52
Zedekiah Pennak
(2Sia 24.18-20; 2Cha 36.11-16)
Zedekiah cu siangpahrang a si tikah kum kul le kum khat a si i Jerusalem ah kum hleikhat a bawi. A nu min cu Hamutal a si i amah cu Libnah khuami Jeremiah fanu a si. Cun Jehoiakim nih a rak tuah ve bang khan Bawipa hmaiah thil òhalo kha a tuah. Jerusalem le Judah nih Bawipa thin cu an phawh tuk caah a donghnak ah cun a hmuh lonak hmun ah a dawi hna. Cun Zedekiah nih Babilon siangpahrang kha a doh.
 
Jerusalem Rawknak
(2Sia 24.20§25.7; Jer 39.1-7)
A bawi kum kuanak, thla hra thla, cu thla ni hra ni ah cun Babilon siangpahrang Nebukhadnezzar cu Jerusalem tuk awkah, a ralkapbu pi he an ra i an kulh i a velchum in ralvennak innsang kha an sakhnawh. Ref 52.4: Eze 24.2 Cuticun Zedekiah siangpahrang a bawi kum hleikhatnak kum tiang khuapi cu an kulh. Cun khuapi chungah cun mangòam cu a fak tuk hringhran cang i mi caah rawl a um ti lo caah cu kum thla linak thla a ni kua ni ah khuapi cu an bauh khawh. Cun mah cucu Judah siangpahrang Zedekiah nih khan a hmuh tikah, hriamnam he amah a cawngtu vialte hna he khan khuachung cun zan ah an zam i siangpahrang dum pawng i a ummi kutka Vampang Pahnih Hna Karlak timi khan an chuak. Khaldi mi nih khuapi cu an kulh nain Arabah leiah khan an zam. Ref 52.7: Eze 33.21 Sihmanhsehlaw Khaldi mi ralkap hna nih cun siangpahrang cu an dawi i Jeriko nelrawn ah an phak; cun a ralkap vialte hna cu an i òhek dih i an zamtak. Cun siangpahrang cu an tlaih i Hamath ram Riblah khua ah Babilon siangpahrang sinah cun an hunpi i a bia kha a ceih. 10 Babilon siangpahrang nih cun Zedekiah fapa hna cu a hmuhhngan te ah cun a thah hna i Judah bawi vialte hna zong Riblah ah cun a thah hna. 11 Cun Babilon siangpahrang nih Zedekiah cu a mit a khoih i dar hreng a khenh i Babilon ah a kalpi i a thih tiang thong ah a thlak. Ref 52.11: Eze 12.13
Judah Sal Cannak
(2Sia 25.8-21; 2Cha 26.17-21; Jer 39.8-10)
12 Babilon siangpahrang a bawi kum hleikuanak, thla nganak thla, cu thla ni hra ni ah khan, Babilon siangpahrang pum ralvengtu ralkap hna haotu Nebuzaradan cu Jerusalem ah a lut. 13  Bawipa inn le siangpahrang inn le Jerusalem i inn ngan vialte kha a khangh dih hna, Gedaliah inn zong kha a khangh fawn. Ref 52.13: 1Sia 9.8 14 Ralvengtu ralkap hna haotu le Khaldi mi ralkap hna nih cun Jerusalem velchum i kulhnak vampang cu an chimh dih. 15 Cun ralvengtu ralkap hna haotu Nebuzaradan nih cun khua chung i nganhtami hna le Babilon siangpahrang sin i a zammi hna le zungthiam pawl a tangmi hna kha sal ah a kalpi hna. 16 Ralvengtu ralkap hna haotu Nebuzaradan nih cun ram chung misifak bikbik hna kha mitsur dum zohkhenhtu le rianòuantu ah a chiah ta hna.
