8
Ai Khua An Tei i An Hrawh
Cun Bawipa nih Joshua cu a chawnh i, “Òih hlah, na lung zong dong hlah; ralkap vialte kha i lak hna law, tho law, Ai ah cun hung kal tuah; zohhmanh, Ai khua siangpahrang cu a mi he a khua he a ram he na kut chungah kan pek cang; cun Ai khua le a siangpahrang cungah Jeriko khua le a siangpahrang cung i na tuah bantuk khan na tuah lai; a hranchaw le a saòil hna cu nanmah ca i hranchaw ah nan i lak hna lai; khua cu a hnulei in lamhruang va at u,” tiah a ti.
Cucaah Ai i hung kal awkah Joshua le ralkap vialte cu an tho; cun Joshua nih ralòhami miòhawng 30-000 a thim hna i zan ah a thlah hna. Cun hitin nawl a pek hna, “Zohhmanh u, khua cu a hnulei in lamhruang nan ah lai; khua cun lamhlat ngaingai ah cun kal hlah u, sihmanhsehlaw ralring cia tein nan um lai; cun keimah le ka sinah a ummi vialte nih khua cu kan hun fuh lai. Cun kannih doh awkah an hung chuah tikah, hmasa bang khan kan zaamtak hna lai; cun khua in lamhlat ah kan hnuh dih hna hlantiang an kan dawi lai, zeicahtiah annih nih, “Hmasa bang khan kannih cu an kan zamtak,’ tiah an ti lai. Cuticun kan zaamtak hna lai; khi tikah nan lamhruang ahnak khan nan tho lai i khua cu nan tlaih lai; zeitintiah Bawipa nan Pathian nih nan kut chungah an pek hna lai. Cun khua kha nan lak tikah Bawipa fialnak bangin nan tuah lai, khua cu mei in nan khangh lai; zohhmanh u, nawl kan pek hna hi,” a ti. Cuticun Joshua nih a thlah hna i lamhruang ahnak hmun ah khan an kal i Ai in nitlaklei Ai le Bethel karlak ah khan an um; sihmanhsehlaw cu zan cu Joshua cu mi zapi sinah khan a um.
10 Cun Joshua cu zingka tein a tho i mizapi kha a pumh hna i mizapi hmaiah Israel mi upa hna he Ai ah cun an hung kal. 11 Cun amah sin i ralkap a ummi vialte cu an hung kal i khua cu a hmailei in an hei naih i Ai in chaklei ah an riak; anmah le Ai karlak ah horkuang pakhat a um. 12 Cun pa 5-000 tluk a lak hna i Bethel le Ai karlak ah, khua in nitlaklei ah cun, lamhruang a ahter hna. 13 Cuticun ralkap cu an chiah hna, riahhmunpi cu khua in chaklei ah, hnulei ralveng cu khua in nitlaklei ah. Sihmanhsehlaw Joshua kha cu zan cu nelrawn ah cun a riak. 14 Cun Ai khua siangpahrang nih mah hihi a hmuh tikah amah le a mi vialte, khua chung i a ummi pa hna cu, khulrang in zingka tein Arabah lei i vung zuanchuknak ah khan Israel mi cu raldohnak hmun i ton awkah an kal; sihmanhsehlaw amah dohtu ah khua hnulei ah lamhruang attu an um ti kha a hngal lo. 15 Cun Joshua le Israel mi vialte nih khan an hmaiah cun a sung bantukin an i umter i ramlak leiah cun an zaam. 16 Cucaah khua chungah a ummi vialte cu anmah dawi awkah hmunkhat ah an kawh hna i Joshua cu an dawi i khua cun a hlatnak ah an lem hna. 17 Ai ah siseh, Bethel ah siseh Israel dawi awkah a kal lomi ahohmanh an um lo; khua cu khar loin an kaltak i Israel mi cu an dawi hna.
