20
(Mat 28:1-10; Mar 16:1-8; Luk 24:1-12)
Zarh a hmasa bik ni, khua a dei hlan deuh ah Magdala khuami Mary cu tuante ah thlan ah a kal i thlankhar a rak i thawn kha a hmuh. Cucaah a tli i Simon Peter le a hnuzul dang pakhat, Jesuh nih a dawtmi sinah khan, “Bawipa cu thlan khan an lak diam i khuazei ah an chiah ka hngal lo,” a va ti. Peter cu a hnuzul dang he khan an va chuak i thlan leiah cun an kal. An pahnih cun an tli i a hnuzul dang pakhat nih khan Peter cu a lonh i thlan cu a va phan hmasa; kun in a hei bih i ruak zualnak puan a rak um ko kha a hmu nain a chungah cun a lut lo. Cun Simon Peter cu a hnu deuh ah a hung phan ve i a va lut, ruak zualnak puan zong a um ko kha a hmuh; a lu an rak khuhmi puan kha ruak zualnak puan sinah um loin a dang tein aa bil i a um. Thlan i a phan hmasami hnuzul dang zong kha a va lut ve. Cucu a hmuh caah a zumh. Cathiang nih thihnak in thawhter a si lai a timi kha an hngalthiam rih lo. 10 Cun a hnuzul hna cu an inn ah an òin.
11 Sihmanhsehlaw Mary cu thlan lengah a dir i a òap. Òah pah cun a kun i thlan chung cu a hei bih. 12 Puan rang aih in vanmi pahnih Jesuh ruak a rak umnak a lu leiah pakhat a ke leiah pakhat an òhut ko kha a hmuh hna. 13 “Minu, zeicahdah na òah?” an ti. Mary nih, “Ka Bawipa kha an lak i khuazei ah dah an chiah ti ka hngalh lo caah a si,” a ti. 14 Cuti a chim dih cun a hnulei ah a hun i mer i Jesuh a dir ko kha a hmuh, Jesuh a si ti cu a hngal lo. 15 Jesuh nih cun, “Minu, zeicahdah na òah, ahodah na kawl?” a ti. Dum zohtu ah a rel i, “Saya, na lak a si ahcun na chiahnak rak ka chim law keimah nih ka kalpi lai,” a ti. 16 Jesuh nih, “Mary,” tiah a auh. A hun i her i Hebru holh in, “Rabboni,” a ti. (Cucu cawnpiaktu tinak a si.) 17 Jesuh nih, “Rak ka tlai hlah, ka Pa sinah ka kai rih lo; ka unau hna sinah va kal deuh law, ka Pa le nan Pa, ka Pathian le nan Pathian sinah ka kai lai, a ti tiah va chim hna,” a ti. 18 Magdala mi Mary cu a hnuzul hna sinah cun a kal i, “Bawipa ka hmuh,” a va ti. A chimmi bia zong kha a chimh hna.
(Luk 24:36-43; 1 Kor 15:5)
19 Cu ni a zanlei, zarh a ni hmasa bik ni ah cun a hnuzul hna cu Judah mi òih ah innka an i khar khumh. Jesuh cu a ra i an lakah a ra dir. “Nan cungah daihnak um ko seh,” a ti. 20 Cuti a chim dih cun a kut le a hnak a hmuhsak hna. Bawipa an hmuh cun a hnuzul hna cu an i lawm tuk hringhran. 21 Jesuh nih, “Nan cungah daihnak um ko seh. 22 Ka Pa nih a ka thlah bantukin nannih zong kan thlah ve hna,” a ti òhan hna. Cuti a chim dih cun a thaw in a chem hna i, “Thiang Thlarau hmu cang u, 23 an sual nan ngaihthiammi paoh cu ngaihthiam an si; nan ngaihthiam lomi hna paoh cu ngaihthiam lo an si,” a ti.
24 Hleihnih lak i pakhat, faphir timi Thomas cu Jesuh a rat ah khan an sinah a tel ve lo. 25 Cucaah hnuzul dang hna nih, “Bawipa kan hmuh,” tiah an chimh. Sihmanhsehlaw anih nih cun, “A kut ah thirkhenhnak neh ka hmuh i a hmape kha ka kutdong in ka tongh i, a hnak zong ka tongh hlan ahcun ka zum lai lo,” a ti hna.
26 A hnu ni riat ah a hnuzul hna cu inn chungah an um òhan i Thomas zong aa tel ve. Innka aa khar dih; sihmanhsehlaw Jesuh cu a ra i an lakah a ra dir i, “Nan cungah daihnak um ko seh,” a ti. 27 Thomas cu a thawh i, “Na kutdong cu hika ah hin chia law ka kut hi zoh; na kut rak chuah law ka hnak hi rak tawng; lungawòawm in um ti hlah, zum ko,” a ti. 28 Thomas nih cun, “Ka Bawipa le ka Pathian,” tiah a ti. 29 Jesuh nih, “Na hmuh caah maw na zumh? A hmu lo nain a zummi cu mithluachuak an si,” a ti.
30 A hnuzul hna hmuh hngan ah Jesuh nih khuaruahhar hmelchunhnak, hi cauk ah òial lomi a dang tampi a tuah. 31 Jesuh cu Khrih a si i Pathian Fapa a si ti nan zumh nakhnga le nan zumh caah a min in nunnak nan ngeih nakhnga caah hihi òial a si.