12 Jesuh nih, “Keimah hi vawlei ceunak cu ka si; keimah a ka zulmi paoh cu muihnak ah a tlongleng lai lo, sihmanhsehlaw a ceumi nunnak a ngei lai,” tiah a chimh òhan hna. 13 Cucaah Farasi hna nih, “Nangmah le nangmah na kong na chim i na chimmi zong ahmaan lo,” an ti. 14 Jesuh nih, “Keimah le keimah ka kong ka chim hmanh ah ka chimmi cu ahmaan, zeitintiah khuazei in dah ka rat ti le khuazei ah dah ka kal lai ti kha ka hngalh. Sihmanhsehlaw khuazei in dah ka rat i khuazei ah dah ka kal lai ti kha nan hngal lo. 15 Nannih cu thisa phung in bia nan ceih, kei cu ahohmanh bia ka ceih hna lo. 16 Bia ka ceih a si hmanh ah ka ceihmi cu ahmaan, zeitintiah keimah lawng nih ka ceih lo i a ka thlahtu he kan ceih. 17 Nan phung ah biatheitu pahnih an bia aa khah ahcun ahmaan tiah aa òial. 18 Keimah le keimah ka kong ka chim i a ka thlahtu Pa zong nih ka kong a ka chimpiak ve,” a ti hna. 19 Cucaah, “Khuazei ah dah na Pa cu a um?” an ti. Jesuh nih, “Keimah zong nan ka hngal lo, ka Pa zong nan hngal fawn lo; keimah ka hngal u law cu ka Pa zong nan hngalh ko hnga,” a ti hna. 20 Hi bia hi biakinn i a cawnpiak hna ah khan thawhlawm chiahnak hmun ah a chimmi a si; asinain ahohmanh nih an tlai lo, a caan a phanh deuh rih lo caah a si.

21 “Lodiam in ka kal lai, nan ka kawl lai i nan sualnak chungah nan thi lai. Keimah ka kalnak dingah cun nan ra kho lo,” a ti hna. 22 Judah mi hna nih cun, “Ka kal lainak ah cun nan kal kho lai lo, a ti hi amah le amah maw aa thah hnek?” an ti. 23 A thawh hna i, “Nannih cu tanglei mi nan si, kei cu cunglei mi ka si; nannih cu hi vawlei ta nan si, kei cu vawlei ta ka si lo. 24 Nan sualnak chungah nan thi lai kan ti hna; zeitintiah amah cu keimah hi ka si ti nan zumh lo ahcun nan sualnak chungah nan thi ko lai,” a ti hna. 25 Annih nih, “Aho hen, na si?” an ti. Jesuh nih, “A hramthawk tein kan chimh ko cang hna. 26 Nan kong hi chim le ceih awk tampi ka ngei rih, sihmanhsehlaw keimah a ka thlahtu cu ahmaan i amah sinin ka theihmi cu vawlei ah hin ka thanh chin,” a ti hna. 27 Pa kong a chimh hna kha an hngal thiam lo. 28 Cucaah Jesuh nih, “Mi Fapa cu nan tar tikah Keimah cu Keimah a simi ka si ti nan hngalh lai i keimah nawl in zeihmanh ka tuah lo, sihmanhsehlaw Pa nih a ka cawnpiak ningin ka chim. 29 Cun a ka thlahtu cu keimah he a um i keimah lawngin a ka kaltak bal lo, zeitintiah amah lungtongmi lawng ka tuah zungzal,” a ti hna. 30 Cuti a chim cun mi tampi nih an zumh.

31 Cun amah a zum cangmi Judah mi hna sinah cun Jesuh nih, “Ka bia ah nan hmunh ahcun a ka zultu taktak nan si; 32 Cun biatak cu nan hngalh lai i cu biatak nih cun an luatter hna lai,” a ti hna. 33 Annih nih, “Kannih cu Abraham hrinsor kan si i aho sal hmanh kan rak si bal lo. Zeitindah, ‘Luatter nan si lai’ na ti hi a si?” tiah an leh.

