11
Lazaruh timi pa, Mary le a unaunu Martha umnak Bethani khuami, a rak zaw. Mary cu Bawipa chiti a thuh i a sam in a ke a hnawttu kha a si i a zawmi Lazaruh cu a òa a si. Unau hna nih cun bia an hei cah i, “Bawipa, na dawtmi pa kha a zaw,” an va ti. Sihmanhsehlaw Jesuh nih a theih tikah, “Hi zawtnak hi thihnak tiang a si lo; Pathian lianhngannak langhnak caah a si i cu thawng cun Pathian Fapa a sunpar nakhnga caah a si,” a ti hna.
Jesuh nih Mary le a unau Martha le Lazaruh cu a dawtmi hna an si. Cucaah Lazaruh a zaw ti a theih ko nain a umnak khua ah cun ni hnih a hlei in a cam. Cu hnuah a hnuzul hna sinah cun, “Judea ah kal òhan u sih,” a ti hna. A hnuzul hna nih cun, “Cawnpiaktu, Judah mi nih atu nai ah lung in cheh an in tim ko nain maw cuka ah cun na kal òhan lai?” an ti. Jesuh nih, “Ni khat ah suimilam hleihnih a um lo maw? Chun ah a kalmi cu a tlu ril lo, zeicahtiah hi vawlei ceunak kha a hmuh. 10 Sihmanhsehlaw zan ah a kalmi cu a tlu tawn; zeitintiah a chungah ceunak a um lo,” a ti hna. 11 Cucu a chim dih cun an sinah, “Ka hawi Lazaruh cu aa hngilh; ka va kal lai i ka va hlauh lai,” a ti. 12 A hnuzul hna nih an thawh i, “Bawipa, aa hngilh a si ahcun aa hlau te ko lai,” an ti. 13 Jesuh nih Lazaruh thihnak kha a chimmi a si ko nain i hngilh sawhsawh khi a chim duhmi a si, tiah an ruah. 14 Cun Jesuh nih fiang tein a chimh hna. “Lazaruh cu a thi; 15 nan zumh khawh nakhnga nanmah caah cun khika i ka rak um lo kha ka lawm. Amah sinah cun kal u sih,” a ti hna. 16 Faphir timi Thomas nih a hnuzul a hawile hna sinah, “Amah sin va thih awkin kannih zong kal ve u sih,” a ti hna.
17 Jesuh a va phanh ah cun Lazaruh cu thlan ah ni li a um cang, ti a hngalh. 18 Bethani cu Jerusalem pawngte ah a si i khan hnih hrawng lawng a hla; 19 cucaah an òa kongah Martha le Mary hnemh dingin Judah mi tampi cu an ra. 20 Martha nih Jesuh a ra lio ti a theih tikah a kal i a va don; Mary cu inn ah a rak um. 21 Martha nih Jesuh cu, “Bawipa, hika ah hin rak um law cu ka òa hi a thi hnga lo. 22 Atu hmanh ah hin Pathian sinah na halmi paoh cu Pathian nih an pek ko lai ti ka hngalh,” a ti. 23 Jesuh nih, “Na òa cu a tho òhan lai,” a ti. 24 Martha nih a leh i, “A donghnak ni thawhòhannak ah cun a tho òhan lai ti cu ka hngalh ko,” a ti. 25 “Keimah hi thawhòhannak le nunnak cu ka si; a ka zummi cu thi hmanh seh law a nung lai; 26 a nung i keimah a ka zummi paoh cu a thi bal ti lai lo. Cucu na zum maw?” tiah Jesuh nih a ti. 27 “A si Bawipa, vawlei ah a ra laimi Khrih Pathian Fapa cu na si ti ka zumh,” a ti.
