24
Theipi Bawm Hnih
Bawipa nih biakinn hmaiah theipi bawm hnih an chiahmi kha a ka hmuhsak. Mah hihi Babilon siangpahrang Nebukhadnezzar nih Jerusalem khua in Jehoiakim fapa Jekoniah, Judah siangpahrang cu Judah ram bawi hna le zungthiam hna le soser hna le he tiah sal taannak ah a hruai hna i Babilon ah a ratpi hna hnuah khan a si. Ref 24.1: 2Sia 24.12-16; 2Cha 36.10 Bawm khat chung i cu an òha ngaingai, a hmin hmasa bik theipi bantuk khi an si; bawm khat chung i tu cu an chia ngaingai, an chiat tuk caah ei awk a tlak lomi khi an si. Cun Bawipa nih cun a ka thawh i, “Zeidah na zoh, Jeremiah?” tiah a ka ti. Cun kei nih, “Theipi, theipi òha, a òha ngaingaimi le theipi chia, a chia ngaingaimi, a chiat tuk ca i ei awkah aa tlak lomi,” tiah ka ti. Khi tikah hi bia cu Bawipa sinin ka sinah a ra i, “Hi bangin Bawipa Israel Pathian nih a ti: Hi ram in Khaldi mi hna ram ah ka kaltermi hna Judah ram mi hna sal i a tangmi hna hi, hi theipi òha bantuk ah hin ka rel hna lai. An cungah òhatnak tuah dingin ka zohkhenh hna lai i an ram ah hin ka kirter òhan hna lai; ka sersiam hna lai i ka òhet hna lai lo, ka phun hna lai i ka phawi hna lai lo. Keimah hngalh khawhnak lungthin kha ka pek hna lai, zeicahtiah keimah cu Bawipa ka si; an lungthin a dihumnak in keimah sinah an kir òhan lai caah annih cu ka mi an si lai i kei cu an Pathian ka si lai. Sihmanhsehlaw Judah siangpahrang Zedekiah, a bawile hna le Jerusalem i a nung rihmi hna cu, hi ram chung i an um ah siseh, Izipt ram i an um ah siseh, hi hna vialte cu theipi chia, a chiat tuk ca i ei awkah a tlak lomi bantuk ah khan ka ser hna lai, tiah Bawipa nih a ti. Vawlei cung ram kip ah annih cu tuksapur ah ka ser hna lai, annih cu ka dawi hnanak ram kip ah nihsawh awk le phungthluk bia le zawmhtaih awk le chiatserh awkah ka ser hna lai. 10 Cun anmah le an pupa hna sinah ka pekmi hna ram in annih cu hrawh cikcek an si hlantiang, an cungah vainam le mangòam le rai ka tlunter lai,” tiah a ti.