6
Jerusalem le Judah Rawhnak A Nai
Maw Benjamin mi hna, Jerusalem in
chuak u law himnak hmun ah
zam tuah u,
Tekoa ah muko tum u law
Beth-hakkerem ah alan
thlai tuah u;
Zeicahtiah chaklei in
òhat lonak kha
a hung lang cuahmah,
rawhralnak nganpi cu.
Zion fanu, a mui a òha i
no cipcep tein a ummi cu
a donghnak a nai ai.
Amah sinah cun tuukhal hna kha
an tuurun cio he
an rak chuak tawn i
A velchum ah cun an thlam kha
an bunh hna,
An hmun cio ah khan
an saòil run kha an tlong tawn.
Amah doh awkah khan i tim u,
Tho u law, chun ah tu u sih.
A tlai tuk cang, ni aa mer cang i
zanlei thladem hna cu
an sau cang.
Cucaah i tim u law zan ah
tu u sih,
A inn òhaòha hna cu
hrawk dih hna u sih.
Mahtihin Ralkapbu Bawipa nih a ti,
“Jerusalem khua thingkung kha
hau hna u law
Ral tuknak chuntlung kha
a pawngah serhnawh u.
A chungah hin zeidang um loin
hremnak lawnglawng a um caah
Hi khua hi dan ka tat lai.”
Tikhor nih ti thar a chuah
lengmang bangin
Hi khua nih hin a òhat lonak kha
a tharter lengmang ve;
A chungah hin zaang-ennak le
i velhnak thawng kha
a leng zungzal i
Ka hmuhmi cu zawtnak le
hma lawng kha an si ko.
Maw Jerusalem, i ralring tuah,
Cu ti a si lo ahcun
kan chuahtak lai i
Ahohmanh um lonak ram,
òiaotakmi ah kan ser sual lai.”
 