28 Cuti a chim hnu cun Martha cu a va kal i a unaunu Mary kha a va auh, “Cawnpiaktu hika ah hin a um i an auh,” tiah din tein a va ti. 29 A theih in a tho zau i a sinah cun a va kal. 30 Jesuh cu khua a phan rih lo, Martha nih a va donnak ah khan a rak um ko rih. 31 A sin i inn ah amah hnemh awkin a um komi Judah mi hna nih khan Mary a thawh duak i a kal kha an hmuh tikah, thlan ah a va òap lai tiah an ruah caah an tho i an zulh. 32 Mary cu Jesuh umnak a va phan i a hmuh cun a ke hramah a bok i, “Bawipa, hika ah hin rak um law cu ka òa hi a thi hnga lo,” a ti. 33 Mary a òah i a sinah a rami Judah mi zong an òah ve kha Jesuh nih a hmuh tikah a lung a suk i a hnarno a òam. 34 “Khuazei ah dah nan vui?” a ti hna. “Bawipa, ra law zohhmanh,” an ti. 35 Jesuh cu a òap. 36 Cucaah Judah mi hna nih, “Zohhmanh u, zeitluk in dah Lazaruh hi a dawt!” an ti. 37 Sihmanhsehlaw an lak i acheu hna nih, “Mitcaw khua a hmuhter khotu pa nih cun hi pa hi thi loin a tuah kho hnga lo maw?” an rak ti.
38 Jesuh cu a lung a hno tuk i thlan ah cun a va kal. Lungkua a si i a cungah lung aa chin. 39 Jesuh nih, “Lung hi thawn u,” a ti hna. A thimi a farnu Martha nih, “Bawipa, atu ah cun a nam cang lai, a thihnak in ni li a si cang,” a ti. 40 Jesuh nih, “Na zumh ahcun Pathian lianhngannak na hmuh lai ka rak in ti lo mei?” tiah a ti. 41 Cun lung cu an thawn. Jesuh nih van lei zoh in, “Ka Pa, na ka theihpiak tawn caah kan lawmh. 42 Na ka theihpiak zungzal kha ka hngalh, sihmanhsehlaw ka pawng i a dirmi hna nih hin na ka thlahmi ka si hi an zumh khawh nakhnga caah ka chimmi a si,” a ti. 43 Cuti a chim dih cun fakpi in a au i, “Lazaru, ra chuak!” a ti. 44 Mithi pa cu a ra chuak. A kut le a ke puan thlehmi in aa òem i a hmai kha puan in aa tuam. Jesuh nih, “Phoih u law kal seh,” a ti hna.
Jesuh Thah An Timh
45 Mary he a rami Judah mi tampi nih a tuahmi cu an hmuh i an zumh; 46 sihmanhsehlaw acheu Farasi hna sinah an va kal i Jesuh nih a tuahmi cu an va chimh hna. 47 Cucaah tlangbawi upa hna le Farasi hna nih khawngsil upa kha an pumh hna i, “Zeitinhen kan tuah ual lai? Mah pa nih hin hmelchunhnak tampi a tuah. 48 Hiti kan thlahthlam ah hin cun mi kip nih an zumh lai i Rom mi hna an ra lai i kan hmunthiang le kan miphun an hrawh dih hna lai,” an ti. 49 Sihmanhsehlaw an lak i pakhat, cu kum i tlangbawi zik a òuanmi Kaiafas nih khan, “Zeihmanh nan hngal lo hi ta; 50 zapi caah mi pakhat a thih i miphun pumpi a lohral lo kha nan caah a òha deuh ti hmanh nan hngalh lo,” a ti hna. 51 Hihi amah lung chuak in a chimmi a si lo. Cu kum ah cun amah hi tlangbawi zik a si caah Jesuh cu an miphun aiawh in a thihnak ding kong a chim chungmi a si; 52 an miphun ca lawngah a si lo, vawlei cung pumpuluk ah aa òhekdarh cangmi Pathian fale hna pumhkhawmh òhan ding ca zongah a si. 53 Cu ni thawk cun amah thah awkah khua an khang.
54 Cucaah Jesuh cu langhngan in Judah mi hna sinah a tlongleng ti lo. Cuka cun ramcar pawng Efrim timi khua pakhat ah a kal i a hnuzul hna he an va um.
55 Judah mi hna Lanhtak Puai a nai cang; khuate leiin Jerusalem ah Lanhtak Puai hlanah thian i cheh awkin an hung kal. 56 Jesuh kha an kawl i biakinn chungah dir buin pakhat le pakhat, “Zeitindah na ruah? Puai ah hin a ra hnga lo maw?” tiah an i ceih. 57 Tlangbawi upa hna le Farasi hna nih Jesuh an tlaih khawh nakhnga a umnak a hngalmi paoh nih an sin i chim dingin nawl an pek hna.