5
Jerusalem le Judah Sualnak
Jerusalem khua chung lam
a kenkip ah khan
vaa chawk u law va zoh u law
vaa chingchiah tuah u,
Khi khua cu ka ngaihthiam
khawh nakhnga
Biading a kawl i biatak
a tuahmi mi pakhat tal,
a khua chung i hmun kau
pipi ah khan
va kawl tuah hna u law
nan hmu kho hna hnga maw?
Annih nih, “ Bawipa a nun bangin,”
an ti ko nain,
lih in chiat an ser.
Maw Bawipa, na mit nih biatak kha
a kawl a si lo maw?
Nangmah nih annih kha na tuk hna,
sihmanhsehlaw an zei a poi lo,
An lung kha na chunh hna,
sihmanhsehlaw an i remh hlei lo.
Annih nih an hmai cu òeklung nak
hak deuh ah an ser i
Ngaihchih kha an duh lo.
Khi tikah kei nih kaa thawh i,
“Mah hna hi cu misifak mi hrut
men an si,
Bawipa lam kha a hngal lo i
An Pathian phungbia kha
a hngal lomi an si;
Cucaah mingan hna sinah ka kal
lai i annih kha ka va chimh hna lai.
Annih nih cun Bawipa lam kha
an hngalh lai i
An Pathian phungbia kha
an hngalh lai,” ka ti.
Sihmanhsehlaw annih zong nih Bawipa
nawlbia kha an al i a bia kha
ngaih duh loin an um ve.
Cucaah tu chung chiandeih nih
a thah hna lai i
Thetse ram chung cenghngia nih
a hrawh hna lai.
Pawlai nih an khua ah
a chawhhnawh hna lai i
A chuak ngammi paoh kha
a thleh a bauh dih hna lai;
Zeicahtiah an phungbuarnak kha
a tam i
an tlaunak kha rel cawk lo a si.
Zeitindah kan ngaihthiam khawh
hna lai?
Nan fale nih an ka hlawt i
pathian a si lomi pathian kha
chiatsernak ah an hman hna.
Khim tein ka cawm hna,
sihmanhsehlaw va cung pa duh kha
an i thim deuh i
Hlawhhlangnu inn ah khan
an va kal lengmang.
Annih cu thau tein cenhmi
rangtum hor an si,
An innpa le nupi lawng kha
an awnhhnawh cio ko hna.
Hi thil hna ruangah hin, dantat loin
maw ka um hna hnga? tiah
Bawipa nih a ti;
Cun hi bantuk miphun cungah hin
phuhlam loin maw ka um hnga?
10 A mitsur ruang tlar hna lakah cun
hung kal law hung hrawk hna,
Sihmanhsehlaw donghnak taktak cu
hung tuah hlah;
An nge cu hung sam dih hna,
Bawipa ta an si lo caah.
11 Israel innchungkhar le Judah
innchungkhar cu,
An pahnih in ka cungah
zumh awktlak lo hrimhrim in
an um, tiah Bawipa nih a ti.
Bawipa Nih Israel A Hlawt
12  Bawipa a um kha an zum lo i,
‘Amah cu a um lo,
Kan cungah òhat lonak
zeihmanh a tlung lai lo;
Vainam siseh, mangòam siseh,
kan tong lai lo.
13 Profet hna chimmi cu thlitu men
an si lai, an chungah bia
a um lo,’ an ti.
14 Cucaah Bawipa Ralkapbu
Pathian nih a ka chimhmi bia cu
hihi a si:
“Hi bia hi an chim caah,
ka bia cu na kaa chungah
mei ah ka canter lai i
hi mi hna hi thing ah
ka canter hna lai i,
mei nih cun a kangh dih hna lai.”
15 Maw Israel innchungkhar,
zohhmanh,
na cungah lamhlatpi in
miphun phun khat ka ratpi lio,
tiah Bawipa nih a ti.
Cu miphun cu miphun òhawng ngai,
hlan piin a rak ummi,
An holh nan theih lomi miphun,
an chimmi zong nan hngalh khawh
lomi miphun a si.
