JOHAN
Òialmi Thawngòha
1
Bia Cu Titsa Ah A Cang
(Gen 1.1—2.4a)
A hramthawk ah Bia a um, cu Bia cu Pathian sinah a um i cu Bia cu Pathian a si. Amah cu a hramthawk in Pathian sinah a um; amah thawngin thil vialte ser a si. Sermi thil paoh amah loin zeihmanh sermi a um lo. Amah ah cun nunnak a um i cu nunnak cu minung caah ceunak a si. Cu ceunak cu mui lakah a rung ceu i muihnak nih cun a hmit kho lo.
Pathian nih a run thlahmi mi pakhat a um i a min ah Johan a si i amah thawngin mi vialte nih an zumh khawh nakhnga ceunak hngalhtertu a si. Amah cu ceunak cu a si lo, ceunak hngalhtertu ah a rami a si.
Ceunak taktak, a mi kip ceutertu cu hi vawlei ah hin a ra lai. 10 Amah cu vawlei ah hin a um i vawlei hi amah in sermi a si; asinain, vawlei nih cun a hngal lo. 11 Amah innlo ciacia ah a ra ko nain amah mi hna hrimhrim nih an rak pomhlawm lo. 12 Amah a pomhlawmmi hna vialte, a min a zummi hna paoh cu Pathian fa si khawhnak nawl a pek hna; 13 cu hna cu thisen in hrin an si lo, taksa duhning zongin a si lo i minung duhning zongin a si fawn lo, Pathian hrinmi tu an si deuh.
14 Cu Bia cu thisa ah a cang i kan lakah khua a sa; vel le biatak in a khat; a sunparnak kan hmuh i cucu Pa nih a Fapa ngeihchun a pekmi sunparnak kha a si. 15 Johan nih a kong a hngalhternak ah, “ ‘Ka hnuah a ra laimi cu keimah nakin a ngan deuh, zeitintiah keimah hlanah a rak um cang,’ ka timi kha amah hi a si,” tiah a au. 16 A tlamtlinnak in a vel cu a thuatthuat in kan hmuh. 17 Phung cu Moses sinin pek a si i vel le biatak tu cu Jesuh Khrih sinin a rami a si. 18 Pathian cu ahohmanh nih an hmu bal lo; Pa òang chungah a ummi Fapa pakhat lawng nih a hun langhter.
19 Jerusalem khua i Judah mi hna nih Johan sinah, “Ahodah na si?” ti va hal awkin tlangbawi le Levi mi hna an thlahmi hna sinah a rak lehnak hna cu, 20 pheh lo tein a rak i phuang i, “Kei cu Khrih cu ka si lo,” a ti. 21 “Asiloah, ahodah na si kun? Elijah na si maw?” tiah an hal tikah, “Ka si lo,” tiah a leh hna. “Profet maw na si?” an ti tikah, “Ka si lo,” tiin a leh òhiamòhiam hna. 22 Annih nih, “Ahodah na si kun? A kan thlahtu hna sin chim awkah bia kan let tuah. Nangmah kong ah zeidah na chim lai?” an ti. 23 Anih nih, “Profet Isaiah nih, ‘Bawipa lam kha dinter u,’ tiah a chimmi, ramcar i a aumi kha ka si,” a ti hna.
24 Lamkal hna cu Farasi hna nih an thlahmi hna an si. 25 “Khrih zong na si lo, Elijah zong na si lo i profet zong na si fawn lo ahcun zeicahdah baptisma na pek kun?” tiah an hal. 26 Johan nih a thawh hna i, “Kei nih cun ti in baptisma ka pek, sihmanhsehlaw nan lakah nan hngalh lomi pakhat a um. 27 Amah cu ka hnu in a ra lai i kei cu a kedan hri phoihtu hmanh ah ka tlak lo,” a ti hna. 28 Cucu Johan baptisma peknak, Jordan tiva ral Bethani khua ah khan a si.
