3
1 Nikodemu timi mi pakhat a um. Judah mi uktu, Farasi mi hna bu chung mi a si.
2 Cu pa cu zan ah Jesuh sinah a ra i, “Cawnpiaktu, Pathian thlahmi cawnpiaktu na si kan hngalh. Pathian a sinah a um lo ahcun ahohmanh nih na tuahmi hmelchunhnak hi a tuah kho hnga lo,” a ti.
3 Jesuh nih cun hitihin a leh, “Biatakte kan chimh, ahohmanh a thar in hrin a si lomi cu Pathian pennak a hmu kho lai lo,” a ti.
4 Nikodemu nih a thawh i, “Zeitindah upapi nih hrin a si khawh ti lai? A nu paw chungah a voi hnihnak lut in hrin a si kho hnga maw?” a ti.
5 Jesuh nih hitihin a leh, “Biatak tein ka chim, ahohmanh ti le Thlarau in hrin a si lo ahcun Pathian pennak ah a lut kho lo.
6 Thisa in hrinmi cu thisa a si i Thlarau in hrinmi cu thlarau a si.
7 A thar in hrin na si awk a si, ka ti tikah na khuaruahhar hlah.
8 Thli cu a duhnak lei paoh ah a hrang i a thawng cu na theih, sihmanhsehlaw khoika in dah a rat i khoika ah dah a kal ti na hngal lo; Thlarau in hrinmi kip cuticun a si,” a ti.
9 Nikodemu nih, “Cucu zeitindah a si khawh lai?” tiah a ti.
10 Jesuh nih, “Israel cawnpiaktu na si ko nain maw cucu na hngalh khawh lo?
11 Biatakte kan chimh, kan hngalhmi kha kan chim i kan hmuhmi kongah hngaltu kan si, sihmanhsehlaw kan hngalhmi kha na pom lo.
12 Vawlei thil kan chim i na zumh lo ahcun van thil in chim ning law zeitindah na zumh khawh lai?
13 Mi Fapa van in a rung òummi dah ti lo cu van ah ahohmanh an kai bal lo.
14 Moses nih ram lakah rul a rak tar bantuk khan Mi Fapa zong hi tar a si ve lai;
15 cucu a zummi paoh nih nuncang hmunhnak an hmuh khawh nakhnga caah a si,” a ti.
16 Zeitintiah Pathian nih vawlei hi a dawt tuk caah a Fapa ngeihchunte kha a pek, amah a zummi paoh cu loral loin nuncang hmunhnak an hmuh khawh nakhnga caah a si.
17 Pathian nih a Fapa vawlei i a run thlahnak cu vawlei hlawt awkah si loin vawlei hi amah thawngin khamh a si khawh nakhnga caah a si.
18 Amah a zummi paoh cu hlawt an si lo. A zum lomi tu cu hlawt an si cang, zeitintiah Pathian Fapa ngeihchun min an zumh lo caah a si.
19 Biaceih an i huahnak cu hitihin a si: ceunak cu vawlei ah a rung i mi nih ceunak nakin muihnak an duh deuh; zeitintiah an tuahmi hna cu a òha lo.
20 Òhat lonak a tuahmi paoh nih ceunak cu an huat tawn i ceunak zongah an ra lo, an tuahmi kha a lang sual lai ti an phang.
21 Ahmaanmi a tuahmi cu ceunak ah cun an ra tawn, Pathian duhning in an tuahmi kha a langh nakhnga caah a si.
22 Cu hnuah cun Jesuh le a hnuzul hna cu Judea ram ah an kal, cuka ahcun caan tlawmpal a umpi hna i baptisma a pek hna.
23 Johan zong nih Salim pawng Aenon ah baptisma a pek ve hna, zeitintiah ti tampi a um; mi an ra i baptisma an ra ing.
24 Cu lioah cun Johan cu thong ah thlak a si rih lo.
25 Johan zultu hna le Judah mi hna cu kholhòawlnak kong an rak i al.
26 Johan sinah an ra i, “Cawnpiaktu, Jordan ral i na sinah a rak ummi, a kong na chimmi nih khan baptisma a pek ve hna i mi vialte nih an fuh len ko,” an ti.
27 Johan nih, “Vancung in pek a si lo ahcun ahohmanh nih zeihmanh a hmu kho lo.
28 Kei cu Khrih cu ka si lo, a hmaiah kal chung dingin thlahmi tu ka si, ka ti kha nanmah hrimhrim nih nan ka theih ko òung.
29 Va ngei lai ngaknu cu a òhitupa ta a si. Nupi òhitu kawi cu innka ah a dir i nupi òhitu aw a theih tikah khan a lung aa lawm, cu bantukin kei zong ka lawmhnak cu a tling cang.
30 Anih cu a òhangcho lai, kei tu cu ka zorchuk lai,” a ti hna.
31 Cunglei in a rung òummi cu aho nak hmanh in a cungnung deuh. Vawleimi cu vawlei ta a si i vawlei thil a chim; cunglei in a rungmi cu zeizong vialte cungah a um.
32 Anih nih cun a hmuhmi le a theihmi kha a chim, asinain ahohmanh nih a chimmi kha an pom lo;
33 a chimmi a cohlangtu nih cun Pathian cu ahmaanmi a si ti kha an langhter.
34 Pathian thlahmi nih cun Pathian bia a chim tawn, zeitintiah Thlarau cu Pathian nih tah theng in a pe lo.
35 Pa nih a Fapa cu a dawt caah a kut ah zeizong vialte a chiah.
36 A Fapa a zummi paoh nih nuncang hmunhnak a ngeih. Fapa nawl a ngai lomi paoh cu nunnak a hmu lai lo; Pathian thinhunnak tu kha a cungah a tlung lai.