1 “Biangaite in ka chim, tuukawmka in a lut lo i ka dang in a kai i a lutmi paoh cu mifir le miroktu an si; 2 sihmanhsehlaw kutka in a lutmi cu tuukhaltu a si. 3 Anih cu innka cawngtu nih cun innka a hunpiak; tuu zong nih a aw an theih i a tuu cu an min cio in a auh hna, a chuah hna i a hruai hna. 4 Amah ta cu a chuahpi dih hna tikah hmai a sak hna i tuu nih khan an zulh, zeitintiah tuu nih khan a aw an hngalh. 5 Mising cu an zul lo i a tlik in an tliktak, zeitintiah mising aw cu an hngal lo,” tiah a ti. 6 Cu tahchunhnak cu Jesuh nih a hmang nain zei a chimh hna ti awk an hngal lo.

7 Cucaah Jesuh nih a chimh òhan hna. “Biangaite kan chimh hna, keimah hi tuukawmka ka si. 8 Keimah hlan i a rami vialte hna kha cu mifir le rokhmangmi an si, sihmanhsehlaw tuu nih a nawl an zul lo. 9 “Keimah hi innka cu ka si, keimah in a lutmi paoh cu a him lai; cun a lut a chuak lai i ramhningno a hmuh lai. 10 Mifir cu fir awk le thah awk le hrawh awk lawngah an ra; kei cu nunnak an hmuh nakhnga le duhdim in an nun khawh nakhnga caah ka ra. 11 Keimah cu tuukhal òha ka si. Tuukhal òha nih cun a tuu caah a lu a hloh. 12 Hlanchommi le tuukhal a si lomi, tuu zong amah ta a si lomi nih cun cenghngia a rat a hmuh tikah a kaltak hna i a zam; cenghngia nih tuu kha a seh tawn hna i a òhenòhek dih hna. 13 Hlanchommi a si caah tuu zawnruahnak a ngei lo i a zamtak hna. 14 Keimah cu tuukhal òha ka si, ka ta cu ka hngalh hna i ka ta nih cun an ka hngalh ve. 15 Pa nih a ka hngalh bantukin keimah zong nih ka Pa ka hngalh i ka tuu caah ka lu ka hloh. 16 Hi run chungah a tel lomi tuu ka ngei rih, annih zong hika ah hin ka ratpi hna lai i ka aw an ngaih lai. Cucaah tuu run pakhat tuukhal pakhat an si lai. 17 Cu ruangah cun Pa nih a ka dawt, zeitintiah lak òhan awkin ka nunnak ka pek caah a si. 18 Ka sinin ahohmanh nih an la ti lai lo, zeitintiah keimah lungtho tein ka pek. Pek khawhnak nawl ka ngei, lak khawhnak nawl zong ka ngei; òuanvo cu Pa sinin ka hmuhmi a si,” a ti hna.

19 Cu bia ruangah cun Judah mi hna lakah òhennak a um òhan. 20 Mi tampi nih, “Khuachia aa hrolh ko i a hrut, ziah a bia cu kan ngaih lai?” an ti. 21 Midang nih, “A bia hi khuachia hrolhmi kaa chuak dawh a si lo. Khuachia nih cun mitcaw a mit a auter kho hnga maw?” an ti.

22 Jerusalem ah pekchanhnak puai caan a si; 23 khuasik caan a si i Jesuh cu biakinn chung Solomon innleng ah khan aa chawk. 24 Cucaah Judah mi hna nih an kulh i, “Zei can tiang dah i laklawh in na kan chiah lai? Khrih na si ahcun hlangfang tein kan chim ko,” an ti. 25 Jesuh nih, “Kan chimh ko cang hna i nan zum lo. Ka Pa min in ka òuanmi rian hna nih hin keimah kong an fianter ko. 26 Sihmanhsehlaw nan zum lo, zeitintiah ka tuurun chungtel nan si lo caah a si. 27 Ka tuu nih cun ka aw an theih, ka hngalh hna i ka hnu an ka zulh; 28 cun nuncang hmunhnak ka pek hna i an loral bal ti lai lo i ahohmanh nih ka kut chungin an ka chut kho fawn lai lo. 29 Annih sinah a ka petu ka Pa cu mi vialte nakin a ngan deuh caah ahohmanh nih Pa kut chung khan an chut kho lo. 30 Ka Pa le kei cu pakhat kan si,” a ti.

31 Judah mi nih amah cheh awkin lung an i char òhan. 32 Jesuh nih a thawh hna i, “Pa sinin rian òha tampi kan hmuhsak cang hna; mah ruangah cun maw lung in nan ka cheh lai?” tiah a ti hna. 33 Judah mi hna nih, “Rian òha ruangah kan in chep lo, Pathian thangchiat ruang tu ah a si; zeitintiah minung a si komi nangmah nih hin Pathian ah naa ser,” an ti. 34 Jesuh nih, “Nan phung ah khan, ‘pathian nan si kan ti hna,’ ti aa òial lo mei kha?” a ti hna. 35 “Pathian bia an sinah a phanmi hna cu, pathian hna, a ti hna ahcun (Cathiang cu hrawh phung a si lo), 36 Pa nih a pekchanh i vawlei ah a thlahmi nih, ‘Pathian Fapa ka si’ ka ti ruangah ‘Pathian na thangchiat,’ nan ti lai tih? 37 Ka Pa rian a òuanmi ka si lo ahcun rak ka zum hlah u; 38 sihmanhsehlaw ka òuan ko a si ahcun nan ka zumh lo hmanh ah ka rianòuanmi cu zum u law Pa cu ka chungah a um i keimah zong Pa chungah ka um ti kha nan hngalh lai i nan theihthiam lai,” a ti hna. 39 Cun tlaih an tim òhan nain an kut chung cun a luat.

40 Johan nih baptisma a rak pek hmasa hna nak hmun Jordan ral ah khan a kal diam òhan i cuka ah cun a va cam. 41 Mi tampi a sinah an ra i, “Johan nih hmelchunhnak a tuah lo nain Hi pa kong a chimmi vialte kha cu a hman,” tiah an ti. 42 Cun cuka ah cun mi tampi nih an zumh.