10
Sheba Siangpahrangnu A Ra Tlawng
(2Cha 9.1-12)
1 Sheba siangpahrangnu nih Bawipa min kong i Solomon minthannak kha a theih tikah, amah cu a harmi biahalnak in hneksak awkah a ra. Ref 10.1-10: Mat 12.42; Luk 11.31
2 Jerusalem ah cun mizul tampi he, zihmui a phormi kalauk hna le sui tampi le lungvar hna he a ra i Solomon sinah a phak tikah a lung chung i a ummi vialte cu a chimh dih.
3 Solomon nih a biahalnak vialte cu a leh dih; siangpahrang nih a sullam a chimh khawh lomi, a hngalh lomi zeihmanh a um lo.
4 Cun Sheba siangpahrangnu nih Solomon fimnak vialte le inn a sakmi le
5 a cabuai i rawl le a bawi pawl an òhut-umning le a sinum hna nih mi an tuammuai hna ning le, an hnipuan le an hrai putu hna le Bawipa inn i a pekchanhmi a khangh thawinak hna kha a hmuh tikah, a chungah thlarau a taang ti lo.
6 Cun siangpahrang cu a thawh i, “Ka ram chungin, na rian òuan ning le na fimnak kong ka rak theihmi kha biadik a si ko,
7 sihmanhsehlaw an chimmi cu keimah hrim ka rat i keimah mit hrim nih a hmuh hlanah cun ka zum lo; cun zohhmanh, a cheu hmanh an rak ka chimh òung lo; na fimnak le na rumnak nih ka rak theihmi bia cu a lonh diam.
8 Na nupi hna hi an van a va òha dah! Hi na sinum hna nangmah hmaiah a dir zungzal i na fimnak a theimi hna hi an van a va òha dah!
9 Bawipa na Pathian, nangmah chungah lawmhnak a ngei i Israel mi bawi òhutdan cungah an òhuttertu cu thangòhat si ko seh. Bawipa nih Israel cu zungzal in a dawt caah, nangmah nih biading le dinnak cu na tuah nakhnga, siangpahrang ah an ser,” tiah a ti.
10 Cun siangpahrang cu sui talen 120 le zihmui tampi le lungvar mansung hna kha a pek; Sheba siangpahrangnu nih Siangpahrang Solomon a pekmi tluk tam hin zihmui a lut òhan bal ti lo.
11 Cuhleiah Hiram sangphawlawng rual, Ofir in sui a rak phortu nih khan Ofir in almuk thing tampi le lungvar mansung tampi an rak phorh hna.
12 Cun siangpahrang nih almuk thing cun Bawipa inn dohnak tung hna le siangpahrang inn dohnak tung hna le hlasatu hna caah tingtang le ruakhuang hna zong a ser hna; cun nihin tiangin cu bantuk almuk thing cu a ra bal ti lo i hmuh zong a si bal ti lo.
13 Cun Siangpahrang Solomon nih Sheba siangpahrangnu cu a duhmi vialte, Siangpahrang Solomon nih amah siannak in a pekmi hleiah a halmi vialte zong kha a pek dih. Cucaah amah ram ah khan a sinum hna he khan an tlung òhan.
Solomon Rumnak le Minthannak
(2Cha 9.13-24)
14 Solomon sinah kum khat ah a lutmi sui a rih lei cu talen 666, a si;
15 mah hihi chawlet hna le chawdawr hna lam in le Arabia ram siangpahrang vialte hna le, cu ram uk bawi hna sinin a lutmi lengah a si.
16 Solomon nih phaw a nganmi 200, denmi sui in a ser hna, phaw pakhat ah sui shekel 600 cio a lut.
17 Cun denmi sui in phaw 300 a ser hna; phaw khat ah sui minab mina pakhat cu shekel 60 tluk a si. pathum cio a lut; cun siangpahrang nih Lebanon Tupi Inn ah khan a chiah hna.
18 Cun siangpahrang nih cun vui ho bawi òhutdan nganpi zong a ser i a thiang bikmi sui khan a hut.
19 Bawi òhutdan ah cun lamhbak paruk an um i bawi òhutdan a hnulei kap ah cun cawfa lu a um, cu òhutdan kam veve ah cun ban chiahnak an um i ban chiahnak pawng veve ah cun chiandeih pahnih an dir,
20 lamhbak kamkip ah khan a lamhbak paruk in, chiandeih hleihnih an dir. Cu bantuk cu khuazei ram hmanh ah an ser bal lo.
21 Siangpahrang Solomon hrai vialte cu sui an si i Lebanon Tupi Inn umkheng vialte cu sui thiang an si; pakhat hmanh ngun an um lo, Solomon chan ah cun ngun cu zeihmanh ah an rak rel lo.
22 Zeitintiah siangpahrang nih cun rili ah khan, Tarshish sangphawlawng rual khat, Hiram sangphawlawng rual sinah khan a ngei. Kum thum ah voi khat lengmang Tarshish sangphawlawng rual nih cun sui, ngun, vui ho, zawng le awtaw kha an rak phorh tawn hna.
23 Cuticun Siangpahrang Solomon nih vawleicung siangpahrang vialte cu rumnak le fimnak ah a lonh dih hna.
24 Cun Solomon cu a lung chung i fimnak Pathian nih a chiahmi theih awkah khan vawleicung mi dihlak nih khan an fuh.
25 Cun an dihlak khan kum khat ah cu zat cio tiin amah cu laksawng, ngun umkheng hna le sui umkheng hna, hnipuan le zihmui le rangtum hna le laa hna kha an rak phorh lengmang.
Rang le Rangleng In Chaw A Let
(2Cha 1.14-17, 9.25-28)
26 Cun Solomon nih rangleng le rangcitthiam kha a pumh hna; rangleng 1-400 le, rangcitthiam 12-000 a ngeih hna i rangleng chiahnak khua hna le Jerusalem khua i siangpahrang umnak ah khan a chiah hna. Ref 10.26: 1Sia 4.26
27 Cun siangpahrang nih cun Jerusalem ah khan ngun cu lungtekem tlukin a tamter i sidar thing cu Shefelah i saikamor thing zat khan a tamter.
28 Cun Solomon nih a cawkmi rangtum hna cu Izipt le Kue in an si; siangpahrang chawlettu hna nih khan a man aa khat in Kue ah khan an cawk tawn hna. Ref 10.28: Deu 17.16
29 Izipt ram in rangleng pakhat cu shekel 600 in, rangtum pakhat cu 150 in, tlunpi khawh a si; cucaah siangpahrang chawlettu hna sin cun Hit mi siangpahrang vialte hna le Siria mi siangpahrang vialte hna sinah zuarh chin an si.