4
1 Nan lak i dohnak le sikòhiatnak hna hi khuazei in dah an rat? Nan pumsa duhnak nan chungah aa do lengmangmi in a chuak a si lo maw?
2 Nan duh nain nan hmu kho lo, cucaah lai nan nawng. Thil zeimaw ah nan mit a thi nain nan ngei kho lo, cucaah nan i si i nan i vel. Nan ngeih lo cu nan hal lo ruangah a si.
3 Nan hal i nan hmu lo, cucu a ping in nan hal, nan taksa duhning in nan hal caah a si.
4 Mizuangzam hna! Vawlei he i hawikomh cu Pathian he i ral a si ti nan hngal lo dahra? Cu a si caah vawlei he aa hawikommi nih cun Pathian ral ah aa ser.
5 Cathiang nih, “Kan chungah a thlarau a chiahmi nih cun a kan duh cukmak ko,” a timi hi a sawhsawh ah maw nan ruah?
6 Sihmanhsehlaw vel tam chinchin a kan pek i cucaah Cathiang nih, “Aa porhlawmi cu a ralchanh hna i toidormi cu a velngeih hna,” a rak ti.
7 Cu a si caah Pathian sinah cun i pe ko u. Khuachia cu dawn u law a zam ko lai.
8 Pathian cu naih u law amah zong nih an naih ve hna lai. Misual hna, nan kut i òawl u; mi lungrep lo hna nan thinlung thianter u.
9 Vansang au le ngaihchia in òap u, nan nihnak kha ngaihchiatnak ah cang seh law nan thanuamnak kha lung sivanghnak ah cang seh.
10 Bawipa hmaiah toidor in um u law an hlorh hna lai.
11 U le nau hna, pakhat le pakhat i thangchiat hlah u. A unau a thangchiat i a soisel ahcun phung thang a chiat i a soisel a si. Phung thang na chiat ahcun phung zulmi na si lo i phung soiseltu na si.
12 Phung petu le biaceihtu pakhat lawng a um. Cucu khamh khotu le hlohral khotu a si. Innpa a soiseltu nangmah cu aho ko hen na si?
13 Ngai hmanh u, nannih nih, “Nihin ah maw thaizing ah dik cu khua, kha khua ah khin kan kal lai i kum khat kan va um lai, chaw kan let lai i tangka tampi kan hmu lai,” a timi hna,
14 thaizing kong zeihmanh nan hngal lo. Nan nunnak hi zeidah a si? Caan tlawmte lawng a hung chuak i a lo chommi tichum bantuk an si.
15 “Bawipa duhnak a si ahcun kan nung rih lai i cucu khakha kan tuah lai,” nan ti awk tu a si deuh.
16 Atu ning tu ah cun i uang ngaiin nan i porhlaw, cu bantuk porhlawt cu sual a si.
17 Thil òha tuah awk a hngal ko nain a tuah lo ahcun sualnak a tuah a si.