48
Moab Kong
Moab kong ah Ralkapbu Bawipa,
Israel Pathian nih hi bangin
a ti:
“Aize, Nebo cu a lo i a òiao cang ai!
Kiriathaim cu lak a si cang i
a mual a pho cang ai!
Misgab cu ningzahnak a phan i
a hnabei a dong cang; Ref 48.1-47: Isa 15.1§16.14; 25.10-12; Eze 25.8-11; Amo 2.1-3; Zef 2.8-11
Moab minthannak cu a um ti lo.
Heshbon ah a cung òhat lonak ding
kha khua an khan:
‘Ra u law hrawk dih u sih,
miphun si ti hlah seh,’ an ti.
Nannih Madmen i a ummi hna zong
tuk nan si lai i nan mi hna cu
vainam nih a dawi hna lai.
Horanaim in nganfah ainak
thawng cu ngai hmanh:
‘Òiaonak le rawknak nganpi!’ an ti.
Moab cu a rawk cang,
an au thawng cu
Zoar tiang a thang.
Luhith i hung kainak ah khan
mi cu òah buin an kai;
Horanaim i vung òumnak ah khan.
‘Rawknak,’ ti thawng kha an theih.
‘Zam u, zam u, nan nunnak caah
zam u,
thetse ram i laa lee bantukin
zam tuah u,’ an ti.
 
Moab, nangmah nih na ralhau hna le
na hriamnam hna kha
naa bochan caah,
nang zong lak na si ve lai;
na pathian Khemosh cu a tlangbawi
hna le a bawi hna he saltannak
chungah a kal lai.
Hrawktu kha khua kip cungah
a tlung lai i
khua pakhat hmanh a luatmi
a um lai lo;
nelrawn cu a rawk lai i tlangcung
hmunrawn zong hrawh a si lai,
tiah Bawipa nih a ti.
 
“Moab caah thlanlung phun tuah u,
zeicahtiah tunaite ah a rawk lai;
a khua hna cu an rawk dih lai i
Khika ah ahohmanh an um lai lo.”
10 Daithlang in Bawipa rian a òuanmi cu chiat ko seh! Thisen chuah awkah a nam a hmang duh lomi cu chiat ko seh! 11 Mitsur hang a ne a tho bal lomi bantukin Moab hi hnahnawh lo tein a um zungzal ko;
Um khat hnu um khat i tlennak kha
a tong lo,
Saltannak kha a tong lo;
Cucaah a thawtnak kha a chungah
a tang i a rim zong aa thleng lo.
12 Cucaah ralca cu a thlutu dingah mi
ka thlah hna lai caan kha a ra lio;
An ralca cu an thluk hna lai i
an um vialte kha an tlen hna lai i
an den dih hna lai.
13 Cun Israel cu aa bochanmi a pathian
Bethel nih a deuh bantuk khan
Moab cu a pathian Khemosh nih
a deuh ve lai, tiah Bawipa nih a ti.
 
14 “Moab mi hna, zeitindah nannih nih,
Kannih cu ralòha le ralkap òhawng
kan si,” nan ti khawh?
15 Moab le a khua hna
a hrawktu cu a ra cang,
a tlangval hna lak i a òha bikbik cu
an thi dih cang, tiah Ralkapbu
Bawipa a min a simi
Siangpahrang nih a ti.
16 Moab tluknak ding cu
a phan cuahmah cang,
A rawhnak ding cu a nai ko cang.
17 Amah cu òah tuah u, nannih
a pawngkam i a ummi vialte hna,
amah minthannak a hngalmi hna;
nannih nih, “Aize, ralbawi
fung cu a kiak ai cang,
upatnak fung cu a kiak ai!” ti u.
18 Nannih Dibon khuami hna,
nan sunparnak hmun khan
rung òum u law
a carmi vawlei ah hin
òhu tuah u; zeicahtiah Moab
a hrawktu cu hika a phan cang i
nan ralhau kha
a hrawh dih cang hna.
19 Maw Aroer i a ummi hna,
lam pawngin dir u law zoh tuah u.
A zammipa le a zamminu kha
rak hal hna hmanh u law,
‘Zeitindah a si?’ tiah rak ti
hna hmanh u.
20 “Moab cu a tlu cang;
ai u law òap tuah u!
‘Moab cu a rawk cang,’ tiah
Arnon tiva hrawn ah khan
va thanh u,” an in ti hna lai.
 
21 Nelrawn khuapi hna cungah khan biaceihnak cu a tlung cang: Holon, Jahzah, Mefaath. 22 Dibon, Nebo, Beth-diblathaim, 23 Kiriathaim, Beth-gamul, Beth-meon, 24 Kerioth le Bozrah khua cungah khan biaceihnak cu a tlung cang. Moab ram khua vialte cungah, a hla mi he a naimi he, biaceihnak a phan cang. 25 Moab ki cu tan a si cang i a ban cu a kiak cang, tiah Bawipa nih a ti.
26 “Moab kha, Bawipa cu zei i a rel lo caah ritter law a luak ah khan i bual seh law nihsawhnak hmu seh. 27 Moab, Israel mi kha zeitindah nihchuak capo i na ser hna kha philh hlah. Mifir hna lakah tlaihchihmi si hna seh law cu bang, cuticun na tuah hna khah.
 