18 Khi tikah Bawipa nih Joshua sinah, “Na kut chungah a ummi fei kha Ai leiah sawh tuah; zeitintiah na kut chungah kan pek lai,” tiah a ti. Cun Joshua nih a kut chungah a ummi fei cu khua leiah cun a hei sawh. 19 Lamhruang attu hna nih khan khulrang tein an umnak khan an tho i a kut a samh cangka an tli i khua chungah an lut i an lak; cun khua cu mei in khangh awkah an i hnawhnam. 20 Cucaah Ai khuami hna nih khan hnulei an hei zoh tikah, zohhmanh, khua meikhu cu van a tawng; cun annih cu hi lei khi leiah an zaam kho lo, zeicahtiah ramlak leiah a tlimi hna nih khan a hun dawitu hna cu an rak lehkhuh hna. 21 Cun Joshua le Israel mi vialte nih lamhruang attu hna nih khua an lak cang kha le khua meikhu cu a kai kha an hmuh tikah, khi tikah an i let i Ai khuami kha an thah hna. 22 Cun a dang hna nih khan khua lei khan an hun fuh hna; cucaah annih cu Israel mi nih an karceh hna, hi leiah a cheu, khi leiah a cheu; cun Israel mi nih an thah hna, pakhat hmanh a nungmi siseh, a luatmi siseh an um lo. 23 Sihmanhsehlaw Ai siangpahrang cu a nung in an lak i Joshua sinah an ratpi.
24 Israel mi nih an va dawi hna i pakhat hmanh an taan lo tiangin vainam in an va thahnak hna ramlak hmun ah khan Ai khuami cu an sam dih cikcek hna tikah, Israel mi vialte nih Ai khua ah khan an kir i vainam in an sam dih. 25 Cun cu ni ah, nu he pa he, Ai khuami vialte an dihlak in, a thimi cu 12-000 an si. 26 Zeitintiah Ai khuami vialte a hrawh dih cikcek hna hlantiang Joshua nih fei a sawhnak a kut kha a òhum òhan lo. 27 Joshua kha Bawipa nih nawl a pekmi bia bangin, khi khua saòil hna le hranchaw hna tu cu Israel mi nih an hranchaw ah an i lak. 28 Cucaah Joshua nih Ai cu a khangh i nihin ni tiangah a si bangin, a rawkmi thil pon ah a ser. 29 Cun Ai khua siangpahrang cu thingkung cungah zanlei tiang a thlai; cun ni a tlak zuahmah tikah Joshua nih nawl a pek hna i thingkung cung cun a pum cu an òhumh i khua hauka luhnak ah cun an hlonh i, a cungah lungpon nganpi an pumh; cucu nihin ni tiang hin a um ko.
Ebal Tlang ah Joshua Nih Lung Cungah Phungbia A Òial
30 Khi tikah Joshua nih Ebal Tlang ah Bawipa, Israel Pathian caah biakòheng pakhat a ser, Ref 8.30-32: Deu 27.2-8 31  Bawipa, sal Moses nih Israel mi nawl a pek hna bang khan, Moses phungbia cauk chung i, “remh lomi lung in sermi biakòheng ahohmanh nih thir hreihriam in tawngh lomi,” tiin aa òial bang khan a ser. Cun cu cungah cun Bawipa, sinah khangh thawinak an pek i daihnak thawinak an thawi. Ref 8.31: Exo 20.25 32 Cun khika ah, Israel mi hna hmaika ah cun, Moses nih a òialmi phungbia kha lung hna cungah cun a òial. 33 Cun Israel mi vialte cu, mipem he Israel mi chungchuak taktak he, an upa hna le an bawi hna le an biaceihtu hna he tiah, Bawipa biakamnak kuang a putu Levi mi tlangbawi hna hmai kuang hmailei le hnulei ah cun an dir, hnarcheu cu Gerizim Tlang hmaiah, hnarcheu cu Ebal Tlang hmaiah; Bawipa sal Moses nih a thawkterte ah Israel mi cu thluachuah nan pek hna lai, ti i nawl a rak pek hna bang khan. Ref 8.33-35: Deu 11.29, 27.11-14 34 Cun a hnuah phungbia chung bia vialte cu, thluachuahnak he chiatserhnak he, phungbia cauk chungah aa òialmi vialte ning khan, a rel. 35 Moses nawl pekmi chungin, Israel mi aa pummi vialte le nu le ngakchia le an sin i a ummi mipem hna hmaiah, Joshua nih a rel lomi bia pakhat hmanh a um lo.