27
Jeremiah Nih Cawtum Hngawngkual Kha Aa Banh
Judah siangpahrang Josiah fapa Zedekiah a bawi hramthawk ah hi bia cu Bawipa sinin Jeremiah sinah a ra: Bawipa bia cu hi bangin a si, Ref 27.1: 2Sia 24.18-20; 2Cha 36.11-13 “Hngawngkual le a hri kha i lak hna law na hngawng ah i banh. Cun Edom siangpahrang, Moab siangpahrang, Ammon siangpahrang, Tair siangpahrang le Sidon siangpahrang sinah khan, Judah siangpahrang Zedekiah sinah Jerusalem ah a rami an lamkal hna sinin bia cah hna. An bawile caah khan hi bia hi pe hna: Hi bangin Ralkapbu Bawipa, Israel Pathian nih a ti: Mah hihi nan bawile cu va chim hna u, ‘Ka òhawnnak a nganmi le aa samhmi ka baan in vawlei cu ka ser i vawlei cung i a ummi minung le saram hna cu ka ser hna; cun aa tlak ti i ka ruahmi sin paoh ah ka pek khawh. Hi ram vialte ka sal Nebukhadnezzar, Babilon siangpahrang sinah a petu cu keimah ka si i saram hna zong amah rian òuantu dingah a petu cu keimah ka si fawn. Miphun vialte hna nih amah le a fapa le a tupa kha, a ram nih, a caan a phak hlantiang, an rianh hna lai; cun miphun òhawng hna le siangpahrang ngan hna nih amah cu an duhduh in an hman ve te lai. Zei miphun hmanh si hna seh, zei ram hmanh si hna seh, hi Nebukhadnezzar, Babilon siangpahrang hi a rian a òuan duh lo i a hngawngkual tangah hin a hngawng chiah a duh lomi cu, cu hna cu vainam le mangòam le rai in, amah kut tang i ka umter dih hna hlan tiang, dan ka tat hna lai,’ tiah Bawipa nih a ti. Cucaah nan profet si hna seh, nan litin thiam si hna seh, nan mifim si hna seh, nan camhthiam si hna seh, nan eihthiam si hna seh, Babilon siangpahrang cu rian hlah u, tiin an in chimtu hna cu an bia ngai hlah u. 10 An in chimhmi hna cu lih a si; cucaah nannih nih nan ngaih ahcun nan ram in a hlat ngaingaimi ram ah kalpi nan si lai i keimah nih kan òhawl hna lai i nan thi lai. 11 Sihmanhsehlaw Babilon siangpahrang hngawngkual tangah a hngawng a chia i amah kha a rianmi miphun paoh cu anmah ram te ah khan ka umter hna lai i an ram cu an thlawh lai i khika ah khua an sa lai,” tiah Bawipa nih ka ti,” a ti.
12 Judah siangpahrang Zedekiah sinah cu bia vialte cu ka chim i, “Babilon siangpahrang hngawngkual tangah cun na hngawng cu na chiah i amah le a mi hna cu na rianh hna ahcun na nung lai. 13 Zeicahdah Babilon siangpahrang a rian duh lomi miphun kong ah Bawipa nih a chim bangin nangmah le na miphun cu vainam le mangòam le rai in nan thih lai? 14 Babilon siangpahrang kut tang um cu duh hlah, tiin an titu profet hna cu an bia ngai hna hlah, zeicahtiah an in chimhmi cu lih a si. 15 Annih cu ka thlahmi an si lo, hlennak in ka min in bia an chim i cucaah cun nangmah kha kaan dawi lai i na thi lai, nangmah le nangmah sin i bia a chimmi profet hna hi, tiah Bawipa nih a ti,” tiah ka ti.
16 Cun tlangbawi hna le mi vialte hna sinah cun ka chim i, Bawipa nih hi bangin a ti, tiah ka ti: Bawipa inn umkheng hna cu tuante Babilon in kirpi an si òhan lai, tiah a titu profet hna cu an bia ngai hna hlah u, an in hlennak hna men a si. 17 Annih cu an bia ngai hna hlah u, Babilon siangpahrang cu rian ko u law nan nung deuh lai. Zeicahdah hi khuapi hi a òiao lai? 18 Annih cu profet an si i Bawipa bia cu an chungah a um taktak a si ahcun, Bawipa inn chungah le Judah siangpahrang inn chungah le Jerusalem ah nganhtami umkheng hna cu Babilon ah kalpi loin Bawipa nih a umter hna nakhnga Ralkapbu Bawipa cu nawl hna ngat seh. 19 Zeicahtiah Babilon siangpahrang Nebukhadnezzar nih Judah siangpahrang Jehoiakim fapa Jekoniah cu Judah ram chung tuavon hna le Jerusalem khua chung tuavon hna he 20 Jerusalem in Babilon ah a kalpi hna tikah khan, Nebukhadnezzar nih a kalpi lomi hi khua chungah a tangmi tung hna le dar hmaihum nganpi le a dirnak ke hna le umkheng dang vialte hna kong ah Bawipa bia cu hihi a si. 21  Bawipa inn chungah le siangpahrang inn ah le Jerusalem ah a tang rihmi umkheng kong ah Israel Pathian, Ralkapbu Bawipa bia cu hihi a si: 22 Babilon ah kalpi an si lai i ka auh òhan hna hlantiang khika ah an um lai, tiah Bawipa nih a ti; cun ka kirpi òhan hna lai i hi hmun ah hin ka chiah òhan hna lai, a ti fawn.