7
Pathian Biaceihnak Jeremiah Nih A Chim
1 Hi bia hi Bawipa sinin Jeremiah sinah a rami bia a si.
2 Bawipa inn kutka ah khan va dir law khika ah khan va thanh tuah: Bawipa biak awkah hi kutka hna chungah a lutmi Judah mi vialte hna, Bawipa bia hi thei tuah u, va ti.
3 Hi bia hi Ralkapbu Bawipa, Israel mi Pathian bia cu a si: Nan umtuning le nan thil tuahmi kha i remh u law hi hmun ah hin kan umter hna lai.
4 Nannih nih nan i thawh i, ‘Hi hmun hi Bawipa biakinn a si,’ Bawipa biakinn a si, Bawipa biakinn a si,’ tiah nan ti lengmang,’ hi bia lih a simi hi i bochan hlah u.
5 Nan umtuning le nan thil tuahmi kha i remh u law, pakhat le pakhat òhalo piin i ti hlah u law,
6 ramdangmi le ngakòah le nuhmei kha dekhleng hna hlah u law hi hmun ah hin a sual lomi thisen kha chuah hlah u law nanmah lila fahnak ding caah pathian dang kha zul hna hlah u.
7 Khi tikah hlanlio piin nan pupa hna sinah zungzal in co awkah ka pekmi hna ram ah hin nannih cu kan umter ko hna lai.
8 Hi hlennak bia kha nan i bochannak thawngin zeihmanh òhathnemnak nan hmu lo.
9 Nannih nih nan fir, lai nan nawng, va cung in pa nan i duh i lih in tehte nan cang, Baal sinah raithawinak nan khangh, nan hngalh lomi pathian kha nan dawi hna.
10 Cun ka sinah nan ra i ka min in kawhmi hi inn chungah hin keimah hmaiah nan dir i, ‘Kan him ko,’ nan ti, hi thil fihnung vialte hna tuah awkah hin kan him ko, tiah nan ruah.
11 Hi inn keimah min in kawhmi inn hi, mifir hna kua ah maw nan ruah? Hi thil vialte hi, keimah hrimhrim nih ka hmuh, tiah Bawipa nih a ti. Ref 7.11: Mat 21.13; Mar 11.17; Luk 19.46
12 Ka min ka rak umternak hmasa, Shiloh khua i ka hmun thiang ah khan va kal u law, ka mi Israel mi hna òhat lo ruangah khakha zeitindah ka tuah ti kha va zoh tuah u. Ref 7.12-14: Jos 18.1; Slm 78.60; Jer 26.6
13 Cun atu cu hi thil vialte hi nannih nih nan tuah ve, tiah Bawipa nih a ti; nannih sinah ngol lo tein bia ka chim, sihmanhsehlaw nan ngai duh lo, kan auh hna zongah nan ka let duh lo.
14 Cucaah Shiloh cung i ka tuahmi kha hi inn ka min umnak inn nan pupa hna sinah ka pek i nannih nih nan i bochanmi inn cungah hin ka tuah lai;
15 cun nan rualchan Efraim tefa vialte hna kha ka hlonh hna bangin, nannih zong ka mit hmuh lonak ah kan hlonh hna lai.
Pathian Nih Siasal Biaknak A Huat
16 Jeremiah, hi mi hna caah hin thlacam hlah, an caah nawlnak le thlacamnak tuah hlah, keimah zong kha ka nawl len hlah; zeicahtiah na bia cu ka ngai lai lo.
17 Judah ram chung khua hna le Jerusalem khua chung lam hna ah khan zeidah an tuah kha na hmu lo maw?
18 Ngakchia nih thing kha an khawmh, an pale nih mei an kau i nu nih changvut cet an nen i vancung bawinu caah changreu thlum an ser, cun thlet thawinak kha pathian dang hna sinah an pekchanh § hi vialte hi keimah thin hunter awk caah an tuahmi a si. Ref 7.18: Jer 44.7-19
19 Sihmanhsehlaw a thin an huntermi cu keimah ka si maw, tiah Bawipa nih a ti. Si hlah, anmah tu kha an si deuh, ningzahnak in anmah le anmah aa khuhmi hna kha an si.
20 Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saòil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.
Judah Mi Dantatnak
21 Hitihin Ralkapbu Bawipa, Israel Pathian nih a ti: “Nan raithawinak ah nan khangh thawinak cu chap chin luaimai hna u law khangh awk a simi thawinak sa kha ei lawlaw ko hna u.
22 Nan pupa hna cu Izipt ram in ka chuahpi hna tikah khan, khangh thawinak kong le raithawinak kong ah zeihmanh nawlbia ka pek òung hna lo, cu kong ah zeihmanh ka chim òung lo.
23 Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.
24 Sihmanhsehlaw ngaih an duh lo i zeizong ah an rel duh lo, anmah ruahnak le anmah lungkhonnak tu kha an zul deuh i hmailei ah kal loin hnulei tu ah an kir.
25 Nan pupa hna nih Izipt ram in an chuah ni in nihin ni tiang, ka sal profet vialte hna kha ngol lo tein ni khat hnu ni khat an sinah ka thlah hna;
26 asinain ka bia cu an ngai hlei lo i an hna zong an chi hlei lo, an hngawng tu kha an òhawnter. An pupa hna nakin an òha lo deuh.
27 Hi bia hi na chimh hna tikah an in ngai lai lo. Na auh hna zongah an in let lai lo.
28 Khi tikah annih cu na thawh hna lai i, ‘Hi miphun hi Bawipa an Pathian aw a ngai lo miphun an si i chimhhrinnak zong a cohlang duh lomi an si; biatak cu a thi cang, an hmur ah a cuang ti lo.
29 Maw Jerusalem, Pathian sin i
naa peknak hmelchunhnak
na sam kha i met law hlonh tuah;
Tlang par kolh ah khin va òap tuah,
Zeicahtiah a thin a huntertu chan kha
Bawipa nih a hlawt cang i
a kaltak cang hna,’ na ti lai.
30 Zeicahtiah Judah mi nih ka mit hmuh ah òhat lonak an tuah, tiah Bawipa nih a ti. Ka min in kawhmi inn kha fih a nungmi an siasal in an thurhhnawmh cang,
31 Ben-hinnom nelrawn ah Tofeth biaknak hmunthiang kha an ser i khika ah an fapa hna le an fanu hna kha an khangh hna; mah cucu keimah pekmi nawlbia a si lo, ka lunglai chuak balmi zong a si lo. Ref 7.31: Lev 18.21; 2Sia 23.10; Jer 32.35
32 Cucaah cun zohhmanh cuka hmun cu Tofeth ti maw, asiloah Hinnom fapa nelrawn ti maw si ti loin, Thahnak Nelrawn ti a si cang lai nakding caan a ra lio, tiah Bawipa nih a ti; zeicahtiah mithi mi hna cu hmun dang ah vuinak hmun a um ti lo caah Tofeth ah cun an vui hna lai.
33 Cun hi mi hna ruak cu van i a zuangmi va hna caah le lei i a tlongmi saram hna caah rawl an si lai i annih òhawltu ah ahohmanh an um ti lai lo.
34 Cun Judah ram chung khua hna chungin le Jerusalem khua chung lam hna in lawmhnak aw le thanuamnak aw, nupi òhi tlangval aw le òhitmi ngaknu aw cu ka daihter lai; zeicahtiah ram cu a òiao dih cang lai. Ref 7.34: Jer 16.9; 25.10; Biat 18.23