1 “Nan tlukrilh lonak dingah hi bia hi ka chim; 2 Sinakok in an in chuah hna lai. An thattu hna nih Pathian rian ka òuan tiah a ruah caan a phan lio. 3 Ka Pa an hngalh lo ca le keimah zong an ka hngalh lo caah hi thil hna hi nan cungah an tuah lai. 4 Mah hna an caan cu a phanh tikah kan chimh cangmi hna kha nan lung ah a pem nakhnga caah hi thil hna hi kan chimh hna.

“A thawkter tein hi thil hna hi kan chimh hna lonak cu nan sin i ka um caah a si. 5 Sihmanhsehlaw atu cu a ka thlahtu sinah ka kal cang lai; nan lak i ahohmanh nih ‘Khuazei ah dah na kal lai?’ tiah nan ka hal rih lo. 6 Hiti kan chimh hna caah hin nan lungthin cu ngaihchiatnak in a khat. 7 Si ko hmanh seh law biatak tein ka chim, ka kal lai hi nan ca òhat deuhnak ah a si, zeitintiah ka kal lo ahcun nan caah òanpitu cu a ra hnga lo; asinain ka kal ahcun nan sinah ka rak thlah lai. 8 A rat tikah cun sualnak le dinnak le biaceihnak kha hi vawlei hi fiang tein a hngalhter lai; 9 sualnak kongah an palhnak cu keimah an ka zumh lo caah a si; 10 dinnak kongah an palhnak cu Pa sinah ka kal lai i nan ka hmuh ti lai lo caah a si; 11 biaceihnak kongah an palhnak cu hi vawlei pengtu hi biaceih a si cang caah a si.

12 Nan sinah chim awk tampi ka ngei ko rih, asinain atu ah cun nan cing cawk hnga lo. 13 Biatak Thlarau a rat tikah cun a biatak ah an hruai hna lai; amah nawl in a chim lai lo i a theihchinmi kha a chim lai i a ra laimi thil kong kha an thanh hna lai. 14 Keimah ka ta a simi kha a lak i nan sinah a fianter laimi nih khan a ka sunlawiter lai. 15 Pa nih a ngeihmi vialte cu ka ta an si; cucaah ka ta paoh a lak lai i nan sinah a fianter lai, ka tinak cu a si.

16 “A rauh hlanah nan ka hmu ti lai lo, cun a rauh hlan lila ah nan ka hmuh òhan lai,” a ti hna. 17 A hnuzul acheu hna nih, “A kan chimhmi hi zei hen a si? ‘A rauh hlanah nan ka hmu lai lo, cun a rauh hlan lila ah nan ka hmuh òhan lai,’ a timi le ‘Pa sinah ka kal lai caah a si,’ a timi hi?” tiah pakhat le pakhat an i ceih. 18 “A rauh hlanah, a timi hi zeidah a si? Zei a chim duhnak a si kan hngal lo?” an ti. 19 Jesuh nih bia hal an duh kha a hngalh caah, “A rauh hlanah nan ka hmu ti lai lo i a rauh hlan lila ah nan ka hmuh òhan lai, ka timi kha maw pakhat le pakhat nan i hal? 20 Biangaite kan chimh hna: nan òap nan ai lai nain vawlei cu a lawm lai. Nan ngaih a chia lai nain nan ngaihchiatnak kha lunglawmhnak ah a cang lai. 21 Minu pakhat a ngan a fah tikah a ngaih a chia, zeitintiah amah caan kha a phan, sihmanhsehlaw nau aa òhen tikah cun lunglawmhnak in naute cu hi vawlei ah a hmuh cang caah a temhnak kha a lung ah a cam ti lo. 22 Cu bantuk cun atu hi nan ngaih a chia ko nain kan hmuh òhan hna lai i cu tikah cun nan lung aa lawm lai i ahohmanh nih nan i lawmhnak cu an in chut kho hna lai lo. 23 Cu caan ahcun zeihmanh nan ka hal lai lo. Biangaite kan chimh hna: Pa sinah nan halmi paoh cu ka min in an pek hna lai. 24 Atu tiang cu ka min in zeihmanh nan hal rih lo, hal u law cu nan hmuh hnga; cuticun nan i lawmhnak cu a tling lai.

25 “Atu cu a thluamthlam lawngin kan chimh hna; a thluamthlam si loin hlangfang tein Pa kong kan chimhnak hna caan a phan lai. 26 Cu ni ahcun keimah min in nan hal lai; Pa sinah nan caah kan halpiak hna lai kan ti hna lo; 27 zeitintiah Pa amah hrimhrim nih an dawt ko hna, keimah kha nan ka dawt i Pa sinin a ra ti kha nan ka zumh caah a si. 28 Pa sinin ka ra i hi vawlei cungah hin ka rung; vawlei hi ka kaltak lai i Pa sinah ka kal òhan lai,” a ti.

29 A hnuzul hna nih, “A! atu cu a thluamthlam si loin hlangfang tein na chim. 30 Atu cu zeizong vialte na hngalh ti kan hngalh i hal awk zeihmanh kan in ngei ti lo; cucaah Pa sinin na ra ti kan zumh cang,” an ti. 31 Jesuh nih a leh hna i, “Atu cu nan zumh cang mu? 32 Nanmah le nan inn cio ah nan i òhek dih caan a phan lai, a phanh hmanh a phan ko cang. Keimah lawngin nan ka kaltak lai, asinain keimah lawng cu ka si lo, Pa ka sinah a um ko. 33 Hiti kan chimhnak hna hi keimah ah daihnak nan ngeih nakhnga caah a si. Vawlei ah hin harnak nan tong ko; si ko hmanh seh law i lawm ko u, vawlei ka tei cang,” a ti hna.