Hi bangin Ralkapbu Bawipa nih a ti,
“Mitsur ruang bantukin Israel mi
a tangmi hna cu an mua sua
cikcek hna,
Mitsur thei a lotu bantukin
a nge hna kha na kut in
vun pur rih tuah hna.”
10 Cun kei nih ka leh i,
“Aho nih dah ka chawnh hna le
ralrinnak ka pek hna tikah
ka bia an ngaih duh lai?
Annih nih an hna an i phih cang i
an ngai bal lai lo.
Na bia cu ngaih an duh lo i
na chimmi cu nihchuak ah
an rel.
11  Bawipa, na thinhunnak cu
ka chungah a khat,
A in in ka ing kho ti lo,” ka ti.
Cu tikah Bawipa nih a ka thawh i,
“Ka thinhunnak cu khua lak i
aa chawkmi ngakchia hna
cungah le
Aa pummi tlangval hna
cungah khan bung ko kun.
Pasal si hna seh, nupi si hna seh,
cu chungah cun an i tel ve lai i
A tar ngaingaimi
òuakparmi hna zong kha
an i tel ve ko lai.
12 An inn hna cu midang pek an si lai,
An lo hna le an nupile hna zong;
Zeicahtiah hi ram chung i a ummi hna
hi dan ka tat hna lai,” tiah a ti. Ref 6.12-15: Jer 8.10-12
13 Annih cu a hme bik in a ngan
bik tiang, hrokhrawl in hmuhmi
miaknak kha a duhmi an si;
Profet le tlangbawi hna hmanh kha
lih in rian a òuanmi an si.
14 Ka mi hna cu, an hma kha
an menpiak ko hna,
Sihmanhsehlaw a leng parpavuan
lawng in a si;
‘A dam ko lai,’ an ti,
zeidah a dam ko lai?
Zeihmanh a dam lai lo! Ref 6.14: Eze 13.10
15 Annih nih hi fihnung a simi
thil hna kha an tuah tikah
an ning a zak maw?
Zak hlah ee, an ning a zak
hrimhrim lo;
hmaisen zong kha an hngal lo.
Cucaah a tlumi hna sinah
an tlu ve lai;
dan ka tat hna tikah an dih lai,
tiah Bawipa nih a ti.
Israel Nih Pathian Lam A Pialtak
16 Hi bangin Bawipa nih a ti,
“Lam tonnak ah khan
dir tuah u law
hlanlio lam kha kawl hna u,
‘Òhatnak ah a phanmi lam cu
khuazei ah dah a si?
tiah hal hna u.
Cu lam cu zul u law nan caah
dinhnak nan hmuh lai,’ ti hna u.
Sihmanhsehlaw annih nih
an i thawh i,
‘Cu lam cu kan zul lai lo,’ an ti. Ref 6.16: Mat 11.29
17 Cun ka thawh hna i, ‘Nan caah
ralvengtu ka chiah hna lai,
Muko aw thawng kha ngai u,’
ka ti hna.
Sihmanhsehlaw annih nih
an i thawh i,
‘Zei ah kan rel lai lo,’ an ti.
18 Cucaah cun, maw miphun hna,
ngai u law,
Nannih a hmutu vialte hna,
an cung i a tlung laimi thil hi
hngal tuah u.
19 Maw vawlei, ngai tuah,
Hi mi hna cungah hin, anmah
khuakhanmi theitlai,
rawhralnak cu ka tlunter lai;
Zeicahtiah ka bia kha zei ah
an rel lo i
ka cawnpiaknak kha an hlawt.
20 Sheba in a rami
frankinsen zihmui le
ram hla piin a rami
fu thlum hna cu
ka caah zeidah an òhathnem?
Nan khangh thawinak cu
ka cohlang hna lai lo,
nan raithawinak zong
ka lawmhmi an si lo.
21 Cucaah hi mi hna hi
an hmaiah i chuih awk
lungtum ka chiahpiak hna lai i
an i chuih lai i an tlu lai;
Pale hna le fale hna le innpa le
hawikom hna kha
hmun khat ah an thi lai,” tiah
Bawipa nih a ti.
 
22 Hitihin Bawipa nih a ti,
“Zohhmanh, chaklei ram in miphun
pakhat a ra lio,
Van hramdeng in miphun ngan
pakhat a cawlcang lio;
23 Li le fei kha an i put,
Mipuar an si i zaangfahnak
an ngei lo.
An rang kha an i cit hna i
an thawng cu
rili thawng bantuk a si;
Raltuknak caah pa nih
aa thuamh bangin an i thuam,
Nangmah he doh awkah,
Maw Zion fanu!”
24 Cu thawng an chimmi cu
kan theih i
kan kut hna cu thazang
ngei loin an uai dih;
Nu nih nau nganfah an inmi bantuk
nganfahnak nih a kan tlaih.
25 Lo ah kal hlah u, lam zongah
i chawk hlah u,
Zeicahtiah ral cu vainam i put in
a kenkip ah aa chawk ko.
26 Maw ka mi hna fanu,
buri i aih law vutcam i phulh tuah;
Fapa ngeih chunte a thih i an òah
bantukin fak piin òap tuah,
Zeicahtiah a kan hrawktu ding nih
a kan tuk dengmang cang.
 
27 Jeremiah, nangmah cu
ka mi hna fiantertu le
hneksaktu ah kan ser,
Va hneksak hna law
an umtuning kha va hliah tuah.
28 An dihlak in midohhmang,
milungkhong, mi congoih i
a vak lengmangmi an si.
29 Sohor nih a chem i
somei cu a vaam,
Thiantertu nih khan thir dar cu
a titter hna,
Sihmanhsehlaw zeihmanh
a òhahnem lo, zeicahtiah suan le
dar le thir kha an i òhen hlei lo.
30 Annih cu ngun ek tiah ti an si,
Zeicahtiah Bawipa nih a hlawt hna.