29 A thaizing ah Jesuh cu amah lei i a rat kha a hei hmuh i, “Zohhmanh u, Pathian Tuufa, vawlei sualnak a kalpitu khi! 30 Khi pa khi dahkaw, ‘Ka hnuah a ra laimi cu keimah nakin a ngan deuh, zeitintiah keimah hlanah a rak um cangmi a si,’ ka timi kha a si cu; 31 keimah zong nih ka rak hngal lo; sihmanhsehlaw Israel mi hna sinah langhter a si khawh nakhnga, ti in baptisma pek awkah ka ratnak cu a si,” a ti. 32 Johan nih a chimhmi hna cu, “Thlarau cu òhuro bantukin van in a rung òum i a cungah aa fut kha ka hmuh. 33 Amah cu ka rak hngal lo, sihmanhsehlaw ti in baptisma pek awkin a ka thlahtu nih khan, ‘Thlarau a rung òum i a cungah aa fut peng ko na hmuhmi pa kha Thiang Thlarau in baptisma petu ding cu a si,’ a ka ti. 34 Cucu ka hmuh cang i amah cu Pathian Fapa kha a si, tiah kan hngalhter hna,” a ti.
35 A thaizing ah Johan cu a zultu pahnih hna he an dir ko; 36 Jesuh a kal kha an hei hmuh i, “Zohhmanh u, Pathian Tuufa khi!” a ti. 37 A zultu pahnih hna nih cun a chimmi cu an theih i Jesuh cu an zulh. 38 Jesuh cu a rak i her i an zulh kha a hmuh hna tikah, “Zeidah nan kawl?” a ti hna. An i thawh i, “Rabbi (cawnpiaktu tinak a si) khoika ah dah na um?” an ti. 39 “Ra u law ra zoh ngat u,” a ti hna. An va kal i a umnak cu an hmuh, cu ni cu a sinah an cam, zeitintiah zanlei suimilam pali hrawng a si cang. 40 Johan biachim a thei i Jesuh a zulmi pahnih hna lak i pakhat cu Peter unaupa Andru a si. 41 A hmasa bik ah a unaupa Simon Peter kha a va kawl i a va hmuh, “Messiah kan hmuh cang,” a ti, (cucu Khrih tinak a si). 42 Simon cu Jesuh sinah a ratpi. Jesuh nih cun a zoh i, “Nangmah hi maw Johan fapa Simon cu na si? Sifas ti na si cang lai,” a ti. (Cucu Peter tinak a si.)
43 Jesuh cu a thaizing ah cun Galilee ah kal aa tim. Filip kha a hmuh i, “Rak ka zul,” a ti. 44 Filip cu Bethsaida khuami a si i cucu Peter le Andru hna an khua kha a si. 45 Filip nih Nathanael a va hmuh i a sinah, “Moses le profet hna nih phung ah an rak òialmi pa kha kan hmuh cang. Nazareth khuami Jesuh, Josef fapa a si,” a ti. 46 Nathanael nih a thawh i, “Nazareth in a òhami thil zei tal a chuak kho hnga maw?” a ti. Filip nih, “Ra law ra zoh ngat,” a ti. 47 Jesuh nih Nathanael a rat kha a hei hmuh i, “Zohhmanh u, Israel mi taktak, hlenthawinak a ngei lomi,” a ti. 48 Nathanael nih cun, “Zeitindah na ka hngalh?” a ti. Jesuh nih a leh i, “Filip nih an auh hlanah khan theipi kung tang i na um ko kha kan hmuh,” a ti. 49 Nathanael nih, “Rabbi, Pathian Fapa na si! Israel Siangpahrang na si!” a ti. 50 Jesuh nih, “Theipi kung tangah kan hmuh ka ti caah maw na zumh? Hi nak thil ngan deuh hi na hmuh rih lai,” a ti. 51 Cun a sinah, “Biangaite kan chimh hna, van aa hung i Pathian vanmi hna kha Mi Fapa cungah an òum an kai kha nan hmuh lai,” a ti hna.