaah kannih nakin an òhawng deuh; sihmanhsehlaw rawn ah do hna u si law, annih nakin kan òhawng deuh hrimhrim lai.
24 Cucaah mah hi tuah tuah: siangpahrang kha anmah le an rian cio khan òhial hna law an hmun ah khan ralbawi chia hna;
25 cun na rak sunghmi ralkapbu bantuk kha, rang can ah rang, rangleng can ah rangleng in pum òhan hna; cun rawn ah kan doh hna lai i annih nakin kan òhawng deuh hrimhrim lai,” tiah an ti. Cun an bia cu a ngaih i cu bangin a tuah.
26 Òhal ah cun Benhadad nih Siria mi cu a pumh hna i Israel mi doh awkah khan Afek ah an hung kal.
27 Cun Israel mi cu an pumh hna i rawl an pek hna i annih doh awkah khan an kal; Israel mi cu meheh run hmete pahnih bantukin an hmaiah khan an riak, Siria mi vial cu ram kha an khat dih.
28 Cun Pathian mi pakhat nih Israel siangpahrang sinah cun a ra i, “Hi bangin Bawipa nih, ‘Siria mi hna nih, “ Bawipa, cu tlang pathian pei a si ko cu, nelrawn pathian a si òung lo,” an ti caah, cucaah hi mibu nganpi hi a dihlak in na kut chungah kan pek lai i keimah cu Bawipa ka si kha na hngalh lai,’ a ti,” tiah a ti.
29 Cun annih cu ral enh veve in ni sarih chung veve an riak. Cun a ni sarihnak ni ah cun an i tawng i Israel mi nih Siria mi hna cu ni khat ah ke ralkap 100-000 an thah hna.
30 Cun a tang rihmi hna cu Afek khua ah an zam i a tangmi hna chungah 27-000 cu vampang nih a nenh hna.
Benhadad zong cu a zam i khua chung i inn pakhat a dal chungchin ah a lut.
31 Cun a sinum hna nih amah cu an thawh i, “Zohhmanh, Israel chungkhar siangpahrang hna cu zaangfah thiammi siangpahrang an si tiah kan theih; cucaah kan tai ah puanchia i venh in kan lu ah hrihrual i ngerh u si law, Israel siangpahrang sinah cun va kal hnik u sih; na nunnak a hei in zuah ko hnga dah kaw,” tiah an ti.
32 Cucaah an tai ah puanchia an i venh i an lu ah hrihrual an i ngerh i Israel siangpahrang sinah cun an va kal i, “Na sal Benhadad nih, ‘Ka nunter ko sawh seh,’ a ti,” tiah an ti. Cun anih nih, “A nung rih maw? Amah cu ka unau pei a si cu,” tiah a ti.
33 Cun mi hna nih cun mah cucu hmelchunhnak òha a si tiah an ruah i amah sin cun khulrang in an i lak i, “Asi, na unau Benhadad cu,” tiah an ti. Cun anih nih, “Va kal u law, ratpi u,” tiah a ti. Cun Benhadad cu a sinah a ra chuak i a rangleng cung khan a ratter.
34 Cun Benhadad nih amah cu a thawh i, “Ka pa nih na pa sinin a lakmi khua kha kan khirh òhan lai; cun ka pa nih Samaria ah a rak tuah bang khan, nang zong nih Damaskas khua ah chawdawr naa ser ve lai,” tiah a ti. Cun Ahab nih a thawh i, “Hi biakamnak thawng hin kan luatter lai,” tiah a ti. Cucaah amah he cun biakamnak a ser i a kalter.
Profet Nih Ahab A Sik
35 Cun profet fapa hna lak i pakhat nih khan a hawipa pakhat cu, “Ka tu tuah, tiah kan nawl,” tiah Bawipa nawl peknak thawngin a ti. Sihmanhsehlaw mipa nih tuk cu a al.
36 Cu tikah anih nih, “ Bawipa aw kha na ngaih lo caah, zohhmanh, ka sin i na kal cangkate hin chiandeih nih an seh lai,” tiah a ti. Cun a sinin a kal cangkate cun chiandeih nih a rak ton i a seh taktak. Ref 20.36: 1Sia 13.24
37 Cun midang pakhat a hmuh i, “Ka tu tuah, tiah kan nawl,” tiah a ti. Cun mipa nih cun a tuk i a hliam.
38 Cucaah profet cu a kal i lam pawngin siangpahrang cu a rak hngah, a mit cu puanchia in a rak i men i a mui a rak i hleng.
39 Cun siangpahrang cu a lanhpah ah khin siangpahrang cu a hei auh i, “Na salpa hi raltuknak hmunpi ah ka va kal i, zohhmanh, ralkap pakhat cu ka sinah a ra i mipa pakhat a rak put i, ‘Hi mipa hi zohkhenh tuah; zei maw tiin a loh sual a si ahcun, na nunnak cu a nunnak caah a si lai, asiloah, ngun talen pakhat na liam lai,’ a ti.
40 Cun na salpa cu khika, hika, i hnahnawk luri ngaiin ka um lioah, a rak kal diam ai,” tiah a ti. Israel siangpahrang nih cun a thawh i, “Na cung i biakhiahnak cu cu bang cun a si ko lai; nangmah nih pei naa khiah cang ko cu,” tiah a ti.
41 Cu tikah khulrang in a mit mennak puanchia cu a phoih i Israel siangpahrang nih profet hna lak i pakhat a si kha a hngalh.
42 Cun anih nih a thawh i, “Hi bangin Bawipa nih, ‘Hrawh awkah kan pekchanh ciami kha nangmah nih na kut chungin na luatter caah, cucaah a nunnak caah na nunnak a kal lai i a mi hna caah na mi an si lai,’ a ti,” tiah a ti.
43 Cun Israel siangpahrang cu thinhung le hmaichia in a inn ah a kal i Samaria khua kha a phan.