31
Israel Saltang Kir Òhannak Ding
1 Khi tikah keimah cu Israel phun vialte hna Pathian ka si lai i annih cu ka mi an si lai, tiah Bawipa nih a ti.
2 Mah hihi Bawipa bia cu a si:
Vainam in a luatmi hna nih khan
thetse ram ah zaangfahnak an hmuh;
Israel mi hna nih dinhnak kha
an duh tikah,
3 Lamhlat piin an sinah ka rung lang;
Israel mi hna, nannih cu
kan dawt zungzal hna i
dong loin
kan zohkhenh zungzal ko hna.
4 Nannih cu kan tunmer òhan hna lai.
Nan tingtang kha
nan i lak òhan hna lai i
lawmhnak in nan lam òhan lai.
5 Samaria tlang cungah khan
mitsur dum kha nan ser òhan
hna lai i
Mitsur dum in a chuakmi cu
a cingtu hna nih khan an ei lai.
6 Efraim tlang cung i ralveng hna nih,
“Ra u law Zion ah hung kal u sih,
Bawipa kan Pathian sinah cun
hung kal u sih,” an ti caan kha
7 Zeicahtiah mah hihi
Bawipa bia cu a si:
Jakob ruangah lunglawmhnak in
thang piin au tuah u,
Miphun lakah phun ngan bik a si;
Thangòhatnak cu hla in sa u law,
Bawipa nih a mi cu
a khamh cang hna i
Israel mi a tangmi hna cu
a zuah hna, tiah chim u.
8 Chaklei ram in ka ratpi hna lai,
Vanhramdeng in ka pumh hna lai.
Mitcaw le kebei zong an sinah
an ra ve lai i
Fapawi le a ni thla a tling
dengmangmi hna zong
an sinah an i tel lai;
Miphun ngan piin an ra kir òhan lai.
9 Inn ah an ra tlung, an tlun pah in
an òap,
Sihmanhsehlaw ka hnemh hna lai i
keimah cu a cawngtu hna ka si lai.
A luangmi tiva ah ka hruai hna lai;
An lam kha a mil tuk caah
an tlu an ril lai lo.
Zeicahtiah keimah cu
Israel mi caah an pa ka si cang i
Efraim cu ka fapa upa bik a si.
10 “ Bawipa bia cu ngai tuah u,
Maw miphun hna,
Thanh u law rilikam ram le a hlatmi
tikulh hna cu hngalhter hna u:
‘Israel cu a òhektu nih khan
a pumh òhan lai i
Tuukhal nih a tuurun a zohkhenh
bangin a zohkhenh lai,’
tiah chim u.
11 Bawipa nih Jakob cu
a tlanh òhan cang i
A òhawngmi a ral kut chung
khan a chuah òhan cang.
12 Zion tlang par ah cun lawmhnak
aw thawng he an ra lai,
Bawipa nih òhatnak tampi
a pek hna caah
hmaipanh ngaiin an ra lai,
Òhatnak a pekmi hna cu rawl le
mitsur hang thar le chiti le tuurun
chung i a no tete le cawrun chung i
a no tete tampi kha an si.
Ti toihmi dum bantuk an si lai i
zeihmanh an chambau bal ti lai lo.
13 Cun ngaknu hna cu an lam lai i
an i lawm lai,
Tlangval le patar hna cu an tha
a nuam lai;
An mithi zunngaihnak cu
lunglawmhnak ah ka thlen lai,
Ka thin ka nemter lai i
an ngaihchiatnak lonh in
lunglawmhnak ka pek hna lai.
14 Tlangbawi hna cu hi ram thau kha
ka vuaiter hna lai i
Ka mi hna cu ka òhatnak in
an khim lai,”
tiah Bawipa nih a ti.
Israel Cung I Bawipa Zaangfahnak
15 Bawipa nih hi bangin a ti:
“Ngai hmanh, lunghno ngaiin
òahnak thawng cu
Ramah khua ah a thang,
Cucu Rachel nih a fale
a òah hnanak thawng kha a si;
A fale kha an um ti lo caah
hnemh kha a duh lo.” Ref 31.15: Gen 35.16-19; Mat 2.18
16 Bawipa nih hi bangin a ti:
“Fak piin na òah lengmang ko cu
ngol cang law na mitthli thla
ti hlah;
Zeicahtiah na rianòuan man ah
laksawng kan pek lai,
Annih cu an ral hna ram in
an kir òhan lai.
17 Na hnu i a rung um dingah
tefa na thlautak hna lai;
Na fale hna cu anmahle an ram te ah
khan an kir òhan lai.
18 Israel mi hna nih ngaihchia in,
‘ Bawipa, kannih cu a hrang i
a lung a khongmi
cawtum bantuk kan si,
sihmanhsehlaw nangmah nawl
zulh kha na kan cawnpiak;
Kan hruai òhan law kan ra kir ko lai;
nangmah cu Bawipa,
19 Na sinin kan rak pial cang,
sihmanhsehlaw ra kir òhan zau kha
kan duh.