17 Cun tawngca tung Bawipa inn chung i a ummi hna kha le dar hmaihum nganpi le a dohnak hna Bawipa inn chung i a ummi hna cu Khaldi mi hna nih cun an den cikcek hna i a dar vialte cu Babilon ah an kalpi. Ref 52.17-23: 1Sia 7.15-47 18 Cun biaknak inn chung i biaknak ca i hmanmi thil vialte, um tehna, cawhlek tehna, mei hmihnak tehna, hmaihum tehna, zihmui khanghnak kheng tete hna, dar-um vialte hna kha an kalpi dih. 19 Cun sui le ngun in sermi thil paohpaoh kha cu an lak dih hna: khengkuar tehna, mei luahnak tehna, hmaihum tehna, um tehna, meiinn tung tehna, zihmui khanghnak kheng tehna, thlet thawinak ca i khengkuar tehna kha an si. 20 Cun Siangpahrang Solomon nih Bawipa inn ca i a sermi tung pahnih, hmaihum nganpi, hmaihum nganpi tang i a ummi cawtum dar in sermi hleihnih hna le hmaihum dohtu hna cu a thlai in thlai cawk an si lo. 21 Tungpi pakhat cu dong hleiriat a sang i a sum cu dong hleihnih a si; a chung cu a kua i a thir cu zung li a chah. 22 A par ah cun dar in sermi chin a um; cu luchin cu dong nga a sang; cun luchin ah cun a velchum in dar in sermi sur le taleti an um. Cun tungpi pahnihnak cu a taleti hna he cun cu bantuk òhiamòhiam cu a si. 23 Taleti a langmi cu 96 an si, a velchum i sur cung i a ummi taleti cu 100 an si. 24 Cun ralvengtu ralkap haotu nih cun tlangbawi bik Seraiah le tlangbawi pahnihnak Zefaniah le biakinn cawngtu bawi pathum hna kha a kalpi hna. 25 Cun khuapi chung cun raldomi ralkap a uktu hna tilditmi pakhat le siangpahrang sinah a va lut kho tawnmi mi pasarih khuachung i a um rihmi hna le, mi kha raldoh awk a herh tikah pumhter awk a rian a simi ralbawi ngan bik bawmtu le a dang mipipa 60 zong kha a kalpi hna. 26 Annih cu ralvengtu ralkap hna haotu Nebuzaradan nih cun a lak hna i Riblah khua ah Babilon siangpahrang sinah khan a kalpi hna. 27 Babilon siangpahrang nih cun Hamath ram Riblah khua ah cun a tuk hna i a thah hna. Cuticun Judah cu a ram chungin sal ah kalpi a si.
28 Mah hna hi Nebukhadnezzar nih a bawi kum sarih kum ah sal ah a kalpimi hna cu an si: Judah mi 3-023; 29 Nebukhadnezzar a bawi kum 18 kum ah Jerusalem in 832; 30 Nebukhadnezzar a bawi kum 23 kum ah ralvengtu ralkap hna haotu Nebuzaradan nih Judah mi 745 ah a kalpi hna; an dihlak ah 4-600 an si.
 
Jehoiachin An Chuah I An Hmaizah Òhan
(2Sia 25.27-30)
31 Cun Judah siangpahrang Jehoiakim sal i a taan kum 37 kum, a thla hleihnih thla, cu thla ni 25 ni ah, Babilon siangpahrang Evil-merodak cu siangpahrang a can kum a si i Judah siangpahrang Jehoiachin cu a zaangfah i thong chungin a chuah; 32 amah cu òha tein a zohkhenh i Babilon khua ah cun amah sinah a ummi siangpahrang hna òhutnak cungchin cabuai ah khan òhutnak a pek. 33 Cucaah Jehoiachin nih a thongtla puan kha aa phoih i a chan chung vialte siangpahrang cabuai ah cun ni fate rawl a ei lengmang. 34 Cun amah aa cawmnak i hman awkah siangpahrang nih a herhning paoh in a nun chung a thih ni tiangin thil a pek lengmang.