45
Jeremiah Nih Baruk Bia A Cah
1 Judah siangpahrang Josiah fapa Jehoiakim a bawi kum li kum ah, profet Jeremiah nih Neriah fapa Baruk sinah a chimmi bia cu hihi a si, Jeremiah nih a auh in a auhmi bia cu Baruk nih khan cauk chungah a òial hna. Ref 45.1: 2Sia 24.1; 2Cha 36.5-7; Dan 1.1-2
2 “Maw Baruk, Bawipa Israel Pathian nih na sinah hi bangin a ti:
3 Naa thawh i, ‘Ngaihchia ka hei si hringhran dah! Ka fahnak cungah Bawipa nih ngaihchiatnak a ka chap; ka aihramnak nih hin a ka nor ko cang i dinhnak zeihmanh ka hmu lo,’ na ti.
4 Baruk sinah na chim ding bia cu hihi a si, hi bangin Bawipa nih a ti: Zohhmanh, ka sakmi kha ka òheh òhan i ka phunmi kha ka phawi òhan. Cu bantuk cun vawlei pumpi kha a si lai.
5 Na caah thil lianngan kha na kawl hna. Sihmanhsehlaw cu kawl cu ngol ko hna, zeicahtiah mi vialte cungah rawhralnak kha ka tlunter lai, tiah Bawipa nih a ti; nang cu na kalnak paoh ah kan nunter ko lai, sihmanhsehlaw na nunnak lawnglawng kha naa khamh kho lai i zeihmanh a dang na thil cu na chanh khawhmi an um lai lo,” tiah a ti.