11
Biakamnak An Hrawhmi
1 Jeremiah sinah Bawipa sinin a rami bia:
2 Hi biakamnak bia hna hi ngai law Judah ram chung mi hna le Jerusalem khuami hna cu va chim hna.
3 Mah hihi Bawipa, Israel Pathian bia an si, tiah va chim hna.
4 Thir titnak somei a simi Izipt ram in nan pupa hna kha ka chuahpi hna tikah annih he biakamnak ka rak tuah i kha biakamnak bia a zul lomi paoh cu nan cungah chiatserhnak tlung ko seh. Annih cu ka rak thawh hna i, Ka nawl nan ngaih i kan chimh mi hna vialte nan tuah ahcun, ka mi nan si lai i nan Pathian ka si lai, ka rak ti.
5 Cuticun nan pupa hna sinah, cawhnuk le khuaihliti in a luangmi ram kan pek hna lai, ti in bia ka rak kammi kha, ka tlinter lai; cu ram cu atu i nan comi ram hi a si, tiah a ti, tiin. Cun kei nih ka leh i, “Cu bantuk cun si ko seh Bawipa,” tiah ka ti.
6 Cun Bawipa nih a ka thawh i, “Hi bia vialte hi Judah ram chung khua hna le Jerusalem khuachung lam ah khan va thanh hna: Hi biakamnak bia hi ngai hna u law tuah hna u, va ti.
7 Nan pupa hna cu Izipt ram in ka chuahpi hna ri in atu tiang, hi bantukin tuah hlah u, ka ti lengmang hna, ralrinnak ka pek lengmang hna; Ka nawl ka ngai u, ka ti hna.
8 Sihmanhsehlaw annih nih an ngai lo i an hna zong an ka chit duh lo, an dihlak in anmah le an lungkhon ning cio khan an kal ko. Cucaah an cung i biakamnak ka tuahmi, annih nih an zulh duh lomi biakamnak chung i a ummi dantatnak vialte kha an cungah ka tlunter,” tiah a ti.
9 Cun Bawipa nih a ka thawh òhan i, “Judah ram mi hna le Jerusalem khua chung mi hna nih hin keimah dohnak tuah an i tim:
10 An pupa hna sualnak ah khan an kir òhan i ka bia kha ngaih an duh lo; pathian dang hna kha an zulh hna i an biak hna; Israel le Judah nih an pupa hna he ka rak tuahmi biakamnak kha an hrawh.
11 Cucaah Bawipa nih hi bangin a ti: Atu cu an luat khawh lomi òhat lonak kha an cungah ka tlunter lai; an ka au lai nain annih cu ka ngai hna lai lo.
12 Judah ram khua chung mi hna le Jerusalem khuami hna nih raithawinak an pekchanhmi pathian hna sinah khan an kal lai i an auh hna lai, sihmanhsehlaw an harnak caan ah khan an rak khamh kho hna lai lo.
13 Zeicahtiah, maw Judah na pathian cu na khua zat an si; cun Baal sin i raithawinak khanghnak ding caah na sermi biakòheng hna cu Jerusalem khua chung lam zat an si.
14 Cucaah Jeremiah, hi mi hna caah hin thlacam hlah, anmah aiawh zongin aunak siseh, nawlnak siseh, tuah hlah, zeicahtiah an harnak caan i an ka auh tikah ka ngai hna lai lo,” tiah a ti.
15 Cun Bawipa nih, “Ka dawtmi nih thil òhalo hna a tuah tikah, ka innchung i umnak dingah hin, zei nawl dah a ngeih ti? Nan cung i a tlung dengmang cangmi rawknak hi biakòheng cung i nan pekchanhmi thawinak sathau nih hin a donh khawh lai maw?
16 Hlan ah cun Bawipa nih, ‘Oliv thingkung, a hnah hring dildel tein a um i aa dawhmi,’ tiah a rak in ti. Sihmanhsehlaw atu cu puak cukmak in fahnak na in lai; mei nih na hnah cu a kangh hna lai i na nge cu a hrem dih hna lai.
17 Nanmah an phuntu hna Ralkapbu Bawipa nih, nan cungah òhat lonak ka tlunter lai, tiin Baal sin i raithawinak nan khangh i ka thin nan ka phawh tikah khan kan hro hna; sihmanhsehlaw zeicahdah nan cungah harnak kha a tlun ti ahcun, nanmah nih òhat lonak nan tuahmi thawngin a si, a ti,” tiah a ti.
Jeremiah Rawi An Timhnak
18 Ka ral nih ka cungah thil òhalo tuah an timhmi cu Bawipa nih a ka hmuhsak i ka hngalh.
19 Thah awkah an hruai bang a rak zul hniapmapmi hna tuu bantuk ka rak si; Keimah rawinak caah khua an rak khan i, ‘Thingkung cu a thling a um lioah hau u sih. A min hrimhrim kha philh dup in philh a si nakhnga minung lak hin a hloh in hlo u sih,’ an rak ti kha ka rak hngal lo.
20 Maw Ralkapbu Bawipa, ding tein
bia a ceih i
Minung lungchung le ruahnak
a hneksak dihtu,
Ka cung bia hi nangmah kan pek,
Phu na hlam hnanak cu
21 Cucaah ka nunnak kha lak a zal i, ‘ Bawipa min in bia chim ti hlah, na chim ahcun kan in thah lai,’ a timi Anathoth khuami hna kong ah khan,
22 mah hihi Bawipa bia a si § a bia cu mah hihi a si: Annih cu dan ka tat hna lai: an tlangval hna cu vainam in an thi lai, an fapa hna le an fanu hna cu mangòam in an thi lai;
23 pakhat hmanh an tang lai lo; zeicahtiah biaceihnak kum ah Anathoth khuami hna cungah òhat lonak ka tlunter lai, a ti.