13
Judah Ram Profet Nih Jeroboam Cu Ralrinnak A Pek
1 Cun zohhmanh, Judah ram chungin Pathian mi pakhat, Bawipa
bia thawngin Bethel ah a ra. Jeroboam kha zihmui khangh
awkah biakòheng pawngah khan a rak dir ko.
2 Cun mipa nih cun Bawipa
bia in biakòheng cu a auhnawh i, “Maw biakòheng,
biakòheng,
Bawipa
nih hi bangin a ti: ‘Zohhmanh, David innchungkhar chungah
fapa pakhat, a min Josiah a simi a chuak lai; cun nangmah cung i
zihmui a khangmi khuahrum bo tlangbawi hna cu nangmah cungah hin
rai ah a thawi hna lai i mi ruh cu nangmah cungah hin khangh a
si lai,’ a ti,” tiah a ti.
Ref 13.2: 2Sia 23.15-16
3 Cun cu ni òhiamòhiam ah cun hmelchunhnak pakhat a pek i, “Mah hihi
Bawipa
nih a chimmi hmelchunhnak cu a si: ‘Zohhmanh, biakòheng kha
a cim lai i a cung i a ummi vutcam hna cu thlet an si lai,’ a
ti,” tiah a ti.
4 Cun Pathian mi nih Bethel biakòheng a chimhnawhchanmi bia kha siangpahrang nih a theih tikah, Jeroboam nih cun biakòheng
cun a kut a hei samh i, “Tlai u,” tiah a ti. Cun a hei samhmi
a kut cu a car i cucaah amah leiah a tum òhan kho ti lo.
5 Pathian bia in Pathian mi nih hmelchunhnak a tuahterning khan, biakòheng zong cu a cim i biakòheng cung i vutcam cu an
hlonh hna.
6 Cun siangpahrang nih Pathian mi cu a thawh i, “ Bawipa na Pathian cu ka nawlpiak law, thla ka campiak tuah, ka kut
hi a dam òhan nakhnga,” tiah a ti. Cun Pathian mi nih
Bawipa
cu a nawl i siangpahrang cu a kut kha a dam òhan i hmasa i
bantuk kha a si òhan.
7 Cun siangpahrang nih Pathian mi cu a thawh i, “Ka sinah ka inn ah ra law, i hrim tuah, laksawng kan òhenh lai,” tiah a
ti.
8 Cun Pathian mi nih siangpahrang cu, “Na inn a cheu hmanh ka pe law nangmah sinah ka lut lai lo. Cun hi hmun ah hin
changreu zong ka ei lai lo, ti zong ka ding lai lo;
9 zeitintiah cuticun Bawipa
bia nih nawl a ka pek i, ‘Rawl zong na ei lai lo, ti zong na
ding lai lo, na ratnak lam zongin na kir òhan lai lo,’ a ka
ti,” tiah a ti.
10 Cucaah lam dang in a kal i Bethel i a ratnak lam khan cun a kir òhan lo.
11 Bethel khua ah cun profet tar pakhat hi a um. Cun a fapa hna cu an ra i khi ni ah Pathian mi nih Bethel i a tuahmi vialte
kha an chimh; siangpahrang sinah a chimmi bia zong kha an pa cu
an chimh.
12 Cun an pa nih cun a thawh hna i, “Khuazei lei lam in dah a kal?” tiah a ti hna. Cun a fapa hna nih cun Pathian mi,
Judah ram in a rami a kalnak lam kha an hmuhsak.
13 Cun a fapale cu a thawh hna i, “Laa kha ka danhpiak u,” tiah a ti. Cucaah laa kha an danhpiak i aa cit.
14 Cun Pathian mi cu a hei dawi i kuhthing toi i a rak òhut ko kha a hmuh; cun a thawh i, “Nangmah hi Judah ram in a rami,
Pathian mi cu na si maw?” tiah a ti. Anih nih, “Ka si,” tiah
a ti.
