18
Israel Miphun Ram An I Cheuhnak
1 Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.
2 Israel mi hna lakah phun sarih, vo cheuh rih lomi an um.
3 Cucaah Joshua nih Israel mi hna sinah cun, “ Bawipa, nan pupa Pathian nih an pekmi hna ram chungah hin luh i va co awkah zei can dah nan i daithlanh lai?
4 Phun khat nih mi pathum cio i thawh u law, ka thlah hna lai; an i thawh lai i ram cu a dihlak in an òol lai i, an covo hnga ding kha ruahchih in ram kong cu an òial lai i keimah sinah an ra lai.
5 Vo pasarih ah an cheu lai, Judah pawl cu an ram chungah thlanglei ah khan an um ko lai i Josef chungle hna cu an ram chungah chaklei ah khan an um ko lai.
6 Hmun sarih in cheumi ram kong cu nan òial lai i nan òialmi cu hika ka sinah nan rak put lai; cun Bawipa kan Pathian hmaiah hika ah nan caah camcawh fung kan khiahpiak hna lai.
7 Levi mi hna cu nannih lakah vo an ngei lo, zeitintiah Bawipa tlangbawi an sinak cu an ro a si; cun Gad le Reuben le Manasseh phun cheu nih khan Bawipa sal Moses nih a pekmi hna an vo cu Jordan nichuahlei ral ah khan an co cang,” tiah a ti.
8 Cucaah mi hna cu an i thawh. Ram kong òial awkah a kalmi hna cu Joshua nih bia a beuh hna i, “Ram cu va òol dih u law, a kong kha va òial u law, ka sinah ra òhan u; cun nannih caah Bawipa hmaiah hika ah hin Shiloh ah camcawh fung kan khiahpiak hna lai,” tiah a ti.
9 Cucaah, mi cu an kal i ram cu an òol dih; hmun sarih ah an cheumi ram kong cu cauk chungah a khua a khua in an òial; cun Joshua sinah Shiloh i an riahhmun ah khan an ra i
10 Shiloh ah cun Bawipa hmaiah Joshua nih camcawh fung a khiahpiak hna. Khika ah Joshua nih Israel mi hna cu ram kha a cheuh hna, an vo cio kha, a pek hna.
Benjamin Comi Ram
11 Benjamin phun innchungkhar ca i camcawh fung cu a hung chuak i an comi ram cu Judah phun le Josef phun karlak ah khan a tla.
12 Chaklei kamah an ramri cu Jordan in aa thawk; cun ramri cu Jeriko chak ah a ummi fing ah a hung kai, cun nitlaklei ah tlangram kha a tan i Beth-aven ramlak ah a dong.
13 Khika in ramri cu Luz leiah thlanglei ah a vung kal i Luz fing (cucu Bethel) kha a phan. Cun ramri cu Thlanglei Beth-horon thlang i a ummi tlang cung i Ataroth-addar khua ah cun a vung phan.
14 Cun ramri cu kaa dang leiah aa mer i nitlaklei ramri ah a cang. Beth-horon thlang i a ummi mual in thlanglei ah a kal i Kiriath-baal ah a dong (cucu Kiriath-jearim a si), cu khua cu Judah phun ta a si. Mah hihi nitlaklei ramri cu a si.
15 Cun thlanglei kam cu Kiriath-jearim donghnak ah a thawk i ramri cu khika in Efron ah a kal, cun Neftoah Ti a putnak tiang,
16 cun ramri cu Refaim nelrawn chaklei donghnak ah a ummi Hinnom fapa nelrawn ralchan i a ummi tlang hram ah a vung kal; cun Hinnom nelrawn cu a vun zul i Jebus mi fing thlang khan a lan i En-rogel a vung phan;
17 cun chaklei hoih in aa kuai i En-shemesh a phan, cun khika in Adummim i hung kainak ralchan i a ummi Geliloth ah a kal; cun Reuben fapa Bohan Lung ah cun a vung kal,
18 cun Beth-arabah fing kha chaklei in a hei tan i Arabah ah a vung kal;
19 cun ramri cu Beth-hoglah fing chaklei ah a va lan i ramri cu Cite Rili chaklei fonghlei ah a dong, Jordan tiva thlanglei donghnak ah khan. Mah hihi thlanglei donghnak ah khan. Mah hihi thlanglei kam ramri cu a si.
20 Nichuahlei kamah Jordan cu a ramri a si. Benjamin phun nih an innchungkhar ning cio in an comi ram cu a velchum in a ramri nih a kulhning in, mah hihi a si.
21 An innchung khar ning cio in Benjamin phun khua hna cu mah hihi an si: Jeriko, Beth-hoglah, Emek-keziz,
22 Beth-arabah, Zemaraim, Bethel,
23 Avvim, Parah, Ofrah,
24 Khefar-ammoni, Ofni, Geba, § khuapi pahleihnih, an khuate hna he;
25 cun Gibeon, Ramah, Beeroth,
26 Mizpah, Khefirah, Mozah,
27 Rekem, Irpeel, Taralah,
28 Zela, Haelef, Jebus (cucu Jerusalem), Gibeah, le Kiriath-jearim § khuapi pahleili, an khuate hna he. Mah hihi Benjamin phun nih an innchungkhar ning cio i an comi cu a si.