16
Bawipa Nih Mi Zapi Bia A Ceih Hna Lai
Bawipa bia cu ka sin a phan òhan i, “Nupi òhi hlah, cun hi bantuk hmun ah hin fapa siseh, fanu siseh, ngei fawn hlah. Hika i a chuakmi fa hna le an nule an pale kongah zeidah a tlung lai ti kha kan chimh lai. Zawtnak òihnung ngaingai in an thi lai. Ahohmanh nih an òah hna lai lo, vui zong an tong lai lo. Vawlei i ek pon bantukin an ril lai. Annih cu ral kut in an thi lai, asiloah mangòam in an thi lai, an ruak cu van i a zuangmi va hna le vawlei i a ummi saram hna caah rawl an si lai.
“Zeicahtiah Bawipa nih hitihin a ti: Òahnak inn chungah khan va lut hlah, òah awkah siseh, hnemh awkah siseh, va kal hlah; hi mi hna sin hin ka daihnak ka lak cang, a fekmi ka dawtnak le ka zaangfahnak zong, tiah Bawipa nih a ti. Hi ram ah hin mingan he mihme he an thi lai, sihmanhsehlaw vui an si lai lo i ahohmanh nih a òah zong an òah hna lai lo, anmah ruangah ahohmanh a ah zong an i at lai lo, an sam zong an i kawngh lai lo. Mithi ngai hna cu an hna ngamter awkah ahohmanh nih rawl an dumpi hna lai lo i an nu le an pa nih an thihtakmi hna hmanh kha ahohmanh nih hnangamnak hrai kha an pe hna lai lo. Cun rawl danghnak inn chung zongah, annih he òhut òi awkah siseh, ei òi awkah siseh, din òi awkah siseh, na lut lai lo. Zeicahtiah ralkapbu Bawipa Israel Pathian nih hi bangin a ti: Nangmah chan hrimhrim ah hin le nangmah mit hmuh hrimhrim ah hin, hi hmun i lawmhnak le thanuamnak aw thawng vialte, nupi òhipa aw le a mo aw kha, ka daihter hna lai. Ref 16.9: Jer 7.34; 25.10; Biat 18.23
10 “Cun hi mi hna hi hi bia vialte kha na chimh hna tikah an in thawh lai i, ‘Zeicahdah hi a nganmi òhat lonak hi kan cung i tlun awkah Bawipa nih nawl a pek? Zei òhat lonak dah kan tuah? Bawipa kan Pathian cungah zei sualnak dah kan tuah?’ tiah an ti lai. 11 Cun nang nih na leh hna lai i, ‘Nan pupa hna nih an ka hlawt i pathian dang kha an zulh hna i an rian an òuan hna i an biak hna caah a si. An ka hlawt i ka phungbia kha an ngai lo. 12 Cun nannih hi nan pupa hna nak chia deuh in nan um i milungkhong, miòhalo nan si i ka bia kha ngaih nan duh lo. 13 Cucaah hi ram chung hin kan hlonh vurmar hna lai i nanmah zong nih nan pupa hna zong nih an hngalh bal lomi ram ah nan kal lai, khika ah chun zan in pathian dang hna kha an rian nan òuanpiak hna lai i nan cungah zaangfahnak zeihmanh ka ngei lai lo,’ a ti tiah na chimh hna lai.
Saltannak In An Kir Òhannak
14 “Cucaah ‘Izipt ram in Israel mi a chuahpitu hna Bawipa a nun bangin,’ ti si ti loin. 15 ‘Chaklei ram le òhek an sinak ram vialte hna chungin Israel mi a kirpitu hna Bawipa a nun bangin,’ tiin mi nih chiat an ser lai caan kha a ra lio; cun an pupa hna sinah ka rak pekmi anmah ramte ah khan ka kirpi òhan hna lai,” tiah Bawipa nih a ti.
16 “Cun ngatlaitu tampi kha ka cah hna lai i hi mi hna hi an tlaih hna lai, tiah Bawipa nih a ti. Cun cu hnuah cun ramvaimi tampi kha ka cah hna lai i tlang kip le fing kip le lungpang kua kip ah khan an kawl hna lai. 17 Zeicahtiah ka mit nih an lam cu a hmuh dih ko hna i ka sin in an i thup lo, an òhat lonak zong hmu loin ka um lo. 18 Annih nih ka ram cu fih a nungmi an siasal hna ruak in an khahter i ka ro cu an thil fihnung in an khahter caah an sualnak le an òhat lonak cu a let hnih in ka chamter hna lai,” tiah Bawipa nih a ti.
Jeremiah Nih Thla A Cam
19 Maw Bawipa, nangmah cu
ka thazang le ka ralhruang,
harnak caan i ka himnak na si;
Vawlei khuazakip in miphun hna kha
na sinah an ra lai i
‘Kan pupa hna nih an rak comi cu
hlennak le pakpalawng le
santlai lomi siasal men kha
an rak si ko.
20 Minung nih a caah pathian
aa ser khawh hna lai maw?
Aa ser khawh hmanh ah,
cu bantuk pathian hna cu
pathian a si lomi an si,’ an ti lai.
21 Cucaah annih cu ka cawnpiak hna lai,
Voi khat ah za lak in ka òhawnnak le
ka thazang cu ka hngalhter hna lai,
Cun annih nih ka min cu Bawipa a si
kha an hngalh lai,” tiah Bawipa nih a ti.