20
Pashhur Nih Jeremiah Thong Ah A Thlak
Immer fapa tlangbawi Pashhur, Bawipa inn i bawi upa bik a simi nih cun, hi thil hna Jeremiah nih a chim cu a theih tikah, Jeremiah cu fung in a tuk i hreng a khenh i Bawipa inn chung i Cunglei Benjamin Kutka timi ah khan a chiah. A thaizing ah a hreng cu a phoih i Jeremiah nih cun a thawh i, “ Bawipa nih na min cu Pashhur an ti lo, Magor-missabiba Òihnung-thlahdorhmi, ti a si. an ti cang,” tiah a ti. “Zeicahtiah hi bangin Bawipa nih a ti: Nangmah cu nangmah lila caah le na hawikom hna caah òihnung ah kan ser lai. Na hmuh hngan hrimhrim ah annih cu an ral hna vainam in an tlu lai. Cun Judah ram vialte cu Babilon siangpahrang kut chungah ka pek lai i Babilon ah sal ah a kalpi hna lai i vainam in a thah hna lai. Cu hleiah, khuapi chung chawva vialte, rumnak vialte le Judah siangpahrang hna rorah vialte cu an ral hna kut chungah hranchaw ah ka pek hna lai i an tlaih hna lai i Babilon ah an kalpi hna lai. Cun nangmah Pashhur le na innchungkhar vialte cu sal taannak chungah nan kal lai i Babilon kha nan phan lai. Cuka ah cun nan thi lai i cuka ah cun vui nan si lai, nangmah le hlennak in na chimhmi na hawile vialte hna cu,” tiah a ti.
Jeremiah Òahnak
Maw Bawipa, nangmah nih
na ka hlen i hlen ka si ko cang;
Keimah nakin na òhawng deuh i
na ka tei;
Mi kip nih capo ah an ka saih i
chun nitlak an ka nihsawh.
Bia ka chim paoh ah a au in
au a hau i
zaang-ennak le rawhralnak a um,
tiah thanh a hau.
Bawipa, na bia ka chim ruangah
serhsat le nihsawh ka si
thluangthluan ko.
Bawipa kong cu ka lung chungah
ka riahter ti lai lo i
A min zongin bia ka chim ti lai lo,
ka ti ah,
A bia cu ka lung chungah hin mei
bantukin a alh i ka ruh chungah
hin mei linh bantukin aa khumh.
Ka chung i tlaih peng kha
ka celh ti lo i chuak loin
ka tlai kho hrim ti lo.
10 Mi tampi a thli tein
an i ceih kha ka theih i,
‘Amah cu sual puh ko u!
Sual kan puh ko lai,’ an ti.
Ka hawikom vialte nih pelhhreuh
kaa lamh sual nakhnga ding
lawngte kha an bawh i,
‘Hlen khawh a si ko hmanh maw,
cu ti a si khawh ahcun
kan tlaih khawh lai i a cungah
phu kan hlam khawh lai,’ an ti.
11 Sihmanhsehlaw Bawipa cu
keimah leiah a òang i
òhawng ngai le zaangfahnak
ngei in a um,
Cucaah a ka hremtu hna cu
an ril lai i
zeihmanh tuah kho loin an tlu lai.
An tuah duhmi kha
an tlinter khawh lo tikah
An ning zahnak cu a fak
ngaingai lai,
An min chiatnak cu
zeitikhmanh ah philh a si ti lai lo.
12 Maw Ralkapbu Bawipa, nang cu
mi kha ding tein
a hneksak i lungthin le ruahnak
a hmu dihtu na si,
ka cung thil hi nangmah cungah
ka chuan cang caah
an cung i phu na hlammi cu
ka hmuhter ko.
13  Bawipa sinah cun hlasa tuah u,
Bawipa cu thangòhat tuah u!
Zeicahtiah misifak mi hna cu
an cung i òhat lonak
a tuahtu hna kut chung khan
a luatter cang hna.
 
14 Ka rak chuah ni kha chiatserh
si ko seh!
Ka nu nih a rak ka hrin ni kha
a philh in philh si ko seh. Ref 20.14-18: Job 3.1-19
15 Ka pa cu, ‘Fapa na ngei,’ tiah
a hung chim i
a lung a lawmhtertu kha
chiatserh si ko seh.
16 Khi mipa cu, zaangfahnak um loin
Bawipa nih a hrawhmi hna
khua bantuk a si lai.
17 Thihnak nih ka chuah hlanah
a rak ka lak ti òung lo caah,
Amah nih cun zinglei ah
nganfah ainak kha a theih lai i
chun ah raltuk launak
thawng kha a theih lai.
Rak ka la seh law cu
ka nu paw kha ka thlan
a hei si ko hnga i
chuak loin ka hei um lan ko hnga.
18 Zeicahdah ngaihchiatnak le
retheihnak lawng hmuh awkah le
ka chan cu ningzahnak lawngin
hman awkah
Ka nu paw chungin ka rak
chuah hnga?