10
Pathian Deu le Pathian Tak
Maw Israel chungkhar hna, Bawipa nih nan sin i a chimmi bia hi ngai tuah u. Hi bangin Bawipa nih a ti:
Miphun dang hna lam kha
i cawn hlah u,
Van i hmelchunhnak nan hmuhmi
hna ruang zongah khin
nan khuaruah har hlah u,
Khi bantuk i khuaruah a harmi cu
miphun dang hna khi pei
an si ko cu.
Miphun dang hna i
an siasal hna cu hlennak men a si,
Tupi chung i va haumi thing,
Zungthiampa nih cop in a hei saih i
Sui le ngun in a òamh i
a tluk nakhnga lo
sobul le thir in a khenh chihmi
pei an si ko cu.
Cu bantuk siasal hna cu
zil dum i ritòih thlaimi
bantuk ceo an si ko,
an holh kho lo;
An kal khawh lo caah
a phorh in phorh an herh.
Annih cu òih hna hlah u, harnak
zeihmanh an tuah kho lo,
Òhatnak zong zeihmanh an tuah
kho fawn lo.
Maw Bawipa, nangmah bantukin
ahohmanh an um lo,
Nangmah cu na lianngan ko,
Na min cu a lianngan i a òhawng.
Maw miphun vialte hna
Siangpahrang,
Nangmah cu ahodah
òih loin a um hnga?
Zeicahtiah nangmah cu òih
awktlak hrimhrim na si;
Miphun a fim bikbik hna lak le
an bawi bikbik hna lakah,
Khuazei tal ah nangmah bantuk hi
hmuh khawh an si hnga maw? Ref 10.7: Biat 15.4
Annih cu an dihlak in
mihrut an si i an nga fawn;
An fimnak pakpalawng cu
thingtum sinin an cawnmi a si.
Denmi ngun cu Tarshisha Spain tiah Baibal cheukhat nih cun an leh. in
rak phorhmi a si i
Sui cu Ufaz in rak phorhmi a si;
An dihlak in zungthiampa le
suisertupa sermi an si dih.
Maimaw le kadipa in an thuamh hna,
An zate in zungthiam sermi an si.
10 Sihmanhsehlaw Bawipa cu
Pathian taktak a si,
Pathian nung le zungzal
Siangpahrang a si.
A thin a hun ciammam ah
vawlei aa hnin i
Miphun hna nih a thinhunnak kha
an ing kho lo.
 
11 (Nannih nih annih cu hi bangin nan chimh hna lai: “Van le vawlei sertu a si lo pathian hna cu hrawh an si lai. Vawlei cungah khuazei hmanh ah an um ti lai lo,” tiin.)
 
12 Pathian nih vawlei hi
a òhawnnak in a ser,
Vawlei hi a fimnak in
a umnak hmun ah hin a umter,
Van khi a thiamnak in a samh hna.
13 A aw thawng ah van i ti khi
an awn,
Van hram deng in minmei kha
a thawhter,
Ruah caah awng kha a ser hna i
A thil khonnak inn chungin thli kha
a chuahter hna.
14 Mi vialte hi mihrut, hngalhnak
zeihmanh a ngei lomi an si dih;
Sui sertu vialte hna hi an siasal sermi
hna nih hin zumhawktlak lo ah
an canter dih hna;
Zeicahtiah milem an sermi hna cu
hlennak men an si i
An chungah thaw zeihmanh a um lo.
15 Zeihmanh an ngei lo, nihchuak
men an si,
An biaceih ni a phak tik i
a rawk menmi an si.
16 Jakob sertu Pathian cu
mah hna bantuk hi a si lo,
Amah cu zeizong vialte
sertu a si i
Israel hi amah ca hrimhrim i
aa kawhmi miphun a si;
Amah a min cu Ralkapbu Bawipa a si.
Judah Rawknak
17 Nan thil kha hmunkhat ah
pum hna u law
ram chung hin i chuahpi hna u,
Nannih hrenkanhmi hna.
18 Zeicahtiah Bawipa nih hitin a ti:
Atu tan hi cu,
hi ram chung mi hi an dihlak in
ka phawi hna lai,
Fak piin ka hmeh hna lai i
ro lak in ka sur hna lai.
 
19 A, ka hma cu an va fak
hringhran dah,
Ka inmi tuknak cu an zualhma ko.
Sihmanhsehlaw hihi cu
ka sining pei a si cu,
ka in awk pei a herh cu, ka ti.
20 Ka inn cu a rawk cang,
ka thlam hri vialte cu
an cat dih cang;
Ka fale nih an ka kaltak i
an lo diam cang;
Ka thlam a bunh òhantu ding
ahohmanh an um lo,
A puanzar hna a phun òhantu
ding ahohmanh an um lo.
21 Ka mi hna a khaltu hna cu
mihrut minga men an si i
Bawipa kha ruahnak an hal bal lo,
Cucaah khuaawng an tong lo i
an tuurun hna cu an i òhek dih.
 
22 Ngaihmanh, biachawkvai
pakhat a rung thang,
A thawng a ngan chin lengmangmi
thawngpang cu
chaklei ram in a rung;
Judah ram khua hna cu òhio awk le
cenghngia riahhmun i ser awkah
a rami ralkapbu thawng a si.
23 Maw Bawipa, minung nih
a zulhmi a lam hi
amah nih aa thimmi an si lo i
A nun chung i a kalnak lam zong hi
amah nih aa ser khawhmi
an si lo ti kha ka hngalh.
24 Maw Bawipa, kan remh tuah,
Sihmanhsehlaw dinnak in si seh,
Na thinhun in cun si hlah seh,
Zeicahtiah zeihmanhlo ah
na kan canter sual hnga.
25 Nangmah an hngal duh lomi
miphun hna cungah le
Na min an au lomi miphun hna
cungah,
na thinhunnak cu bung tuah;
Zeicahtiah Jakob cu an ei cang i
an lim cang,
A inn cu an hrawh cikcek cang.