8
1 “Khi caan ah, Judah siangpahrang hna ruh le a bawi hna ruh le tlangbawi hna ruh le profet hna ruh le Jerusalem khua chung mi hna ruh cu an thlan in chuah an si lai, tiah Bawipa nih a ti.
2 Cun annih nih an rak duh hna i an rian an rak òuan hna i an rak dawi hna i an rak kawl hna i an rak biakmi hna, ni le thlapa le van ralkapbu vialte hna hmaiah khin an pho hna lai. Cu ruh hna cu pumh an si lai lo, vui zong an si lai lo, vawlei ah non ah an cang lai.
3 Hi miphun òhalo chungin a nungmi paohpaoh nih hin, ka òhawl hnanak hmun kip ah, nun nakin thih an duh deuh lai,” tiah Ralkapbu Bawipa nih a ti.
Sualnak le Biaceihnak
4 Annih cu, Bawipa nih
hi bangin a ti,
tiah na chimh hna lai:
Mi nih an tluk tikah an tho òhan kho
ti lo maw?
Pakhat khat cu lam an tlau tikah,
an kir òhan kho ti lo maw?
5 A si kun ahcun,
ziahdah ka mi hna hi
anmah duh bantuk lawngin
an um ko kun hnga?
Ziahdah hlennak kha
fek òhup in an i tlaih peng ko i
Ka nawlngaihnak lei ah khan
kir an duh hnga lo?
6 An bia kha ka ngaih hna i biatak
ka theihmi pakhat hmanh
a um lo,
‘Aa, zei hen ka tuah,’ tiah
ngaihchia in a òapmi misual
pakhat hmanh ka hmu hna lo.
Raltuknak hmun chungah rangtum
a lut cutmatmi bantukin
Anmahle an kalnak lam cio ah khan
lu hlinh in an lut cio ko.
7 Van i a zuangmi vaca nih khin
amah a kai caan te kha
a hngalh i
Òhuro le laiphudit le siangbuto hna nih
anmahle an kir caan te kha
an hngalh cio,
Sihmanhsehlaw ka mi hna nih cun
ka phunglam kha an hngal lo.
8 Zeitindah, ‘Kannih cu kan fim i
Bawipa phungbia kha
kan ngei,’ nan ti khawh?
Cazi hna nih pei an hlennak
cafung in lih ah an ser cang hi.
9 Nan mifim hna cu ningzahnak
an phan,
An lung aa tuai i chikkhatte ah
khulrang tein thil hngalh
khawhnak fimnak an ngeihmi kha
an thlau cang.
Bawipa bia cu zei ah an rel ti lo,
An fimnak cu zei bantuk
fimnak dah a si?
10 Cucaah an nupile cu
midang sinah ka pek hna lai i
An lo cu mi thar kha ka pek hna lai,
Zeicahtiah a hme bik in
a ngan bik tiang,
a dinglo miaknak ah khan
an hak a kau cio;
Tlangbawi in profet tiang,
an dihlak in
hlennak lawngte an tuah. Ref 8.10-12: Jer 6.12-15
11 Ka mi hna cu an hma kha
an menpiak ko hna,
sihmanhsehlaw a parpavuan
lawng a si,
‘A òha dih ko lai,’ an ti,
A òha dih ko lai? Zei cu dah
a òha dih ko hnga? Ref 8.11: Eze 13.10
12 Annih nih fihnung kha
an tuah tikah an ning a zak maw?
Zak hlah e, an ning a zak
hrimhrim lo;
Hmaisen zong kha an hngal lo.
Cucaah a tlumi hna sinah
an tlu ve lai;
Annih cu dan ka tat hna tikah
an ril lai,” tiah Bawipa nih a ti.
13 An rawl òuanpiak kha ka duh ko hna,
Sihmanhsehlaw mitsur ruang ah
mitsur tlai a um lo i
Theipi kung ah thei zong a um lo;
An hnah hmanh kha an car dih,
14 Zeicahdah nan òhut sawhsawh ko?
Hmunkhatte ah nan dihlak in
tho tuah u,
Kulhnak hau a ngeimi kan khua
hna ah khan va kal u si law
Khika ah khin va thi dih hna u sih;
Zeicahtiah Bawipa cungah
kan sual caah,
Bawipa kan Pathian nih hrawh awkah
a kan ruah cang i
Sivai paihmi ti kha din awkah
a kan pek cang.
15 Zeihmanh a òhami a um lo tikah hin
khuaawng pemh kan i ruahchan
kho hnga maw?
Òihnung a tlak cutmat tikah hin
dinhnak kan i
ruahchan kho hnga maw?
16 An rangtum hna hnarphit thawng cu
Dan in theih a si,
An rangtum tildit lo hna awnh
thawng ah vawlei cu
a ning piin aa hnin.
Ral cu an ra i ram cu a chung i
a ummi thil vialte he khan
an ei dih,
Khuapi le a chung i
a ummi hna zong,
17 Zohhmanh u, nan lakah rul
kan thlahhnawh hna lai,
Ahohmanh nih
an camh khawh lomi
ping-er hna cu,
kan thlahhnawh hna lai.
Annih nih cun an in cuk hna lai,
tiah Bawipa nih a ti.
Jerusalem le Judah A Òah Hnanak Hla
18 Zeitindah ka ngaihchiatnak hi
ka in khawh lai?
Ka lung si a vang.
19 Ram hlapi ah a ummi ka mi hna
au thawng cu ngai hmanh:
‘ Bawipa cu Zion ah a um lo maw?
A Siangpahrang cu a chungah cun
a um ti lo maw?’ tiah an au.
Zeicahdah an siasal hna le
ramdang pathian hna in
ka thin an ka phawh? a ti.
20 Rawl òuan caan aa lim cang,
òhal caan a dih cang,
Kannih cu khamh kan si hlei lo,
tiah an ti.
21 Ka mi hna cu hma an in kha
ka hmuh tikah ka lungre a thei;
Ngaihchiat in ka òap i ka lung
a dong cikcek.
22 Gilead ah damnak si-ai
a um ti lo maw?
Khika ah sibawi pakhat tal
an um lo maw?
Zeicahdah ka mi hna hi
an dam lo?