16
Cun Baasha kong ah Hanani fapa Jehu sinah Bawipa bia a phan i, “Nangmah cu leidip lakin kan hlorh i ka mi Israel mi hna hruaitu ah kan ser nain, Jeroboam lam kha na zul i ka mi Israel mi kha na sualter hna i an sualnak in ka thin na ka phawh caah, zohhmanh, Baasha le a innchungkhar cu ka hloh cikcek hna lai i na innchungkhar hi Nebat fapa Jeroboam innchungkhar bantuk ah ka ser lai. Baasha ta a simi paoh khua chung i a thih ahcun uico nih an ei lai; ramlak i a thih ahcun van i a zuangmi va nih an ei lai,” tiah a ti.
Baasha tuahsernak a taang rihmi hna le thil a tuahmi le a òhawnnak cu, Israel siangpahrang hna Chanrelnak Cauk chungah an i òial lo mei? Cun Baasha cu a pupa hna sinah a it i Tirzah khua ah an vui; cun a fapa Elah kha amah hmun ah cun a hung bawi. Cuhleiah Baasha le a innchungkhar he ralchanh in, a kut tuahmi thil in Bawipa cu a thin a phawh i a mithmuh i òhat lonak a tuahmi vialte ca le Jeroboam innchungkhar bantuk a si i a hrawh zong a hrawh caah khan, Hanani fapa profet Jehu sinin Bawipa bia cu a ra.
Elah le Zimri Pennak
Judah siangpahrang Asa, siangpahrang a si kum 26nak ah Baasha fapa Elah nih Israel mi kha Tirzah khua in uk hram a thawk hna i kum hnih a pen hna. Sihmanhsehlaw a rangleng hnarcheu haotu Zimri nih a rawi. Tirzah khua i a um lio, a innchungkhar zohkhenhtu a simi Arza inn i ri lakin zu aa din ah khan, 10 Zimri cu a ra lut i a tuk i a thah, mah cucu Judah siangpahrang Asa, siangpahrang a si kum 27nak ah khan a si. Amah hmun ah cun Zimri cu a bawi.
11 Pen hram a thawk tikah khan, a bawi òhutdan cung i a hung òhut cangka cun, Baasha innchung khar vialte kha a thah dih hna; a rualchan si hna seh, a hawikom si hna seh, pa pakhat hmanh a zuah hna lo. 12 Cuticun Zimri nih Bawipa nih profet Jehu in Baasha kong i a chimmi bia ningin, Baasha innchungkhar vialte cu a thah dih hna; 13 mah cucu Baasha sualnak vialte le a fapa Elah sualnak vialte, anmah nih an tuahmi le Israel mi an sualtermi hna le Bawipa, Israel Pathian cu an siasal in a thin an phawh ruangah a si. 14 Elah tuahsernak a tang rihmi le a tuahmi vialte cu Israel siangpahrang hna Chanrelnak Cauk chungah an i òial lo mei?
15 Judah siangpahrang Asa, siangpahrang a si kum 27nak ah khan Zimri cu Tirzah khua ah ni sarih bawi a cang. Cun ralkap hna nih khan Filistin mi ta a simi Gibbethon kha an riahhnawh, 16 cun a riahhnawhtu ralkap nih khan, “Zimri nih a rawi i siangpahrang kha a thah,” tiah an theih; cucaah Israel mi vialte nih ralkapbu haotu Omri kha cu ni ah cun riahhmun ah cun Israel siangpahrang ah an ser. 17 Cucaah Omri cu Israel mi vialte he Gibbethon khan an hung kal i Tirzah khua kha an dum. 18 Cun Zimri nih khua kha an lak cang, tiah a hmuh tikah, siangpahrang inn chung ralhruang chungah khan a lut i siangpahrang inn cu mei in aa duah chih i a thi; 19 mah cucu amah nih a tuahmi sualnak le Bawipa mithmuh i òhat lonak a tuahmi le Jeroboam lam a zulhnak le Israel mi a sualter hna ruangah khan a si. 20 Zimri tuahsernak a tang rihmi le rawinak amah nih a tuahmi kha, Israel siangpahrang hna Chanrelnak Cauk chungah an i òial lo mei?
Omri Pennak
21 Cun Israel mi cu cheu hnih ah an i cheu; mi hnarcheu nih Ginath fapa Tibni cu amah kha siangpahrang i ser awkah an zulh i hnarcheu nih Omri kha an zulh. 22 Sihmanhsehlaw Omri a zulmi hna nih Ginath fapa Tibni a zulmi hna kha an tei hna; cucaah Tibni cu a thi i Omri cu siangpahrang a cang. 23 Judah siangpahrang Asa, siangpahrang a sinak kum 31nak ah Omri nih Israel mi cu pen hram a thawk hna i kum hleihnih a uk hna; kum ruk cu Tirzah in a uk hna. 24 Shemer sinin Samaria tlang cu ngun talen pahnih in a cawk; tlang ah cun ralhau a sak i a sermi khua cu tlang a rak ngeitu Shemer min chuankhan in Samaria a ti.
25 Omri nih Bawipa mithmuh ah thil òhalo a tuah i amah hlan i a rak ummi vialte hna nakkhan thil òhalo tam deuh a tuah.
26 Zeitintiah amah cu Nebat fapa Jeroboam lam kha a zul i Israel mi a sualter hnanak sualnak kha a tuah, mah cucu annih nih Bawipa, Israel Pathian cu an siasal hna in a thin an phawhnak kha a si. 27 Omri tuahsernak a tang rihmi le òhawnnak a langhtermi cu, Israel siangpahrang hna Chanrelnak Cauk chungah an i òial lo mei? 28 Cun Omri cu a pupa hna sinah a it i Samaria khua ah an vui; cun a fapa Ahab cu amah hmun ah khan a hung bawi.
Ahab Pennak
29 Judah siangpahrang Asa, siangpahrang a si kum 38nak ah, Omri fapa Ahab nih Israel mi hna cu pen hram a thawk i Omri fapa Ahab nih cun Israel mi hna cu Samaria khua in kum 22 a uk hna. 30 Cun Omri fapa Ahab nih amah hlan i a ummi vialte hna nakkhan òhat lonak Bawipa mithmuh ah tam deuh a tuah. 31 Nebat fapa Jeroboam sualnak chung i kal ve kha a zaang temi thil hei si seh law cu bang, Sidon mi hna siangpahrang Ethbaal fanu Jezebel kha nupi ah aa òhit i a kal i Baal kha a rian a òuan i a biak. 32 Samaria khua chungah a sakmi Baal inn chungah khan Baal caah biakòheng pakhat a ser. 33 Cun Ahab nih Asherah pakhat a ser. Ahab nih amah hlan i a rak ummi Israel siangpahrang vialte hna nakkhan, Bawipa, Israel Pathian cu a thin a phawh deuh. 34 Amah chan ah cun Bethel khuami Hiel nih Jeriko khua kha a ser; a hramlung phum ah cun fapa a hrin hmasa bik Abiram nunnak a hloh phah i a kutka ser ah cun a fapa hniang bik Segub nunnak a hloh phah, mah cucu Bawipa nih Nun fapa Joshua in a rak chimmi bia ning khan a si. Ref 16.34: Jos 6.26