14
Kanaan Ram Cu Camcawhfung Zuh In An I Cheu
1 Cun mah hna hi Kanaan ram chungah Israel mi nih an comi ram cu an si, tlangbawi Eleazar le Nun fapa Joshua le Israel tefa hna chung i an phun cio lu hna nih an phawtmi hna cu an si.
2 Bawipa nih Moses nawl a pek bang khan phun kua le a cheu caah cun an co ning cu camcawh fung zuh in a si, Ref 14.2: Nam 26.52-56; 34.13
3 zeitintiah Moses nih Jordan tiva ral ah phun hnih le a cheu cu ro kha a pek cang hna; sihmanhsehlaw annih lakah Levi mi hna cu ro a pe hna lo. Ref 14.3: Nam 32.33; 34.14-15; Deu 3.12-17
4 Josef tefa hna cu phun hnih an si, Manasseh le Efraim; ram chungah Levi mi hna cu vo an pe hna lo, sihmanhsehlaw umnak khua hna le cu pawngkam i caw le saòil dang tlonnak ram lawnglawng cu pek an si.
5 Bawipa nih Moses nawl a pek bang khan Israel mi nih an tuah; ram cu an i òhen.
Kaleb Cu Hebron Kha An Pek
6 Cun Judah phunmi kha Joshua sinah Gilgal ah an ra i Keniz phun Jefunneh fapa Kaleb nih a sinah, “Nangmah le keimah kongah, Bawipa nih Pathian mi Moses sinah Kadesh-barnea ah bia a chimmi kha na hngalh. Ref 14.6: Nam 14.30
7 Bawipa sal Moses nih ram cu hung ngiatthlai awkah Kadesh-barnea in a ka thlah tikah kum 40 ka rak si; cun ka lungchung i a umning bantuk tein bia cu amah cu ka rak phorh òhan. Ref 14.7: Nam 13.1-30
8 Sihmanhsehlaw keimah he a hung kal òimi ka unau hna nih khan mizapi cu an awlok an chonter hna, sihmanhsehlaw kei tu nih cun Bawipa ka Pathian kha fek tein ka zulh.
9 Cun Moses nih khi ni ah chiat a ser i, ‘ Bawipa ka Pathian cu fek tein na zulh caah, na ke nih a lamhmi ram cu nangmah ca le na tefa hna caah zungzal in ro an si hrimhrim lai,’ tiah a ti. Ref 14.9: Nam 14.24
10 Cun atu cu, zohhmanh, Bawipa nih a chim bang khan hi kum 45 chung hi Bawipa nih Moses sinah hi bia a chim ri khan a ka nunter, Israel mi nih ramlak ah an vah lioah khan; cun atu cu zohhmanh, nihin ni ah hin kum 85 ka si.
11 Moses nih a rak ka thlah ni i ka òhawn tluk te khan nihin ni tiang ka òhawng ko rih; raldohnak caah siseh, kalnak caah siseh, ratnak caah siseh, atu i ka thazang cu kha lio i ka thazang bantuk kha a si ko.
12 Cucaah Bawipa nih kha ni ah a rak chimmi tlangram cu atu ah hin ka pe tuah, zeitintiah Anak mi hna nih zeitindah khika ah kulhmi khualipi hna he an um kha, kha ni ah khan na rak theih cang. Bawipa nih a chim bang khan Bawipa nih a hei ka umpi hnga i ka hei òhawl khawh ko hna hnga dah kaw,” tiah a ti.
13 Cun Joshua nih thluachuah a pek i Hebron cu Jefunneh fapa Kaleb sinah khan ro caah a pek.
14 Cucaah Hebron cu Keniz phun Jefunneh fapa Kaleb ro ah, Bawipa, Israel Pathian kha fek tein a rak zulh caah, nihin ni tiang hin a cang.
15 Hebron khua min cu a hlanah cun Kiriath-arba a rak si; hi Arba cu Anak mi hna lakah mingan bik a rak si. Cun ram cu raldohnak in aa din.