Kannih kha dan na kan tat hnuah cun
ngaihchia in kan lu lawng
kan khun ko.
Kannih nih kan no lioah
kan rak sual caah khan
ningzahnak le hmaichiatnak kha
kan rak tong,’ an ti kha ka theih.
20 “Efraim, nangmah cu
ka dawt bikmi fa na si.
Na min ka chim fate, nangmah kha
dawtnak in kan ruat tawn.
Nangmah cu ka lung nih an ngai i
na cungah zaangfahnak ka ngei lai,”
tiah Bawipa nih a ti.
21 “Nan lam chingchiahnak dingah
lungpon hnuai hna u,
chingchiahnak tung phun hna u;
Nan zulh dingmi lam cu fiang tein
i hngalh u.
Ra kir òhan tuah u,
Maw Israel mi hna,
Nan khua hna ah cun
ra kir òhan cio tuah hna u.
22 Zeicahdah lung awòawm in
nan um lai,
nannih zumhawktlak lomi hna?
Bawipa nih thil thar pakhat
vawlei cungah hin ka ser:
nu nih pa an tluk hna lai.”
23 Ralkapbu Bawipa,
Israel Pathian nih hitin a ti:
“Annih cu an ram ah
ka kirter òhan hna tikah,
Judah ram le a khua hna ah cun,
‘ Bawipa nih Jerusalem tlang thiang
a umnak hmun thiang cu,
thluachuahnak pe ko seh,’ tiah
an ti òhan lai.
24 Judah ram le a khua hna chungah khan mi cu an um lai i lothlo zong an um lai i an tuurun he a ummi tuukhal hna zong an um lai.
25 A bami cu ka hrimhter òhan hna lai i rawlòam in thazang a tlawmmi cu rawl khim tein ka pek hna lai.
26 Cu tikah ka mi hna nih cun, ‘Kaa hngilh i ka thazang a tlung òhan,’ an ti lai.
27 “ Bawipa nih hi bangin a ti: Israel ram le Judah ram cu minung le saram in ka khahter hna lai caan a ra lio.
28 Annih cu òheh awk le phawi awk le chimh awk le hrawh awk le harnak pek awkah ka rak ngiat hna bantuk khan atu cu annih kha tun awk le thawh awkah ka zohkhenh cang hna lai, tiah Bawipa nih a ti.
29 Cu caan a phak tikah cun, mi nih,
‘An pale nih mitsur thei thor an ei i
an fale ha a za,’ an ti ti lai lo. Ref 31.29: Eze 18.2
30 Ahohmanh mitsur theithor a eimi cu amah hate kha a za ko lai i ahohmanh amahle a sualnak ruang te ah a thi ko lai.”
Biakam Thar
31 “Israel mi hna le Judah mi hna he biakamnak thar ka ser lai ni cu a ra lio,” tiah Bawipa nih a ti. Ref 31.31: Mat 26.28; Mar 14.24; Luk 22.20; 1Kor 11.25; 2Kor 3.6 Ref 31.31-34: Heb 8.8-12
32 Izipt ram in chuahpi awkah an kut in ka hruaimi hna an pupa hna sinah ka tuahmi biakamnak bantuk kha a si lai lo. Ka biakamnak kha an zul lo nain an cungah ka lung a sau, tiah Bawipa nih a ti.
33 Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka òial lai. Keimah cu an Pathian ka si lai i annih cu ka mi an si lai,” tiah Bawipa nih a ti. Ref 31.33: Heb 10.16
34 Cun annih nih pakhat le pakhat kha, ‘ Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An òhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti. Ref 31.34: Heb 10.17
35 Chun ceutertu ah ni a chia i zan ceutertu ah arfi le thlapa kha a chia i rili tilet kha a thawhter i a awnhtertu nih hitin a ti, a min cu Ralkapbu Bawipa a si:
36 Thil umtuning ka chiahmi hi
ka hmaika in a loh khawh
a si ahcun,
cu tik bel ah Israel tefa hna cu
ka hmaika i miphun si ti lo dingin
an lo ve hnga, tiah
Bawipa nih a ti.
37 Cunglei van khi aho tal nih tah kho in tanglei vawlei hi aho tal nih a thuhnak hlai khawh si seh law, cu tik bel ah Israel tefa vialte hna cu an tuahmi ruangah khan ka hlawt khawh hna hnga, tiah Bawipa nih a ti.
38 “Zohhmanh, khuapi cu Hananel Innsang in Kil Kutka timi tiang, Bawipa upatnak caah sak òhan a si lai ni kha a ra lio.
39 A ramri cu nitlaklei ah Gareb tlang tiang a va lan lai i Goah ah khan a run i kual lai.
40 Miruak le hmunhnawm an hlonhnak horkuang kha a ning piin, cun Kidron tiva cung i a ummi lo vialte, nichuahlei, ah Rang Kutka timi tiang kha Bawipa ca i a thiangmi thil an si lai. Khuapi cu òheh i hrawh a si ti lai lo,” tiah Bawipa nih a ti.