34 Jesuh nih a thawh hna i, “Biatakte kan chimh hna, sualnak a tuahmi kip cu sualnak sal a si. 35 Sal cu inn hlum zungzal ding a si lo; fapa tu cu a hlum zungzal ko lai. 36 Cucaah Fapa nih an luatter hna ahcun nan luat taktak ko lai. 37 Abraham hrinsor nan si hi ka hngalh ko; asinain thah nan ka zalh, zeitintiah ka bia cu nan chungah hmun a ngei lo. 38 Ka Pa sinin ka hmuhmi kha ka chim. Nannih zong nih nan pa sinin nan theihmi kha nan tuah,” a ti hna.

39 Annih nih, “Abraham cu kan Pa a si,” tiah an leh. Jesuh nih, “Abraham fale nan si ahcun Abraham tuahmi kha nan tuah awk a si. 40 Asinain Pathian sinin ka theihmi biatak a chimtu pa keimah kha atu ah thah nan ka zalh; Abraham nih cun cuticun a rak tuah lo. 41 Nan pa nih a rak tuahmi kha nan tuah,” a ti hna. An thawh òhan i, “Lakfa kan si lo; Pa pakhat lawng kan ngei, cucu Pathian a si,” tiah an ti. 42 Jesuh nih, “Pathian cu nan Pa rak si seh law cu nan ka dawt awk a si, zeitintiah Pathian sinin a chuak i a rami ka si; keimah nawl in ka ra lo, amah thlahmi ka si. 43 Zeicahdah ka chimmi hi nan hngalh khawh lo. Ka bia nan ngaih duh lo caah a si. 44 Nan pa khuachia hrin ciammam nan si caah nan pa duhnak tuah kha nan duhmi a si. A hramthawk tein lainawng a si i biatak ah a dir bal lo, zeitintiah a chungah biatak a um lo. Lih a chim tikah amah kotho khan a chim, zeitintiah mi lihchim a si i lih vialte pa a si. 45 Sihmanhsehlaw ahmaanmi ka chim i nan ka zum lo. 46 Nanmah lakah aho nih dah misual na si, nan ka ti? Biatak ka chim ko òung ahcun zeicahdah nan ka zumh lo? 47 Pathian mi a simi hna nih cun Pathian bia an ngaih tawn, nan ngaih lonak hi Pathian mi nan si lo caah a si,” a ti hna.

48 Judah mi nih cun, “Samaria mi na si i khuachia naa hrolh kan in ti hi ahmaan ko lo maw?” an ti. 49 Jesuh nih, “Khuachia kaa hrolh lo, sihmanhsehlaw ka Pa cu ka upat i nannih tu nih cun nan ka thlanglamh. 50 Asinain keimah sunlawinak ka kawl lo; sunlawih a kawlmi Pa a um i amah cu biaceihtu a si lai. 51 Biangaite kan chimh hna, ka bia a zummi paoh cu an thi bal lai lo,” a ti. 52 Judah mi nih cun, “Atu cu khuachia naa hrolh taktak ti kan hngalh cang. Abraham cu a thi, profet hna zong an thi ve; cun nang nih naa thawh i ‘Ka bia a zummi paoh cu an thi bal lai lo’ na ti. 53 A thimi kan pa Abraham nakin maw na ngan deuh? Profet hna zong an thi! Aho ah dah naa rel?” an ti. 54 Jesuh nih, “Keimah le keimah kaa sunlawih ahcun ka sunlawinak cu pakpalawng a si; a ka sunlawihtu cu ka Pa a si, cucu kan Pathian a si, nan ti. 55 Asinain amah cu nan rak hngal lo, kei nih cun ka hngalh. Ka hngal lo ti ning law nanmah bantuk lihchimmi ka si hnga; sihmanhsehlaw amah cu ka hngalh i a bia zong ka ngaih. 56 Nan Pa Abraham kha ka rat lainak a hmuh lai kha a rak i lawm, a hmuh i a tha a nuam,” tiah a leh hna. 57 Cun Judah mi hna nih cun, “Kum sawm nga hmanh na ti deuh rih lo i Abraham maw na hmuh?” an ti. 58 Jesuh nih, “Biangaite kan chimh hna, Abraham hlan in ka rak um cang,” a ti hna. 59 Cucaah lung an i char i cheh an timh; asinain Jesuh cu aa thup i biakinn cun a chuak diam.