15 Cun anih nih amah cu, “Inn ah ka sinah ra law rawl ra ei tuah,” tiah a ti.
16 Cun anih nih, “Na sinah kir awk ka si lo i nangmah sinah luh awk zong ka si lo; hi hmun ah hin nangmah sinah rawl zong ka
ei lai lo, ti zong ka ding lai lo;
17 zeitintiah Pathian bia nih hi bangin ka sinah, ‘Khika ah rawl zong na ei lai lo i ti zong na ding lai lo, na ratnak lam
zongin na kir lai lo,’ a ti,” tiah a ti.
18 Cun anih nih amah cu a thawh i, “Keimah zong hi nangmah bantukin profet ka si ve,
Bawipa
bia in vancungmi pakhat nih pei ka sinah a chim i, ‘Rawl a
ei i ti a din nakhnga, na inn ah hin hun kirpi òhan,’ a ti
cu,” tiah a ti. Sihmanhsehlaw amah cu lih a chimh a si.
19 Cucaah amah sinah a kir i a inn chungah rawl a ei i ti a din.
20 Cun cabuai i an òhut lioah khan a kirpi òhantu profet sinah khan Pathian bia cu a ra i,
21 Judah ram in a rami Pathian mi sinah khan, “Hi bangin Bawipa
nih, ‘ Bawipa
bia kha na ngaih lo i
Bawipa
na Pathian nih nawl an pekmi nawlbia cu na zulh lo i,
22 sihmanhsehlaw na ra kir i, “Rawl ei hlah, ti ding hlah,” tiah a tinak hmun ah khan rawl na ei i ti na din caah, na pum cu
na pupa hna thlan ah a phan lai lo,’ a ti,” tiah a au.
23 Cun rawl kha a ei i ti kha a din dih hnuah, a rak kirpimi profet kha laa cu a danhpiak.
24 Cun a kal lioah khan lam ah chiandeih nih a ton i a seh. Cun a pum cu lam ah cun a tla i laa cu a pawngah khan a dir ko;
chiandeih zong cu a ruak pawngah cun a dir ve ko.
25 Cun zohhmanh, mi an va kal i lam i a ruak a rilh ko i a ruak pawng i chiandeih a dir ko kha an hmuh. Cun an ra i profet
tarpa a umnak khua ah khan mah cucu an ra chim.
26 Cun lam in a hun kirpi òhantu profet nih khan mah cucu a theih tikah, “Pathian mi,
Bawipa
bia zulh a duh lo mipa kha a si cu ta; cucaah
Bawipa
nih amah cu a chimhmi bia ningin,
Bawipa
nih amah cu chiandeih kha a pek i a rak thlehbauh i a rak
thah,” tiah a ti.
27 Cun a fapale kha a thawh hna i, “Laa kha ka danhpiak u,” tiah a ti hna. Cun annih nih an danh.
28 Cun a va kal i a ruak cu lam i a rak rilh ko i laa le chiandeih kha a ruak pawng i an rak dir ko kha a hmuh. Chiandeih
nih khan a ruak cu a rak ei lo, laa zong kha a thlek bauh lo.
29 Cun profet nih khan Pathian mi ruak cu a lak i laa cungah khan a chuan i òah awk le vui awkah khua ah khan a kirpi òhan.
30 Cun a ruak kha amah thlan ah khan a vui; cun amah cu an òah i, “Aize! ka naupa,” an ti.
31 Cun a vui dih hnuah a fapa hna sinah khan, “Ka thih tikah, Pathian mi ka vuinak thlan ah hin run ka vui te u, ka ruh
hna cu a ruh pawngah hin run chia hna u.
32 Zeitintiah Pathian bia thawngin Bethel biakòheng le Samaria ram chung khua i a ummi khuahrumbo hna inn vialte kong i
a chimmi bia vialte kha a tling hrimhrim lai,” tiah a ti.
33 Hi thil hnu zongah hin Jeroboam cu lam òhalo a zulhmi khan aa mer hlei lo, sihmanhsehlaw khuahrumbo ca i tlangbawi cu
mi zapi lak khan a ser hna; tlangbawi si a duhmi paoh kha
khuahrumbo tlangbawi caah cun a thianter duahmah ko hna.
34 Cun mah hihi Jeroboam innchungkhar an ci a hmittu le vawlei cungin a hrawktu hna sualnak ah khan a cang.