37
Jeremiah Thong Ah An Thlak
1 Jehoiakim fapa Koniah changtu ah khan Babilon siangpahrang Nebukhadnezzar nih Josiah fapa Zedekiah cu Judah ram siangpahrang òhutdan cungah khan a òhutter. Ref 37.1: 2Sia 24.17; 2Cha 36.10
2 Sihmanhsehlaw amah nih siseh, a sinum nih si hna seh, a rammi nih si hna seh, profet Jeremiah sinin Bawipa nih a chimmi bia kha an ngai lo.
3 Siangpahrang Zedekiah nih cun Shelemiah fapa Jehukal le Maaseiah fapa tlangbawi Zefaniah kha profet Jeremiah sinah a hei thlah hna i, “ Bawipa kan Pathian sinah thla rak kan campiak tuah,” tiah a ti.
4 Jeremiah cu mi zapi sinah khan a lut a chuak ko rih, zeicahtiah thong ah thlak a si rih lo.
5 Cu caan lio hrawngah cun Faro ralkapbu kha Izipt ram in an hung chuak i cu thawng cu Jerusalem a kulhtu Khaldi mi hna nih khan an theih tikah Jerusalem an kulh kha an ngol.
6 Khi tikah profet Jeremiah sinah Bawipa bia kha a ra i,
7 “Hi bangin Ralkapbu Bawipa, Israel Pathian nih a ti: Keimah kha bia hal awkah an thlahtu Judah siangpahrang sinah cun, ‘Zohhmanh, nangmah bawmh awkah aa thawhmi Faro ralkapbu cu anmah ram Izipt ram ah khan an kir dengmang cang.
8 Cun Khaldi mi kha an ra òhan lai i hi khua hi an tuk lai i mei in an khangh lai.
9 Hi bangin Bawipa nih a ti, “Khaldi mi nih cun an kan kaltak hrimhrim lai,” tiin nangmah le nangmah cu i hleng hlah, zeicahtiah an in kaltak hna lai lo.
10 Khaldi mi ralkapbu nanmah an dotu hna cu an ningpi khin hei tei bia hna u law, hmapumi lawng kha anmah le an thlam cio ah khan hei tang hna seh law, cu hmanh ah cun an tho òhan lai i hi khua cu mei in an khangh òhiamòhiam ko lai,’ a ti, na ti lai,” tiah a ti.
11 Faro ralkapbu an òih hna ruangah Khaldi mi ralkap hna nih Jerusalem kulh an ngol lio caan te ah khan,
12 Benjamin ram i roco awk a ngeihmi, cuka mi hna hmai i va lak awkah cun, Jeremiah cu Jerusalem khua in Benjamin ram i va kal awkah cun aa thawh.
13 Cun Benjamin kutka a phak tikah khan, ralvengtu pakhat a min Irijah a simi nih profet Jeremiah cu, “Khaldi mi hna sinah zam naa tim,” tiin a ti i a tlaih. Irijah cu Shelemiah fapa a si i Shelemiah cu Hananiah fapa a si.
14 Cun Jeremiah nih cun, “Cucu a si lo, Khaldi mi hna sinah zam kaa tim lo,” tiah a ti. Sihmanhsehlaw Irijah nih cun a ngai duh lo i Jeremiah cu a tlaih i bawi hna sinah khan a kalpi.
15 Cun bawi pawl cu Jeremiah cungah khan an thin a hung i an tuk i caòialtu Jonathan inn chungah khan thong ah an thlak; cu inn cu thong ah an rak ser cangmi a si i
16 cu inn tang khor ah cun Jeremiah cu an chiah i cuka ah cun saupi a um.
Zedekiah le Jeremiah Bia An I Ruah
17 Siangpahrang Zedekiah nih Jeremiah cu a hei cah i a sinah a hunter. Siangpahrang nih cun a inn ah a thli tein bia a hal i, “ Bawipa sinin zei bia a um maw?” tiah a ti. Cun Jeremiah nih a leh i, “A um ko. Nang cu Babilon siangpahrang kut chungah chanh na si lai,” tiah a ti.
18 Cun Jeremiah nih Siangpahrang Zedekiah cu a thawh i, “Nangmah cungah siseh, na sinum hna cungah siseh, hi mi hna cungah hin siseh, zei palhnak dah ka tuah i thong ah nan ka thlak?
19 ‘Babilon siangpahrang cu nangmah doh awkah siseh, hi ram doh awkah siseh, a ra lai lo,’ a titu na profet hna kha tah khuazei ah dah an si kun?
20 Cucaah, maw siangpahrang ka bawipa, kan nawlnak cu ka ngaihpiak ko sawh: caòialtu Jonathan inn ah cun ka kua òhan ti hlah, na ka kuat a si ahcun, khika ah ka thi taktak ko lai,” tiah a ti.
21 Cucaah Siangpahrang Zedekiah nih nawlbia a chuah i Jeremiah cu ralvengtu hna pawl tual ah khan an chiah. Cun cu khua chung i changreu cu a dih hlantiang, Changreu Sertu Lam timi changreu sernak khan ni fate changreu hlum khat lengmang an pek. Cuticun ralvengtu hna tual ah khan Jeremiah cu a tang ko.