16 An thalbawm cu a chin chinh lomi
thlan bantuk a si,
An dihlak in miòhawng an si.
17 Nan kumvuimi le nan rawl kha
an ei dih lai,
Nan fanu le nan fapa hna kha
an ei dih hna lai,
Nan tuurun le nan cawrun kha
an ei dih hna lai,
Nan mitsur hang hna le nan theipi
kung hna kha an hrawh dih hna lai,
Nannih nih nan i bochanmi
nan khua hna cu, kulhnak vampang
ngei hmanh hna seh law,
Vainam in an chimh dih hna lai.
18 Sihmanhsehlaw khi caan zong hmanh ah cun, nan donghnak ngaingai cu ka tuah lai lo, tiah Bawipa nih a ti. 19 Cun nannih nih, “Zeicahdah Bawipa kan Pathian nih hi thil vialte hna hi kan cungah a tuah?” tiah nan ti tikah, “Nannih nih nan ka hlawt i ramdang pathian kha nan ram chungah nan biak hna bang hin, nanmah ram a si lomi ram ah phun dangmi kha nan rianh hna lai,” tiah kan leh hna lai.
Pathian Nih A Mi Kha Ralrin A Pek Hna
20 Mah hihi Jakob innchungkhar kha
va chim hna u,
Judah ram chungah aupi tuah u:
21 Maw mihrut le ruahnak a ngei
lomi hna, mah hihi thei tuah u,
mit a ngei nain khua a hmu lomi hna,
hna a ngei nain khua a thei lomi hna. Ref 5.21: Isa 6.9-10; Eze 12.2; Mar 8.18
22 Nan ka òih lo maw? tiah
Bawipa nih a ti;
Ka hmaiah nan tha a ther lai lo maw?
Rili caah thetse kha ramri ah a chia i
A lonh khawh lo zungzalmi dawntu
a caah a chiatu keimah hmaiah hin
nan tha ther loin maw
nan um ko lai?
Rili tilet cu an tho ko lai,
sihmanhsehlaw an lonh kho lo;
Tilet cu an awn ko lai,
sihmanhsehlaw an pah kho lo. Ref 5.22: Job 38.8-11
23 Sihmanhsehlaw hi mi hna hi cu
an lung a khong i doh duhnak
lungthin an ngei,
Ral thawh hmangmi an si i atu cu
an luan diam cang.
24 Annih nih an lungchung in,
“Anmah caan te cio ah fur ruah le
òhal ruah kha a kan pe i
Rawl òuannak caan pelh lo tein
khuacaan a kan chiahpiaktu
Bawipa kan Pathian kha
òih u sih,” an ti lo.
25 Sihmanhsehlaw nan òhat lonak nih
thil umtuning cu a lettalam in
a umter dih hna i
Nan sualnak nih nan cung i
tlunter a duhmi a zaangfahnak cu
a donh hna.
26 Zeicahtiah ka mi hna lakah
miòhalo kha an um i
Va rap chiahtu nih rap a chiah
bantukin rap kha an chiah,
Sihmanhsehlaw an rap cu
minung foihnak caah a si.
27 Va in a khatmi bawm bantukin
an inn cu hlennak in a khat.
Cucaah annih cu an ngan i an rum,
28 An thau i an tlornal.
Òhat lonak tuahnak ah khan,
a za cang ti an hngal lo,
Ngakòah nih khuaawng an ton
khawh nakhnga dingah
biading in bia an ceih lo i
sifak rethei kha an òanpi hna lo.
29 Hi thil hna ruangah hin
dantat loin maw ka um hna hnga?
Miphun hi bantuk cungah hin
phuhlam loin maw ka um hnga?
tiah Bawipa nih a ti.
30 Hi ram chungah hin khuaruahhar
a simi le thil òhalo ngai
a simi a chuak:
31 Profet hna nih lih in bia an chim i
tlangbawi hna zong nih anmah
tining paoh kha an zulh ve;
Ka mi hna nih cu ti i tuah cu
an duhning a si ko,
Sihmanhsehlaw a donghnak
a phak tikah,
zeitindik nan um te fang lai.