28 Maw nannih Moab ram mi hna,
Khuapi kha kaltak hna u law
lungkua ah va um u,
Lungkua kaa kam i bu a sami
òhuro bantuk si ko u.
 
29 Moab porhlawtnak kha kan theih
cang, aa porhlaw taktak ko §
Aa uahnak le aa porhlawtnak le
a ruamkainak le a lungpuamnak
kha kan theih.
30 A mi zeirellonak kha
ka hngalh, tiah Bawipa nih a ti;
Aa uanthlarnak cu pakpalawng a si,
a tuahnak cu pakpalawng a si.
31 Cucaah Moab cu ka òah lai,
Moab ram chung i a ummi hna
paohpaoh caah cun lungfak ngaiin
ka òap lai;
Kir-heres mi hna cu ka òah hna lai.
32 Jazer mi ka òah hna nak
tam deuh in
Sibmah mi kha ka òah hna lai.
Maw Sibmah khuapi, nang cu
mitsur ruang a nge
Rili Thi tiang a zam i
Jazer tiang a phanmi bantuk
na si,
Sihmanhsehlaw atu cu
òhal caan i na theitlai hna le
na mitsur thei hna cu
hrawh an si cang.
33 Thei tampi a tlai tawnmi
Moab ram khan
Lunglawmhnak le thanuamnak kha
lak an si cang;
Mitsur hang nennak hmun in
mitsur hang cu ka donghter cang;
Lawmhnak aw thawng he
a neng tawnmi kha an um ti lo,
Lawmhnak au thawng
zeihmanh a leng ti lo.
 
34 Heshbon khuami hna le Elealeh khuami hna cu an ai i an ai thawng cu Jahaz tiangin a thang; Zoar i a ummi hna nih an rak theih i Horonaim le Eglath-shelishiyah tiangin a thang. Nimrim tivate hmanh kha a car dih. 35 Cun Moab ram chung i khuahrumbo ah raithawinak le an pathian hna sinah zihmui khanghnak kha ka donghter lai, tiah Bawipa nih a ti. 36 An ngeihmi chawva vialte kha a rawk dih cang caah Moab le Kir-heres mi hna cu, mi nih mithi zunngaih hla thonglawi in an tum bantukin, ka lung nih a òah hna. 37 Annih nih an dihlak in an lu an i kawngh i an khahmul an i meh i an kut an i at i an tai ah buri an i venh. 38 Moab ram chung i inncung hna ah le an tual kau pipi hna ah cun, òahnak hla dah ti lo cu zeihmanh a um lo; zeicahtiah Moab cu ahohmanh nih zei i an rel lomi um bangin ka khuai cang, tiah Bawipa nih a ti. 39 Moab cu a hnabei dongh in ningzak in a zam ko. Moab cu nihsawh awkah a cang cang i a pawngkam i a ummi vialte hna caah hnabeidonghnak ah a cang cang.
40  Bawipa nih hi bangin a ti:
Zohhmanh, muvanlai nih
a thla aa samh i
a vun zuanhnawh bantuk khin,
Moab cu miphun pakhat nih
a zuanhnawh lai.
41 Khuapi hna cu lak an si lai i
ralhruang hna cu tlaih an si lai;
Khi ni ah cun Moab ralkap hna
lung cu
Naunganfah a ing liomi nu lung
bantukin a dong lai;
42 Khi tikah Moab cu
hrawh a si lai i
miphun a si ti lai lo,
Zeicahtiah Bawipa kha
zei ah a rel lo.
43 Òihnung, khor le rap nih khan,
Moab mi cu an orh ko hna,
tiah Bawipa nih a ti.
44 Òihnung chungin a zam khomi kha
khor chungah a tla lai,
Cun khor chungin a chuak
khomi kha rap ah aa foih lai.
Hi thil vialte hna hi dantatnak
an hmuh kum ah
Moab cungah ka tlunter lai,
tiah Bawipa nih a ti.
 
45 Heshbon thladem tangah,
Bawmtu ngei lomi mizam hna cu
an i din;
Sihmanhsehlaw hmasa i
Siangpahrang Sihon nih
a rak ukmi Heshbon kha
a kang cuahmah len ko.
Raldoh a duhmi Moab mi hna
ramri hna le tlang sang hna cu
mei nih a kangh cang hna.
46 Aize, maw Moab, na caah
ngaihchia a va si dah!
Khemosh pathian a biami hna cu
an lo ai cang;
Zeicahtiah na fapa hna cu
saltannak hungah kalpi
an si cang i
Na fanu hna zong kalpi an si ve ai!
47 Sihmanhsehlaw hmailei
caan ah cun Moab cu,
Vanòhatnak kha ka pek òhan lai,
tiah Bawipa nih a ti.
Hi tiang hi Moab cung i
biaceihnak cu a si.