12
Moses Nih A Teimi Siangpahrang Hna
1 Mah hna hi Israel mi nih an tei i an ram an chuhmi hna, Jordan tiva ral nichuahlei ram, Arnon nelrawn in Hermon Tlang tiang, Arabah in nichuahlei paohpaoh ram siangpahrang hna cu an si; Ref 12.1-5: Nam 21.21-35; Deu 2.26§3.11
2 Heshbon khua ah a ummi Amor mi siangpahrang Sihon. A uknak cu Arnon tiva nelrawn kam i a ummi Aroer khua in le cu nelrawn laifang in Ammon mi ramri Jabbok tiva tiang a si, cucu Gilead ram hnarcheu a si,
3 cun Arabah zong, Khinneroth Rili tiang nichuahlei kam zuahmah in, cun Beth-jeshimoth leiah Arabah rili tiang, cucu Cite Rili a si, cun thlanglei ah Pisgah tlangpangzau hram tiangin.
4 Cun, Refaim mi lakin a taangmi pakhat Bashan siangpahrang Og zong. Amah cu Ashtaroth le Edrei khua ah a um.
5 Amah nih Hermon Tlang le Salekah le Bashan vialte, Geshur mi hna le Maakath mi hna ramri tiang, cun Gilead ram hnarcheu Heshbon siangpahrang Sihon ramri tiangin a uk.
6 Bawipa sal Moses le Israel mi hna nih an tei hna; Bawipa sal Moses nih cun an ram cu Reuben mi le Gad mi le Manasseh phun cheu hna sinah khan ro caah a pek hna. Ref 12.6: Nam 32.33; Deu 3.12
Joshua Nih A Teimi Siangpahrang Hna
7 Jordan tiva nitlaklei ah, Lebanon nelrawn i a ummi Baal-gad in Seir leiah a hung kaimi Halak Tlang tiang i Joshua le Israel mi nih an teimi, cu ram siangpahrang hna cu mah hna hi an si (cun Joshua nih an ram cu Israel miphun hna sinah khan an i òhenhning in ro caah a pek hna, §
8 tlangram ah siseh, rawnram ah siseh, Arabah ah siseh, tlangpangzau ah siseh, ramlak ah siseh, Negeb ah siseh, cucu Hit mi le Amor mi le Kanaan mi le Periz mi le Hiv mi le Jebus mi hna ram an si):
9 Jeriko siangpahrang, pakhat; Bethel pawngah a ummi Ai siangpahrang, pakhat;
10 Jerusalem siangpahrang, pakhat; Hebron siangpahrang, pakhat;
11 Jarmuth siangpahrang, pakhat; Lakhish siangpahrang, pakhat;
12 Eglon siangpahrang, pakhat; Gezer siangpahrang, pakhat;
13 Debir siangpahrang, pakhat; Geder siangpahrang, pakhat;
14 Hormah siangpahrang, pakhat; Arad siangpahrang, pakhat;
15 Libnah siangpahrang, pakhat; Adullam siangpahrang, pakhat;
16 Makkedah siangpahrang, pakhat; Bethel siangpahrang, pakhat;
17 Tappuah siangpahrang, pakhat; Hefer siangpahrang, pakhat;
18 Afek siangpahrang, pakhat; Lasharon siangpahrang, pakhat;
19 Madon siangpahrang, pakhat; Hazor siangpahrang, pakhat;
20 Shimron-meron siangpahrang, pakhat; Akhshaf siangpahrang, pakhat;
21 Taanak siangpahrang, pakhat; Megiddo siangpahrang, pakhat;
22 Kedesh siangpahrang, pakhat; Karmel ah a ummi Jokneam siangpahrang, pakhat;
23 Nafath-dor ah a ummi Dor siangpahrang, pakhat; Galilee ah a ummi Goiim siangpahrang, pakhat;
24 Tirzah siangpahrang, pakhat; an dihlak in siangpahrang 31 an si.